رومیلار 16:26 - مُقادِّس کیتاب

²⁶ هاووا، بو خوش خابار آیان بُلدی.‏ اُل هِمّه میلِّتلِرینگ اِبِدی خودایینگ اِمرینه گُرَه اُنگا موطیع بُلماغی اوچین پیغامبارلارینگ یازغیلارینینگ اوستو بیلِن آیان اِدیلدی.‏

رومیلار 16:26 ပူးပေါင်းရင်းမြစ်များ

مَرقُس 16:15

عیسی شَگیرتلِرینه شِیله دییدی:‏ ‏«‏هِمّه دونیَه آیلانینگ-دا، خوش خاباری هِمّه آداملارا واغیظ اِدینگ.‏

رِسول‍لار 10:43

هِمّه پیغامبارلار هِم عیسی حاقدا شاهاتلیق اِتدیلِر.‏ عیسی ایمان گِتیرِن هِر بیر آدامینگ گونَه‌لِرینینگ اُنونگ آدینینگ خاطیراسینا باغیشلانجاقدیغینی آیتدیلار.‏»‏

رِسول‍لار 6:7

شِیلِلیکده، خودایینگ خوش خاباری خاص-دا یایراپ و اورشلیمده شَگیرتلِرینگ سانی باردیقچا کَنِلیَردی و کَن کاهینلار-دا ایمان گِتیردیلِر.‏

رومیلار 1:2

خودای مُقادِّس یازغیلاردا اُز پیغامبارلارینینگ اوستو بیلِن بو خوش خاباری واعدا بِردی.‏

رومیلار 1:20

خودایینگ گُزه گُرونمِیَن صیفاتلاری، یَعنی اِبِدی قودراتی و حاق خودایدیغی دونیَه بِجِرلِندِن بَری اُنونگ یارادان زاتلاریندان مِسه-معلیم گُرونیَندیر.‏ شُنگا گُرَه-ده، آداملارینگ:‏ ‏«‏خودای بارادا بیلمِیَریس»‏ دییمَگه هیچ باهاناسی یُقدور.‏

رومیلار 1:5

خودای بیزه عیسی مسیحینگ اوستو بیلِن مِرحِمِت اِدیپ، رِسولّیغا سایلادی.‏ اُل مونی هِمّه میلِّتلِرینگ خودایا ایمان گِتیریپ، اُنگا موطیع بُلماغی، عیسی مسیحینگ آدینینگ بِییکلِنمِگی اوچین اِتدی.‏

رومیلار 15:18

هاووا، مونی باتیرلیق بیلِن دییَّرین، سِبَبی یَهودی دَل‍لِرینگ خودایا موطیع بُلماغی اوچین، عیسی مسیحینگ اُزومینگ اوستو بیلِن اِدِن ایشلِری بارادا آیدیاندیرین.‏ اُل مونی سُزده و ایشده،

رومیلار 15:4

مُقادِّس یازغیلاردا یازیلانلارینگ باری بیزه تَعلیم بِرمِک اوچین یازیلاندیر.‏ بیز مُقادِّس یازغیلارینگ اوستو بیلِن صابیر-طاقاتلی بُلماغی اُورِنیَریس، اُلارینگ بِریَن تِسِلّیسینینگ اوستو بیلِن اومیدلیدیریس.‏

رومیلار 3:21

یُنه ایندی خودای آقلانمانینگ شِریغاتا دِگیشلی دَل یُلونی گُرکِزدی.‏ بو یُل بارادا تُورات و پیغامبارلارینگ یازغیلاری هِم شاهاتلیق اِدیَر.‏

غَلاطیه‌لِر 3:8

خودای ابراهیما:‏ ‏«‏هِمّه خالقلار سِنینگ اوستونگ بیلِن بِرِکِتلِنِر»‏ دییّپ، اُنگا اُزال-باشدا بوشلاپدی.‏ مُقادِّس یازغیلارینگ شو سُزلِری خودایینگ خالقلاری ایمانلارینا گُرَه آقلاجاقدیغینی اَوَّلدِن خابار بِریپدی.‏

