رومیلار 12:2 - مُقادِّس کیتاب

² بو دونیَه‌نینگ یُل‍لارینا مِنگزِشجِک بُلمانگ.‏ تِرسینه، فیکرلِرینگیزی تَزه‌لَپ، اویتگِدینگ.‏ شِیتسِنگیز، خودایینگ ایسلِگینه دوشونمِگی، یَعنی نَمه زات قاوی، حالایانی و کَمیلدیگینی بیلمِگی باشارارسینگیز.‏

رومیلار 12:2 ပူးပေါင်းရင်းမြစ်များ

مَتّیٰ 13:22

تیکِنلیگینگ آراسینا دوشِن تُخوم بُلسا بودور:‏ اُل سُزی اِشیدیَر، یُنه دونیَه‌نینگ قایغیلاری، بایلیغینگ هُوِسی اُنی بُغیار و سُز حاصیلسیز بُلیار.‏

مَرقُس 4:19

اِمّا دونیَه‌نینگ قایغیلاری، بایلیغا کُوالاشما و باشغا هُوِسلِر آرا گیریپ، سُزی بُغیار، شُنونگ اوچین سُز حاصیل بِرمِیَر.‏

یوحنا 14:30

مانگا ایندی سیزینگ بیلِن کِپلِشِره کَن واقت قالمادی، سِبَبی بو دونیَه‌نینگ رِییسی گِلیَر.‏ اُنونگ مِن باباتدا هیچ هیلی ایختییاری یُقدور.‏

یوحنا 15:19

دونیَه‌دِن بُلان بُلسادینگیز، دونیَه سیزی اُزونینگکیلِر کیمین سُیِردی.‏ اِمّا سیز بو دونیَه دِگیشلی دَلسینگیز.‏ مِن سیزی بو دونیَه‌دِن سایلاپ آلدیم.‏ اینه، شُنونگ اوچین هِم، دونیَه سیزی ییگرِنیَر.‏

یوحنا 17:14

مِن اُلارا سِنینگ سُزلِرینگی یِتیردیم، دونیَه بُلسا اُلاری ییگرِندی.‏ چونکی مِنینگ دونیَه‌دِن بُلمایشیم یالی، اُلار-دا دونیَه‌دِن دَلدیرلِر.‏

یوحنا 7:7

دونیَه سیزی ییگرِنیپ بیلمِز، اِمّا مِنی ییگرِنیَر، سِبَبی مِن اُنونگ ایشلِرینینگ تِلِکه‌دیگینه شاهاتلیق اِدیَرین.‏

رومیلار 12:1

شُنگا گُرَه-ده، اِی عزیزلِر، خودایینگ مِرحِمِتینینگ خاطیراسی اوچین سیزه یالباریارین:‏ اُزونگیزی اُنونگ حالاجاق دیری و مُقادِّس قربانلیغی حُکمونده هُدورلَنگ.‏ شِیتسِنگیز، خودایینگ حوضوریندا میناسیپ یُلدا خیدمات اِتدیگینگیز بُلار.‏

رومیلار 13:14

اینسان هُوِسلِرینگیزی نَدیپ راضیلاندیرارقام دییّپ فیکرلِنمِنگ-ده، قایتام، تانگریمیز عیسی مسیحه گِیینینگ.‏

رومیلار 7:12

شِیلِلیک بیلِن شِریغات مُقادِّسدیر.‏ اُنونگ هِر بیر حُکومی هِم مُقادِّس، عادالاتلی و قاویدیر.‏

رومیلار 7:14

بیز شِریغاتینگ روحانیدیغینی بیلیَریس.‏ یُنه مِن نِفسانی بُلوپ گونَه‌نینگ قولی حُکمونده ساتیلاندیرین.‏

رومیلار 7:22

تامام قالبیم بیلِن خودایینگ شِریغاتیندان لِذِّت آلسام-دا،

۱ قُرِنتُس‌لار 3:19

چونکی بو دونیَه‌نینگ حِکمِتی خودایینگ ناظاریندا آحماقلیقدیر.‏ مُقادِّس یازغیلاردا:‏ ‏«‏خودای حِکمِتلی بیلِنی اُز حیله‌سینده توتیار»‏ دییّپ یازیلاندیر.‏

