رومیلار 12:6 - مُقادِّس کیتاب

⁶ بیزه بِرلِن مِرحِمِته گُرَه، هِر بیریمیزینگ هِرهیلی روحانی ناغماتلاریمیز باردیر.‏ شُنونگ اوچین-ده، کیم نبوّتلیق ناغماتینی آلان بُلسا، قُی، اُزونه بِرلِن ایمانا گُرَه نبوّتلیق اِتسین.‏

رومیلار 12:6 ပူးပေါင်းရင်းမြစ်များ

مَتّیٰ 23:34

شُنونگ اوچین هِم مِن سیزه پیغامبارلاری، عاقیلدارلاری و دین عُلَمالاری یُلّایارین.‏ سیز اُلارینگ کَبیرینی اُلدورِرسینگیز، صلیبه چویلَرسینگیز، کَبیرینی کِنیسه‌لِرینگیزده یِنجِرسینگیز، شَهردِن-شَهره ایزلارینا دوشورسینگیز.‏

مَتّیٰ 25:22

‏«‏ایکی حالتا آلان هِم گِلیپ:‏ ‏”‏آقا!‏ سِن مانگا ایکی حالتا قیزیل-کوموش بِریپدینگ، اینه، مِن اُندان یِنه ایکی حالتا قازاندیم“‏ دییَّر.‏

لوقا 11:49

شو سِبَپدِن هِم، خودایینگ حِکمِتی شِیله دییّپدیر:‏ ‏”‏مِن اُلارا پیغامبارلار، رِسول‍لار ایبِرِرین، اُلارینگ کَبیرینی اُلدورِرلِر، کَبیرینی هِم اِذیِت بِرِرلِر.‏“‏

رِسول‍لار 13:1

انطاکیه‌دَکی کِلیسادا نِبیلِر و مُعلِّملِر باردی.‏ اُلار بارنابا، شمعون لاقابی نیجِر، قیرِوانلی لوکیوس، حُکومدار هیرودیس بیلِن بیله اُسِن ماناحِم و سولُس باردی.‏

رِسول‍لار 15:32

یهودا بیلِن سیلاس نِبیدیلِر.‏ اُلار دُغانلارا کَن ناصیحات اِدیپ، اُلارینگ ایمانینی قاییملادیلار.‏

رِسول‍لار 2:17

‏”‏خودای شِیله دییَّر:‏ آخیرقی گونلِرده شِیله بُلار، مِن هِمّه اینسانلارینگ اوستونه اُز روحومی دُکِرین.‏ نبوّتلیق اِدِر اُغول‍لارینگیز و قیزلارینگیز، رویالار گُرِر ییگیتلِرینگیز، دیشلِر گُرِر قارّیلارینگیز.‏

رِسول‍لار 21:9

فیلیپُسینگ دورموشا چیقمادیق دُرت قیزی باردی و اُلار نبوّتلیق اِدیَردیلِر.‏

رومیلار 1:11

سیزی خاص گُرِسیم گِلیَر، ایمانینگیزی قاییملاجاق روحانی ناغماتلاری سیزینگ بیلِن پایلاشاسیم گِلیَر.‏

رومیلار 12:3

اُزومه بِرلِن مِرحِمِتدِن پِیدالانیپ، سیزینگ هِمَّه‌نگیزه شولاری دییَّرین:‏ اُزونگیزی یُقاری توتمانگ.‏ تِرسینه، خودایینگ هِر کیمه بِرِن ایمانینا گُرَه اُزونگیز باباتدا حاقیقی دوشونجِلی بُلونگ.‏

۱ قُرِنتُس‌لار 12:18

اِمّا خودای هِمّه ‌اعضالاری بیر بِدِنده یِرلِشدیریپ، اُلارینگ هِر بیرینی اُز ایسلِیشینه گُرَه قُیدی.‏

۱ قُرِنتُس‌لار 13:2

اِگِر نبوّتلیق ناغماتیم بُلوپ-دا، هِمّه سیرلاری و عیلیملاری بیلیپ-ده، داغلاری سویشورمَگَه گویچلی ایمانیم بُلوپ-دا، سُیگیم بُلماسا، مِن هیچدیرین.‏

۱ قُرِنتُس‌لار 14:1

سُیگینینگ ایزیندا بُلونگ.‏ مُقادِّس روحونگ ناغماتلارینی آلماغا، خاص-دا نبوّتلیق اِتمَگه ایخلاص اِدینگ.‏

۱ قُرِنتُس‌لار 14:24

اِمّا اِگِر ایمان گِتیرمِدیک یا-دا دوشونمِیَنینگ بیری نبوّتلیق اِدیپ دورقا گِلسه، اُل هِمّه‌لِر طارافیندان گونَه‌کَرلِنیپ، حُکوم اِدیلیَندیگینی اِشیدِر.‏

۱ قُرِنتُس‌لار 14:29

نبوّت اِدیَنلِرینگ بُلسا ایکیسی یا-دا اوچوسی گورلِسین.‏ بِیلِکیلِر بُلسا اُلارینگ آیدیانلارینی فیکرلِنیپ گُرسونلِر.‏

۱ قُرِنتُس‌لار 3:5

آپولُس کیم؟ پولس کیم؟ بولار سیزینگ عیسی مسیحه ایمان گِتیرمِگینگیزه یاردیم بِرِن خیدماتچیلار آخیرین.‏ خودایینگ بِلّی اِدیشی یالی، بیزینگ هِر بیریمیز اُز ایشیمیزی یِرینه یِتیردیک.‏

۱ قُرِنتُس‌لار 7:7

اِلبِتّه، هِر کیمینگ مِن یالی بُلماغینی ایسلِیَرین.‏ اِمّا یُنه هِر کیمینگ خودایدان آلان اُز ناغماتی باردیر:‏ بیرینینگ ناغماتی بِیلِدیر، باشغانینگ ناغماتی اِیلِدیر.‏

۲ قُرِنتُس‌لار 8:12

چونکی مادّی کُمِک بِرمِک هُوِسی بار بُلسا، خودای اینسانینگ یُق زادینا گُرَه دَل-ده، اِلینده بار بُلانینا گُرَه قابول اِدیَندیر.‏

اِفِسُسلار 3:5

خودای بو سیری اُوالقی نِسیل‍لِره اَشکَر اِتمَن، ایندی حَضیر مُقادِّس روحونگ اوستو بیلِن اُز مُقادِّس اِنبیا و رِسول‍لارینا اَشکَر اِتدی.‏

اِفِسُسلار 4:11

اینه، مسیحینگ اُزی کَبیرلِرینی رِسول، کَبیرلِرینی نِبی، باشغا بیریلِرینی مُبَشِر، بِیلِکی بیرلِرینی کِشیش و مُعلِّم اِدیپ بِلِّدی.‏

فیلیپیلِر 3:15

شُنگا گُرَه-ده، ایماندا یِتیشِن بُلانلاریمیزینگ باری، قُی، شو دوشونجِدِن فیکر اِتسین.‏ اِگِر هایسیدیر بیر زات باباتدا باشغا فیکرده بُلسانگیز، اُندا خودای سیزه مونی هِم اَشکَر اِدیشدیرِر.‏

۱ تِسالونیکیلِر 5:20

نبوّتلارا اَسگِرمِزچیلیک اِتمَنگ.‏

۲ پِطرُس 1:20

هِر زاتدان اُنگ شونی بیلیپ قُیونگ:‏ مُقادِّس یازغیلارداقی نبوّتلیق سُزلِری پیغامبارلارینگ اُز دوشونجِسیندِن گِلیپ چیقان دَلدیر.‏