رومیلار 14:18 - مُقادِّس کیتاب

¹⁸ کیم عیسی مسیحه شِیله خیدمات اِدیَن بُلسا، خودایی خُشنود اِدیپ، آداملارینگ طارافیندان هِم قابول اِدیلِر.‏

رومیلار 14:18 ပူးပေါင်းရင်းမြစ်များ

مَرقُس 13:34

بو بیر اوزاق یُلا چیقان آدام یالیدیر.‏ اُل اُیوندِن چیقیپ باریارقا، خیدماتکَرلِرینه ایختییار بِرِر، هِر هایسینا بیر ایش تابشیرار.‏ قاپیداقی قاراوولا بُلسا اُیا بُلماغی تابشیردی.‏

یوحنا 12:26

کیم مانگا خیدمات اِتمِک ایسلِیَن بُلسا، ایزیما دوشسین.‏ مِن نیرِده بُلسام، مِنینگ خیدماتکَریم-ده شُل یِرده بُلار.‏ مانگا خیدمات اِدِن آدامی آتام حُرماتلار.‏

رِسول‍لار 10:35

قایتام، اُل اُزوندِن قُرقانی و دُغری ایش اِدِن هِر کِسی میلِّتینه باقمازدان قابول اِدیَندیر.‏

رومیلار 12:11

ایخلاصینگیز قاوشاماسین، مُقادِّس روحونگ بِریَن قایراتی بیلِن خودایا خیدمات اِدینگ.‏

رومیلار 14:4

باشغا بیرینینگ خیدماتکَرینی عاییپلار یالی سِن کیم؟ خیدماتکَرینگ اُزونه تابشیرلانلاری بِرجای اِدیپ-اِتمَندیگینی دینگه اُنونگ آقاسی بِلّی اِدیَندیر.‏ یُنه خیدماتکَر اُزونه تابشیرلانلاری بِرجای اِدیپ بیلِر، سِبَبی اُنونگ آقاسی عیسی مسیحدیر، اُل خیدماتکَرینی قوواتلاندیرماغی باشاریاندیر.‏

رومیلار 16:18

چونکی اُلار تانگریمیز عیسی مسیحه دَل-ده، اُز قارا قارینلارینا خیدمات اِدیَندیرلِر.‏ اُلار سویجی سُزلِر و آوادانگلیق بیلِن کِپلَپ، سادا آداملاری آلداوا سالیاندیرلار.‏

رومیلار 6:22

یُنه ایندی گونَه‌نینگ ایختییاریندان آزاد اِدیلیپ، خودایینگ قولی بُلدونگیز.‏ مونونگ نِتیجه‌سی مُقادِّس یاشاماقلیق، سُنگی بُلسا اِبِدی یاشاییشدیر.‏

۱ قُرِنتُس‌لار 7:22

چونکی قول واقتی خودای طارافیندان چاغیریلان کیشی اُنونگ آزاد بِنده‌سیدیر.‏ شُنونگ یالی، آزاد واقتی خودای طارافیندان چاغیریلان کیشی مسیحینگ قولودیر.‏

۲ قُرِنتُس‌لار 4:2

بیز عاییپلی بُلانی اوچین اوتانچلی و گوزگینلیکده اِدیلیَن ایشلِری رِد اِتدیک.‏ حیله‌لیک اِتمِیَریس و خودایینگ سُزونی اویتگِتمِیَریس.‏ تِرسینه، حاقیقاتی آچیق اِعلان اِدیپ، خودایینگ حوضوریندا هِمّه‌لِرینگ اُوونده جُغاپ بِرمَگه تاییاردیریس.‏

۲ قُرِنتُس‌لار 5:11

بیز خودایدان قُرقماغینگ نَمِدیگینی بیلِنیمیز اوچین، باشغالاری هِم توبا اِتمِلیدیگی باراسیندا ایناندیرجاق بُلیاریس.‏ بیزینگ نَهیلیدیگیمیز خودایا اَشکَردیر.‏ بو سیزینگ وِجدانینگیزا هِم اَشکَردیر دییِن اومیدیم بار.‏