۲ قُرِنتُس‌لار 4:4

بو دونیَه‌نینگ حُکومداری شِیطان ایمان گِتیرمِدیکلِرینگ دوشومینی باغلادی.‏ شُنونگ اوچین-ده اُلار خودایینگ صوراتی بُلان عیسی مسیحینگ بِییکلیگینینگ خوش خابارینینگ نورینی گُروپ بیلمِیَرلِر.‏

۲ قُرِنتُس‌لار 5:17

شُنگا گُرَه-ده، کیم عیسی مسیحده بُلسا، اُل تَزه یارادیلیشدیر.‏ کُهنه زاتلار گِچیپ گیتدی، ایندی هِمّه زات تَزه بُلدی!‏

غَلاطیه‌لِر 1:4

آتامیز خودای اِراداسینا گُرَه، عیسی مسیح بیزی شو بِتِرلییَن اِییَمدِن آزاد اِتمِکچی بُلوپ، گونَه‌لِریمیز اوچین اُز جانینی بِردی.‏

اِفِسُسلار 1:18

خودایینگ اُز چاغیرانلارینا و بِرِن اومیدینا، خالقینا بِرِن بِییک میراثینینگ بایلیغینا و بیز ایمان گِتیرِنلِره گُرکِزِن دِنگسیز-تایسیز قودراتینا گُز یِتیرمِگینگیز اوچین، قُی، اُل یورِگینگیزینگ مِرتِبه‌سینی نورلاندیرسین دییّپ دُغا اِدیَرین.‏ بو قودرات خودایینگ مسیحی دیرِلدیپ، آسماندا اُز ساغیندا اُتوردان گویجونه مِنگزِشدیر.‏

اِفِسُسلار 2:2

اِدیل دونیَه‌دَکی بِیلِکی آداملار یالی سیز-ده گونَه‌لی یاشاییشینگ ایزینا دوشوپ، خودایا موطیع بُلمادیقلارا هِنیز-ده تاثیرینی یِتیریَن گُنگدَکی روحی گویچلِرینگ حُکومدارینا عِمِل اِدیَردینگیز.‏

اِفِسُسلار 5:17

شُنونگ اوچین-ده نادان بُلمان، قایتام، مسیحینگ اِراداسینینگ نَمِدیگینه دوشونینگ.‏

کولُسیلِر 1:9

مونی اِشیدِن گونومیزدِن بَری، بیز هِم سیزینگ اوچین دُغالاریمیزینگ ایزینی اوزِمزُق.‏ خودایینگ ایسلِگینی دُلی بیلمِگینگیز اوچین، اُنونگ سیزی هِر حِکمِت و روحانی دوشونجه بیلِن دُلدورماغینی دیلِیَریس.‏

کولُسیلِر 3:10

ایندی یارادانینگ صوراتینا مِنگزِمِکده و اُنی کَمیل تانیماقدا تَزه یارادیلیشا گِیینینگ.‏

کولُسیلِر 4:12

اُز شَهرینگیزدِن بُلان، عیسی مسیحینگ خیدماتچیسی، اِپافراس هِم سیزه سالام یُلّایار.‏ خودایینگ هِر بیر ایسلِگینی دُلی بیلمِگینگیز و ایماندا قاییم دوروپ، کَمیل بُلماغینگیز اوچین، اِپافراس ایخلاص بیلِن هِمیشه دُغا اِدیَر.‏

۱ تِسالونیکیلِر 4:3

خودایینگ ایسلِگی شولاردیر:‏ مُقادِّس بُلونگ، زینا اِتمَنگ.‏

تیتوس 3:5

بیز دُغرولیغا دایانیپ اِدِن ایشلِریمیزینگ اوستو بیلِن دَل-ده، اُنونگ رِحم-شِپاقاتینینگ اوستو بیلِن نِجات بِریلدیک.‏ خودای بیزی مُقادِّس روحونگ اوستو بیلِن اویتگِدیپ، قایتادان دُغلوشینگ اوستو بیلِن پَکلِدی.‏

