رومیلار 13:11 - مُقادِّس کیتاب

¹¹ موندان باشغا حَضیرکی زامانانینگ نَهیلیدیگینی بیلیَنسینگیز.‏ اوقودان اُیانمالی ساغادیمیز گِلیپ یِتدی، سِبَبی ایندی نِجات تاپماغیمیز ایمان گِتیرِن واقتیمیزدان خاص قُلایدیر.‏

رومیلار 13:11 ပူးပေါင်းရင်းမြစ်များ

مَتّیٰ 16:3

اِرتیرینه هِم:‏ ‏”‏آسمانینگ یوزی قارالیپدیر هِم توتوق، بو گون قای تورجاق“‏ دییَّرسینگیز.‏ سیز آسمانا گُزَپ هُوانینگ یاغدایینی سایغاریپ بیلیَرسینگیز-ده، زامانینگ عالاماتلارینی سایغاریپ بیلمِیَرسینگیزمی؟

لوقا 21:28

بو زاتلار یِرینه یِتیپ باشلاندا، باشینگیزی قالدیریپ، یُقاری باقینگ، سِبَبی نِجات تاپماغینگیز قُلایلاپ گِلیَندیر.‏»‏

۱ قُرِنتُس‌لار 10:11

بولارینگ باری باشغالارا نِمونه بُلسون دییّپ، آتا-بابالاریمیزینگ باشیندان ایندی.‏ بو زامانینگ آخیرقی گونلِرینده یاشایانلارا، یَعنی بیزه بیلدیرمِک حُکمونده یازیلدی.‏

۱ قُرِنتُس‌لار 15:34

عاقیلینگیزی آیلانگ و گونَه اِتمِگی بِس اِدینگ.‏ سیزینگ آرانگیزدا خودایی تانیمییانلار هِم بار.‏ مِن مونی سیزی اوتاندیرماق اوچین آیدیارین.‏

اِفِسُسلار 5:14

چونکی نور هِمّه زادی اَشکَر اِدیَندیر.‏ شُنونگ اوچین شِیله دییّلیَر:‏ ‏«‏اُیان، اِی اوقا گیدِن!‏ اُلومدِن آیاغا قال!‏ مسیح سانگا نور سِچِر.‏»‏

یعقوب 5:8

سیز هِم صابیر-طاقاتلی بُلونگ!‏ جیداملی بُلونگ، سِبَبی عیسی مسیحینگ گِلجِک گونی قُلایلادی.‏

۱ پِطرُس 4:7

هِمّه زاتلارینگ آخیری یاقین گِلدی.‏ مونونگ اوچین آچیق دوشونجِلی بُلوپ، خاباردارجا دُغا اِدینگ.‏

۲ پِطرُس 3:11

هِمّه زات شِیدیپ دارغاجاق بُلسا، اُندا سیزینگ نَهیلی آداملار بُلماغینگیز گِرِک؟ خودایینگ گونونه قاراشیپ، اُنی چالاسیملاشدیریپ، مُقادِّس یاشاییشدا و تاقوالیقدا گِزمِلیسینگیز.‏ اُل گون آسمان یانیپ یُق بُلار، آسمان جیسیملِری یانیپ اِرَر.‏

۲ پِطرُس 3:9

کَبیرلِری خودای اُز بِرِن واعداسینی بِرجای اِتمِگی گیجَه قالدیریار دییّپ حاساپ اِتسِلِر-ده، اُل گیجَه قالدیرماز.‏ خودای سیزینگ اوچین صابیر اِدیَندیر، سِبَبی اُل هیچ کیمینگ هِلَک بُلمان، هِمّه‌لِرینگ توبا اِتمِگینی ایسلِیَر.‏

۱ یوحنا 2:18

اِی بالالار، بو دونیَه‌نینگ آخیرقی گونلِری یِتیپ گِلِندیر.‏ سیز مسیحه قارشی چیقیان دوشمانینینگ گِلجِکدیگینی اِشیدِنسینگیز.‏ اِدیل شو واقت هِم مسیحه قارشی چیقیانلارینگ اِنچِمه‌سی گُروندی.‏ اینه، بو واقالاردان بیز دونیَه‌نینگ آخیرقی گونلِرینینگ یِتیپ گِلِندیگینی بیلیَریس.‏

آیانلیق 1:3

بو نبوّتلیق سُزلِرینی اُقیپ بِریَن خوشواقتدیر و بو سُزلِری اِشیدیپ، اُلاری یِرینه یِتیریَن خوشواقتدیر، چونکی بو نبوّتلیغینگ بِرجای بُلمالی واقتی قُلایدیر.‏

آیانلیق 22:10

اُنسُنگ اُل مانگا شِیله دییدی:‏ ‏«‏بو کیتابینگ نبوّتلیق سُزلِرینی گوزگین ساقلاما!‏ چونکی اُلارینگ بِرجای بُلمالی واقتی قُلایدیر.‏

آیانلیق 22:12

‏«‏اینه، مِن باسیم گِلِرین!‏ هِر کِسه اِدِن ایشلِرینه گُرَه بِرجِک پاداشیم یانیمدادیر!‏

آیانلیق 22:20

بو واقالارینگ شاهادی:‏ ‏«‏هاووا، مِن باسیم گِلِرین!‏»‏ دییَّر.‏ اَمین.‏ اِی تانگریمیز عیسی، گِل!‏