۲ قُرِنتُس‌لار 5:9

اِمّا فانی بِدِنده یاشاساق-دا، اِبِدی مِسکِنه گِیینسِک-ده، مسیحی خُشنود اِتمِگی ماقصات اِدینیَریس.‏

۲ قُرِنتُس‌لار 6:4

تِرسینه، هِمّه زاتدا اُزومیزی خودایینگ لاییق خیدماتچیلاری حُکمونده اَشکَر اِدیَریس.‏ بیز قینچیلیقلاردا، مَحتَجلیکلِرده، چاره‌سیز یاغدایلاردا،

۲ قُرِنتُس‌لار 8:21

سِبَبی بیز دینگه خودایینگ ناظاریندا دَل، شِیله بُلسا اینسانلارینگ ناظاریندا هِم دُغری ایشلِمَگه ایخلاص بیلِن چالیشیاندیریس.‏

فیلیپیلِر 4:18

مِنینگ هِمّه زادیم بار، آرتیغی بیلِن هِم بار.‏ اِپافرودیتوس سیزینگ ایبِرِن سُوغاتلارینگیزی گِتیرِن بَری، کِم زادیم قالمادی.‏ بولار ایسلی عاطیر قربانلیق کیمین خودایینگ حالایان قربانیسیدیر.‏

فیلیپیلِر 4:8

نِتیجه‌ده، اِی عزیزلِر، حاقیقی، حُرماتا میناسیپ، دُغری، پَک، قاوی گُرونیَن و تعریفلانیان نَمه بار بُلسا، شُل بارادا فیکرلِنینگ.‏ هاووا، یاخشی و اُومِگه میناسیپ زاتلار بارادا فیکرلِنینگ.‏

کولُسیلِر 3:24

مونونگ اوچین مسیحدِن میراث بایراغینی آلجاغینگیزی بیلیَنسینگیز.‏ سیز تانگری مسیحه خیدمات اِدیَنسینگیز.‏

۱ تیموتاوس 2:3

بو خاییرلیدیر، نِجات بِریَنچیمیز خودایینگ حالایانیدیر.‏

۱ تیموتاوس 5:4

اِمّا دول آیالینگ فِرزِنتلِری یا آقتیقلاری بار بُلسا، قُی، حُکمَن اُلار اُنی ساقلاسینلار.‏ و قُی، اُورِنسینلِر یاخشیلیغی اُیدِن باشلاسینلار و هِمّه زاتدان اُوونچَک اِنه-آتالارینا حُرمات قُیسونلار.‏ چونکی بو خودایی خُشنود اِدیَندیر.‏

۱ پِطرُس 2:12

ایمانسیزلارینگ آراسیندا قاوی و دُغری یاشانگ.‏ شُندا اُلار سیزی یالنگیش ایش اِتمِکده تُهمِت اورسالار-دا، دُغری ایشلِرینگیزی گُروپ، خودایینگ گِلجِک گونی اُنی بِییکلِندیرِرلِر.‏

۱ پِطرُس 2:20

اِگِر اِدِن یالنگیش ایشینگیز اوچین یِنجیلمِلِره جیدایان بُلسانگیز، بو سیزه نَمه حُرمات گِتیرِر؟ اِمّا یاخشیلیق اِدیپ هِم یِنه عاذاپ چِکسِنگیز و مونگا جیداسانگیز، خودای موندان خاص کَن راضی بُلار.‏

۱ پِطرُس 2:5

شُنونگ اوچین سیز هِم دیری داشلار یالی روحانی بینا بُلوپ سالینیارسینگیز.‏ شُندا عیسی مسیحینگ اوستو بیلِن خودایینگ حالایان روحانی قربانلیقلارینی هُدورلِیَن مُقادِّس کاهینلار بُلارسینگیز.‏

۱ پِطرُس 3:16

وِجدانینگیزی پَک ساقلانگ، شُندا سیزینگ مسیحه باغلی دُغری یاشایشینگیز بارادا غیبات اِدِنلِر سیزی یامانلاپ آیدان کِپلِریندِن اوتانارلار.‏