رومیلار 16:21 - مُقادِّس کیتاب

²¹ هِمکَریم تیموتاوس، قارینداشلاریم لوکیوس، یاسون و سوسیپاتروس سیزه سالام یُلّایارلار.‏

رومیلار 16:21 ပူးပေါင်းရင်းမြစ်များ

رِسول‍لار 13:1

انطاکیه‌دَکی کِلیسادا نِبیلِر و مُعلِّملِر باردی.‏ اُلار بارنابا، شمعون لاقابی نیجِر، قیرِوانلی لوکیوس، حُکومدار هیرودیس بیلِن بیله اُسِن ماناحِم و سولُس باردی.‏

رِسول‍لار 17:14

شُندا ایماندارلار پولسی شو واقتدا دِریانینگ کِنارینا اوغراتدیلار.‏ سیلاس بیلِن تیموتاوس بُلسا بیریه‌ده قالدیلار.‏

رِسول‍لار 17:5

اِمّا یَهودیلِر باخیلچیلیق اِتدیلِر، اُلار بازاردا بیکَر گِزیپ یُرِن یامان آداملارینگ بیرنَچه‌سینی یانلارینا جِملَپ، شَهرده قالماغال توروزدیلار.‏ پولس بیلِن سیلاسی تاپیپ، جِماغاتینگ اُوونه چیقارماق اوچین، یاسونینگ اُیونه دُکولدیلِر.‏

رِسول‍لار 18:5

سیلاس بیلِن تیموتاوس مَقدونیه‌دِن گِلِنلِریندِن سُنگ، پولس تامام واقتینی عیسی حاقدَکی خاباری واغیظ اِتمَگه باغیشلادی.‏ اُل یَهودیلِره عیسانینگ مسیحدیگی بارادا شاهاتلیق اِتدی.‏

رِسول‍لار 19:22

اُل اُز ایکی کُمِکچیسینی – تیموتاوس بیلِن اِراستوسی مَقدونیه یُلّادی.‏ اُزی بُلسا بیرنَچه واقتلاپ آسیا وِلایاتیندا قالدی.‏

رِسول‍لار 20:4

بیریه‌دِن پیرّوسینگ اُغلی سوپاتِروس، تِسالونیکیدِن آریستارخوس بیلِن سِکوندوس، دِربه‌دِن قایوس هِم تیموتاوس، شِیله هِم آسیا وِلایاتیندان تیخیکوس بیلِن تروفیموس داغی اُنونگ بیلِن بیله گیتدیلِر.‏

رومیلار 16:11

قارینداشیم هیرودیونا سالام آیدینگ.‏ نارکیسوسینگ ایچِرسیندِن مسیحه ایمان گِتیرِنلِره سالام آیدینگ.‏

رومیلار 16:7

مِنینگ بیلِن زینداندا بُلان قارینداشلاریم آندرونیکوس بیلِن یونیاسا سالام آیدینگ.‏ اُلار رِسول‍لارینگ آراسیندا آد-آبرای قازانیپ، مسیحه مِندِن اُنگ ایمان گِتیریپدیلِر.‏

رومیلار 9:3

هاووا، مِن قانیبیر دُغانلاریم بُلان یَعنی اسرائیل خالقینینگ عیسی مسیحدِن داش دوشِنیندِن، اُزومینگ لَعنِته قالیپ، اُلارینگ خاطیراسینا مسیحدِن داش دوشمَگه-ده راضی بُلاردیم.‏ خودای اُلاری اُغولّیغا آلدی، اُلارا اُز بِییکلیگینی بِلّی اِدیپ، اُلار بیلِن عَهد باغلاشدی.‏ اُل شِریغاتی و عیباداتخاناداقی خیدماتی اُلارا ایناندی، واعدالارینی هِم اُلارا بِردی.‏

۲ قُرِنتُس‌لار 1:1

خودایینگ اِراداسی بیلِن عیسی مسیحینگ رِسولی بُلان مِن پولسدِن و دُغانیمیز تیموتاوس‌دان خودایینگ قُرِنتُس‌داقی کِلیساسینا، شِیله-ده هِمّه آخائیه وِلایاتینداقی ایماندارلارینگ بارینا دُغایی سالام!‏

