رومیلار 14:2 - مُقادِّس کیتاب

² میثال اوچین، کَبیرلِرینگ ایمانی هِمّه زادی اییمَگه اِجازا بِریَر، اِمّا کَبیرلِرینگ ایمانی قاوشاق دینگه سَبزیجات اییَندیر.‏

رومیلار 14:2 ပူးပေါင်းရင်းမြစ်များ

رومیلار 14:1

ایماندا قاوشاق بُلان آدامی قابول اِدینگ.‏ یُنه فیکرلِری حاقدا اُنونگ بیلِن جِدِلِّشمَنگ.‏

رومیلار 14:14

مِن هیچ بیر زادینگ اُز-اُزوندِن حارام دَلدیگینی بیلیَرین، تانگریم عیسی مسیح هِم مِنی بو باباتدا ایناندیریار.‏ یُنه کیم هایسیدیر بیر زادی حارام حاساپلایان بُلسا، اُنونگ اوچین حارامدیر.‏

رومیلار 14:20

هایسیدیر بیر اییمیت سِبَپلی خودایینگ ایشینی ضایالامایلینگ.‏ هِمّه اییمیتلِر حالالدیر، یُنه باشغا بیرینینگ ایماندا بودریمِگینه سِبَپ بُلیان اییمیتی اییَّن آدام دُغری دَل ایشی اِدیَندیر.‏

رومیلار 15:1

بیز، ایماندا گویچلیلِر، دینگه اُز ایسلِیَنیمیزینگ ایزیندا بُلمالی دَل-ده، قایتام، ایمانی قاوشاق آداملارینگ اِجیزلیکلِرینی گُتِرمِلی بُلمالیدیریس.‏

۱ قُرِنتُس‌لار 10:25

قصابخانادا ساتیلیان هِر اِتی اییّپ بیلیَرسینگیز.‏ دویبینه یِتجِک بُلوپ، وِجدانینگیزی حُرلامانگ.‏

۱ قُرِنتُس‌لار 8:9

اِمّا اُز آزادلیغینگیزا خاباردار بُلونگ.‏ سیزینگ آزادلیغینگیز وِجدانی ناتووان بُلان ایماندارلارینگ بودریمِگینه سِبَپ بُلماسین!‏

۱ قُرِنتُس‌لار 9:22

اِجیزلِری مسیح طارافا گِتیرجِک بُلوپ، اِجیزلیگَه اُورولدیم.‏ قاراز، کَبیرلِری نِجات بِرجِک بُلوپ، مِن هِمّه‌لِره هِر زات بُلدوم.‏

غَلاطیه‌لِر 2:12

پِطرُس یعقوبینگ ایبِرِن آداملاری گِلمِزدِن اُزال، یَهودی دَل‍لِر بیلِن بیر ساچاق باشیندا اییّپ-ایچیَردی.‏ اِمّا شُل آداملار گِلِنده، پِطرُس سونِّتلِنمِگینینگ طارافدارلاریندان قُرقوپ، یَهودی دَل‍لِردِن آیریلشیپ، اُلار بیلِن قاتناشیغی کِسدی.‏

۱ تیموتاوس 4:4

خودایینگ یارادان زاتلارینینگ هِمّه‌سی قاوودیر.‏ شوکور بیلِن قابول اِدیلِن هِر زات آصلا رِد اِدیلمِلی دَلدیر.‏

تیتوس 1:15

قالبی پَکلِر اوچین هِمّه زات پَکدیر، یُنه آخلاقسیزلار و ایمان گِتیرمِدیکلِر اوچین یِکِجه-ده پَک زات یُقدور.‏ اُلارینگ فیکرلِری-ده و وِجدانلاری-دا تِلِکه بُلاندیر.‏

عِبرانیلار 13:9

هِر هیلی بیگانه تَعلیماتلارا گُوون بِریپ، گِلِن-گِچِنی آلمانگ.‏ قالبینگیزینگ اییّپ-ایچمِک عاداتلاریندان دَل-ده، خودایینگ مِرحِمِتیندِن قاییملاماغی قاویدیر.‏ سِبَبی اییّپ-ایچمِک عاداتلارینگ ایزینا دوشیَنلِر موندان هیچ هیلی خاییر گُرِن دَلدیر.‏

عِبرانیلار 9:10

مونگا دینگه بِدِن بیلِن باغلی بُلان اییّپ-ایچمِک و هِر هیلی پَکلِنیش واجیپلاری گیریَر.‏ بولارینگ هِمّه‌سی تَزه تِرتیب یِرلِشدیریلیَنچه یِرینه یِتیریلیَردی.‏