یعقوب 1:27

آتامیز خودایینگ ناظاریندا پَک هِم عاییبسیز دیندارلیق یِتیملِرینگ و دول آیال‍لارینگ قین گونونده خابارینی آلماقدان عیباراتدیر و شِیله هِم بو دونیَه‌نینگ یامانلیغیندان اُزونگی داش ساقلاماقدیر.‏

یعقوب 4:4

اِی بیوِفالار، دونیَه بیلِن دُستلوق خودایا دوشمان بُلیاندیغینی بیلمِیَرسینگیزمی؟ کیم دونیَه بیلِن دُست بُلسا، خودایا دوشمان بُلیاندیر.‏

۱ پِطرُس 1:14

موطیع فِرزِنتلِر یالی بُلونگ، اُزالقی نادان زامانینگیزداقی هُوِسلِرینگیزینگ ایزینا دوشمَنگ.‏

۱ پِطرُس 1:18

آتا-بابالارینگیزدان میراث آلان بو پوچ دورموشینگیزدان قیزیل-کوموش یالی فانی زاتلارینگ اوستو بیلِن نِجات تاپماندیغینگیزی بیلیَنسینگیز.‏

۱ پِطرُس 2:3

سِبَبی سیز عیسی مسیحینگ یاخشیلیغینی دادیپ گُردونگیز.‏

۱ پِطرُس 4:2

ایندی بو بِدِندَکی قالان یاشاجاق عُمرونگیزده اینسانینگ هُوِسینه گُرَه دَل-ده، خودایینگ ایسلِگینه گُرَه یاشانگ.‏

۲ پِطرُس 1:4

خودای بیزه خاص قیماتلی و اولی واعدالاری بِردی.‏ اُل بو واعدالارینگ اوستو بیلِن سیزینگ بو دونیَه‌دَکی تِلِکه هُوِسلِردِن دُرِیَن آخلاقسیزدان داش دوروپ، اُز طِبیغاتینا شِریک بُلماغینگیزی نییِت اِتدی.‏

۲ پِطرُس 2:20

آداملار تانگریمیز هِم نِجات بِریَنچیمیز عیسی مسیحی تانیماقینگ اوستو بیلِن دونیَه‌نینگ تِلِکه‌لیکلِریندِن قاچیپ سیپدیلار.‏ اِگِر اُلار موندان سُنگرا هِم یِنه شونونگ یالی ایشلِره اِل اورسا و گونَه‌نینگ قولی بُلسالار، اُندا اُلارینگ آخیرقی یاغدایی اُوالقی یاغداییندان-دا بِتِر بُلار.‏

۱ یوحنا 3:13

اِی عزیزلِریم، اِگِر دونیَه سیزی ییگرِنیَن بُلسا، گِنگ قالمانگ.‏

۱ یوحنا 5:19

بیز اُزومیزینگ خودایداندیغیمیزی، هِمّه دونیَه‌نینگ بُلسا شِیطانینگ اِلینینگ آشاغیندادیغینی بیلیَریس.‏

آیانلیق 12:9

اولی اژدها اُز پِریشده‌لِری بیلِن یِره زینگیلدی.‏ هاووا، هِمّه دونیَه‌نی آزدیریپ، اِبلیس یا-دا شِیطان دییّپ آدلاندیریلیان بو قادیمی ییلان یِره زینگیلدی.‏

آیانلیق 13:8

یِر یوزونده یاشایان هِر بیر اینسان بو جاناوارا سِجده اِدِر.‏ بو جاناوارا دینگه دونیَه یارادیلمازدان اُنگ آدلاری یاشاییش دِفتِرینه یازیلان آداملار سِجده اِتمِز.‏ یاشاییش دِفتِری داماغی چالنان قوزینینگقیدیر.‏