۲ قُرِنتُس‌لار 1:19

مِن، سیلاس و تیموتاوس آرانگیزدا خودایینگ اُغلی عیسی مسیح بارادا واغیظ اِتدیک.‏ بیزینگ واغیظ اِدِن عیسی مسیحیمیز هِم ‏«‏هاووا»‏، هِم ‏«‏یُق»‏ دییِن دَلدیر.‏ خودای عیسی مسیحینگ اوستو بیلِن ‏«‏هاووا»‏ دییَّندیر.‏

فیلیپیلِر 1:1

عیسی مسیحینگ خیدماتچیسی بُلان مِن پولسدِن و تیموتاوس‌دان عیسی مسیحینگ اوستو بیلِن مُقادِّسلِره باغلی بُلان فیلیپیلِرینگ بارینا، و هِم کِلیسا باشلیقلارینا و خیدماتچیلارینا دُغایی سالام!‏

کولُسیلِر 1:1

خودایینگ اِراداسی بیلِن عیسی مسیحینگ رِسولی بُلان مِن پولسدِن و دُغانیمیز تیموتاوس‌دان کولُسیدَکی مُقادِّسلِره، یَعنی مسیحده دِگیشلی بُلان وِفالی دُغانلاریمیزا دُغایی سالام!‏ آتامیز خودایینگ مِرحِمِتی و پاراحاتلیغی، قُی، سیزه بُلسون!‏

۱ تِسالونیکیلِر 1:1

آتامیز خودای و تانگریمیز عیسی مسیحینگ تِسالونیکیدَکی کِلیساسینا پولس، سیلاس و تیموتاوس‌دان دُغایی سالام!‏ قُی، مِرحِمِت بیلِن پاراحاتلیق سیزه بُلسون!‏

۱ تِسالونیکیلِر 3:2

سیزینگ یانینگیزا بُلسا مسیحینگ خوش خابارینی یایراتماق اوچین خودایینگ خیدماتیندا هِمکَریمیز بُلان تیموتاوس دُغانیمیزی ایمانینگیزدا قاییملاپ و قوواتلاندیرماق اوچین ایبِردیک.‏

۱ تِسالونیکیلِر 3:6

اِمّا یانینگیزدان شو واقت گِلِن تیموتاوس سیزینگ ایمانینگیز و سُیگینگیز بارادا قاوی خابارلار گِتیردی.‏ اُل بیزی هِمیشه یاخشیلیقدا یادلایاندیغینگیزی، سیزی گُرِسیمیزینگ گِلشی یالی، سیزینگ-ده بیزی قاتی کویسِیَندیگینگیزی گورّونگ بِردی.‏

۲ تِسالونیکیلِر 1:1

آتامیز خودای و تانگریمیز عیسی مسیحینگ تِسالونیکیدَکی کِلیسالارینا پولس، سیلاس و تیموتاوس‌دان دُغایی سالام!‏

۱ تیموتاوس 1:2

تیموتاوسا دُغایی سالام!‏ اِی تیموتاوس، سِن اُز ایمانینگ اوستو بیلِن مانگا حاقیقی اُغول بُلانسینگ.‏ قُی، آتامیز خودایینگ و تانگریمیز عیسی مسیحینگ مِرحِمِتی، رِحم-شِپاقاتی و پاراحاتلیغی سانگا بُلسون!‏

۱ تیموتاوس 6:11

اِمّا سِن، اِی خودایینگ آدامی، بو زاتلاردان قاچ.‏ دُغرولیق، تاقوالیق، ایمان، سُیگی، صابیر-طاقاتلیق و میلاییملیق یُل‍لارینینگ ایزینا دوش.‏

۱ تیموتاوس 6:20

اِی تیموتاوس، اُزونگه اینانیلیپ بِرلِنی قُرا.‏ دونیَه‌نگ بُش گورّونگلِریندِن و ‏«‏بیلیم»‏ دیلیَن تِرس فیکرلِردِن داش دور.‏

عِبرانیلار 13:23

دُغانیمیز تیموتاوس‌ینگ زینداندان بُشاندیغیندان خابارلی بُلماغینگیزی ایسلِیَرین.‏ یانیما گِلِن واقتینا، سیزی گُرمَگه اُزوم بیلِن بیله اُنی هِم آلیپ بارارین.‏