رومیلار 16:17 - مُقادِّس کیتاب

¹⁷ اِی عزیزلِر، سیزه اُورِدیلِن تَعلیماتا قارشی چیقیپ، آرانگیزدا بُلونیشیکلِری دُرِدیَنلِردِن و ایمانینگیزا سِد بُلیانلاردان خاباردار بُلونگ دییّپ یالباریارین.‏ شِیله آداملاردان داش دورونگ.‏

رومیلار 16:17 ပူးပေါင်းရင်းမြစ်များ

مَتّیٰ 18:17

اُلارا-دا قولاق آسماق ایسلِمِسه، اُندا کِلیسا آیت.‏ اُنگا-دا قولاق آسماق ایسلِمِسه، قُی، اُل سِنینگ اوچین بیر بیگانه یا-دا مالییات آلیانچی یالی بُلسون.‏

مَتّیٰ 18:7

اینسانلارینگ گونَه اِتمِگینه سِبَپ بُلیان زاتلار اوچین بو دونیَه‌نینگ حالینا، وای!‏ بِیله زاتلار گِلمِلیدیر، اِمّا بولارینگ گِلمِگینه سِبَپ بُلیان آدامینگ گونونه، وای!‏

مَتّیٰ 7:15

‏«‏یالان نِبیلِردِن خاباردار بُلونگ!‏ اُلار سیزینگ یانینگیزا قُیون دِریسینه گیریپ گِلِرلِر، اِمّا اُزلِری ییرتیجی قورتلاردیر.‏

لوقا 17:1

عیسی شَگیرتلِرینه شِیله دییدی:‏ ‏«‏آداملاری گونَه دوچار اِدیَن زاتلارینگ گِلجِکدیگی حُکماندیر، اِمّا بو زاتلارینگ گِلمِگینه یاردیم بِریَن آدامینگ وای گونونه!‏

رِسول‍لار 15:24

‏«‏بیزینگ اِشیدیشیمیزه گُرَه، آرامیزدان کَبیرلِری باریپ، اُز سُزلِری بیلِن سیزی قُرقا سالیپ، فیکرینگیزی بولاشدیریپدیرلار.‏ اِمّا اُلاری بیز ایبِرمِدیک.‏

۱ قُرِنتُس‌لار 11:18

بیرینجیدِن، کِلیسادا اویشِنینگیزده، آرانگیزدا بُلونگیشیکلِرینگ بُلیاندیغی باراداقی گورّونگلِر مِنینگ قولاغیما یِتیَر.‏ مِن مونگا آز-کِم اینانمان-دا دورامُق.‏

۱ قُرِنتُس‌لار 3:3

بو دونیَه هِنیز-ده سیزه اُز تاثیرینی یِتیریَر، سِبَبی آرانگیزدا باخیل‍لیق، داعوا-جِنجِل بار.‏ شِیله بُلسا بولار سیزینگ دونیَه دِگیشلیدیگینگیزی بیلدیرمِیَرمی؟ سیز دونیِوی آداملار یالی حِرِکِت اِتمِیَرسینگیزمی نَمه؟

غَلاطیه‌لِر 2:4

سونِّتلِنمه مِسِله‌سی کَبیر دُغان یالیلار اوچین یوزه چیقیپدی.‏ اُلار بیزی بِنده اِتمِک اوچین، آرامیزا اُغرینچا سوملوپ، عیسی مسیحینگ اوستو بیلِن آلان آزادلیغیمیزی اُغرینلیقدا گُزلِدیلِر.‏

فیلیپیلِر 3:17

اِی عزیزلِر!‏ بیلِلیکده مِندِن نِمونه آلینگ.‏ بیزینگ نِمونه‌میزه گُرَه یاشایانلارا دیقّات اِدیپ، اُلاردان اُورِنینگ.‏

کولُسیلِر 2:8

خاباردار بُلونگ!‏ هیچ کیم سیزی بُش هِم یالان فِلسِفه‌لِر بیلِن اِسیر اِدَیمِسین، سِبَبی بِیله کِپلِر مسیحه دَل-ده، اینسان سونِّتلِرینه و فانی دونیَه‌نینگ قالان دِستورلارینا اِساسلانیاندیر.‏

۲ تِسالونیکیلِر 3:6

اِی عزیزلِر، بیکَر گِزیپ، بیزینگ تَعلیماتیمیزا گُرَه یاشامایان هِر بیر دُغاندان داش دورماغی تانگریمیز عیسی مسیحینگ آدیندان سیزه تابشیریاریس.‏

۱ تیموتاوس 1:3

مِن مَقدونیه اوغرانیمدا، سانگا اِفِسُس شَهرینده قال دییّپ تابشیریپدیم.‏ سِن اُل یِردَکی آداملارینگ کَبیرینه یالان تَعلیماتلاری یایراتمازلیغی تابشیر.‏

۲ تیموتاوس 3:5

اُلار دیندار گُرونسیلِر-ده، خودایینگ گویجونی اینکَر اِدیَندیرلِر.‏ بِیله آداملاردان داش دور.‏

تیتوس 3:10

آرانی بُلیَن آداما بیرکی گِزِک ناصیحات بِر.‏ اِمّا شُندا-دا نییِتیندِن قایتماسا، اُندان داش دور.‏

۱ یوحنا 2:19

اُلار بیزینگ آرامیزدان گیتدیلِر، آصلیندا-دا بیزه دِگیشلی دَلدیلِر.‏ دِگیشلی بُلسادیلار، بیزینگ آرامیزدا قالاردیلار.‏ اِمّا چیقیپ گیتمِکلِری اُلارینگ هیچ بیرینینگ بیزه دِگیشلی دَلدیگینی اَشکَر اِتدی.‏

یهودا 1:19

بولار سیزینگ آرانگیزا آیرالیق سالیپ، اُز اینسان دوشونجِلِرینه گُرَه یاشایان آداملاردیر و مُقادِّس روحدان ماحرومدیرلار.‏