اِفِسُسلار 1:9

خودای اُزال-باشدان مسیحده یِرینه یِتیرِن یاخشی نییِتلِرینینگ اوستو بیلِن اُز ایسلِگینینگ سیرینی بیزه اَشکَر اِتدی.‏

اِفِسُسلار 2:20

سیز قاییم بُنیادینگ اوستونده بینا اِدیلِنسینگیز.‏ بو بُنیاد رِسول‍لار و پیغامبارلاردیر.‏ اُنونگ بورچ داشی بُلسا عیسی مسیحینگ اُزودیر.‏

۱ تیموتاوس 1:17

اِبِدیلیگینگ پادیشاهسی، اُلمِز و گُزه گُرونمِز یِکه خودایا اِبِدی حُرمات و بِییکلیک بُلسون!‏ اَمین.‏

۱ تیموتاوس 3:16

ایمان سیرینینگ اولیدیغینا آصلا شِک یُقدور:‏ عیسی مسیح اینسان بِدِنینده آیان بُلوپ، مُقادِّس روحونگ اوستو بیلِن تاصدیقلانیلدی.‏ پِریشده‌لِر اُنی گُردولِر، اُل میلِّتلِر آراسیندا واغیظ اِدیلدی.‏ اُنگا بو دونیَه‌ده ایمان گِتیریلدی، اُل بِییکلیک ایچینده آسمانا آلیندی.‏

۲ تیموتاوس 1:10

ایندی نِجات بِریَنچیمیز عیسی مسیحینگ گِلمِگی بیلِن آیان اِدیلدی.‏ اُل اُلومی باطیل اِدیپ، خوش خابارینگ اوستو بیلِن باقی یاشایشی و اُلمِزلیگی آیان اِتدی.‏

عِبرانیلار 13:8

عیسی مسیح دوین و بو گون و تا اِبِد هِم شُلدور.‏

عِبرانیلار 9:14

اِگِر شِیله اِدِن بُلسالار، اُندا مسیحینگ قانی بیلِن خاص-دا اولی ایشلِر اِدیپ بُلار!‏ شِیدیپ، مسیح اِبِدی روحونگ اوستو بیلِن اُزونی عایپسیز قربانلیق حُکمونده خودایا هُدورلِدی.‏ اُنونگ دُکِن قانی بیزینگ وِجدانیمیزی اُلومه اِلتیَن ایشلِردِن پَکلِیَر، شُندا بیز دیری خودایا خیدمات اِدیَریس.‏

۱ یوحنا 5:20

بیز یِنه شونی بیلیَریس:‏ حاق خودایی تانیپ بیلمِگیمیز اوچین، خودایینگ اُغلی گِلیپ، بیزه عاقیل-فیکری بِردی.‏ بیز حاق خودای و اُنونگ اُغلی عیسی مسیح بیلِن یاشایاریس.‏ عیسی مسیح حاق خودایدیر و اِبِدی یاشاییشدیر.‏

آیانلیق 1:17

مِن اُنی گُرِن واقتیندا اُلی کیمین آیاقلارینا ییقیلدیم.‏ اِمّا اُل ساغ اِلینی اوستومه قُیوپ، شِیله دییدی:‏ ‏«‏قُرقما!‏ اَوَّلکی و آخیرقی مِندیرین.‏

آیانلیق 19:10

مِن پِریشدَه سِجده اِتمِک اوچین، اُنونگ آیاقلارینا ییقیلدیم.‏ اِمّا اُل مانگا شِیله دییدی:‏ ‏«‏یُق، مانگا سِجده اِتمه!‏ مِن هِم سِن و عیسی بارادا شاهاتلیق اِدیَن ایماندارلارینگ یالی خودایینگ بیر خیدماتکَریدیرین.‏ خودایا سِجده اِت!‏ عیسی بارادا شاهاتلیق اِدیَنلِر نبوّتلیق روحونا اِیه بُلیاندیرلار.‏»‏