رومیلار 11:20 - مُقادِّس کیتاب

²⁰ سیز حاقلی، یُنه اُلار ایمانسیزلیغی سِبَپلی کِسیلدی.‏ سیز بُلسا ایمانینگ اوستو بیلِن دورسونگیز.‏ شُنگا گُرَه، مَغرور بُلمانگ، قایتام قُرقونگ.‏

رومیلار 11:20 ပူးပေါင်းရင်းမြစ်များ

لوقا 18:14

مِن سیزه فَریسی‌نینگ دَل-ده، مالییات آلیانچینینگ آقلانیپ گیدِندیگینی آیدیارین، سِبَبی کیم اُزونی یُقاری توتسا پِسِلدیلِر، کیم اُزونی آشاق توتیان بُلسا بِیگِلدیلِر.‏»‏

رِسول‍لار 18:6

اِمّا اُلار پولسه قارشی چیقیپ، اُنگا سِومَگه باشلادیلار.‏ شُندا پولس اُلاردان ناراضی بُلوپ، لِباسینینگ چانگینی قاقیپ:‏ ‏«‏قانینگیز اُز بُینونگیزا بُلسون، مِنده عاییپ یُق.‏ موندان بِیلَک مِن باشغا میلِّتلِرینگ یانینا گیتجِک»‏ دییدی.‏

رومیلار 11:18

شُنگا گُرَه-ده، اُنونگ کِسیلِن شاخالارینینگ اُوونده قابارمانگ، سِبَبی سیز کُکی دَل-ده، کُک سیزی ساقلایاندیر.‏

رومیلار 11:21

سِبَبی خودای باغینگ طِبیغی شاخالارینی رِحم اِتمِدیک بُلسا، اُندا سیزی، یَعنی سِپلِنِن وَحشی شاخالاری آصلا-دا رِحم اِتمِز.‏

رومیلار 12:16

بیری-بیرینگیز بیلِن اُنگشوقلی بُلونگ.‏ مَغرور بُلمانگ، یُقسیز آداملار بیلِن دُست بُلونگ، اُزونگیزی بِیلِکیلِردِن عاقیلّی سایمانگ.‏

رومیلار 12:3

اُزومه بِرلِن مِرحِمِتدِن پِیدالانیپ، سیزینگ هِمَّه‌نگیزه شولاری دییَّرین:‏ اُزونگیزی یُقاری توتمانگ.‏ تِرسینه، خودایینگ هِر کیمه بِرِن ایمانینا گُرَه اُزونگیز باباتدا حاقیقی دوشونجِلی بُلونگ.‏

رومیلار 3:3

اُلارینگ کَبیرلِرینینگ خودایا وِفادار بُلماندیغی هِمّه‌لِره معلیمدیر.‏ یُنه اُلارینگ بیوِفالیغی اُندا خودایینگ وِفادارلیغینی باطیل اِدِرمی نَمه؟

۱ قُرِنتُس‌لار 10:12

شونلوقدا، سیز قاییم دوراندیریس دییّپ فیکر اِدیَن-ده بُلسانگیز، گونَه وِسوِسه‌سینده ییقیلماز یالی، خاباردار بُلونگ!‏

۱ قُرِنتُس‌لار 15:1

ایندی بُلسا، اِی عزیزلِر، سیزه واغیظ اِدِن خوش خاباریمی یادلاپ گِچمِکچی.‏ سیز اُنی قابول اِدیپ، اُندا قاییم دورسونگیز.‏

۱ قُرِنتُس‌لار 16:13

خاباردار بُلونگ، ایماندا قاییم دورونگ، قُرقمانگ، قایراتلی بُلونگ.‏

۲ قُرِنتُس‌لار 1:24

بیز سیزینگ ایمانینگیزینگ اوستوندِن حُکوم سورمِکچی بُلامزُق، تِرسینه، شاتلیغینگیزینگ خاطیراسینا سیز بیلِن هِمکَرلیک اِدیَریس، چونکی سیز ایماندا قاییم دورسونگیز.‏

۲ قُرِنتُس‌لار 10:5

بو یاراغلار بیلِن خودای باراداقی بیلیمه قارشی چیقیان هِر بِییکلیگی وِیران اِدیَریس و هِر فیکری اِسیرلیگه آلیپ، اُنی عیسی مسیحه موطیع اِدیَریس.‏

فیلیپیلِر 2:12

شُندا، اِی عزیزلِریم، مِن یانینگیزداقام، سیز خودایینگ سُزونه موطیع‌دینگیز.‏ اِمّا مِنینگ یُقلوغیمدا هِم موطیع بُلماغینگیز خاص-دا مُهِمدیر.‏ خودایینگ حوضوریندا قُرقی و تیترِمه بیلِن، اُز نِجات تاپانینگیز اوچین یاخشی ایشلِری عِمِل اِدینگ.‏

کولُسیلِر 2:7

شوکورلِر بیلِن دُلوپ-آقیپ، مسیحده کُک اورونگ و اُسونگ، اُزونگیزه اُورِدیلیشی یالی، ایماندا قاییم دورونگ.‏

۲ تِسالونیکیلِر 2:4

بو آدام خودای دییّپ آدلاندیریلیان یا سِجده اِدیلیَن زاتلارینگ بارینا قارشی چیقیپ، اُزونی اُلاردان یُقاری توتار.‏ اُل حتّیٰ خودایینگ عیباداتخاناسیندا اُتوریپ، اُزونی خودای دییّپ اِعلان اِدِر.‏

۱ تیموتاوس 6:17

بو زامانینگ بایلارینا مَغرور بُلمازلیغی تابشیر.‏ قُی، اُلار اینامسیز و قیسغا بایلیغا دَل-ده، لِذِّت آلماغیمیز اوچین هِر زادی بُل یِتیریَن خودایا بیل باغلاسینلار.‏

عِبرانیلار 3:12

اِی عزیزلِر، خاباردار بُلونگ!‏ سیزینگ هیچ بیرینگیزده یامان نییِتلی و ایمانسیز یورِک بُلماسین، بولار سیزی دیری خودایدان داشلاشدیرماسین.‏

عِبرانیلار 3:19

شِیلِلیکده، بیز اُلارینگ ایمان گِتیرمِدیکلِری سِبَپلی واعدا بِرلِن یِره گیریپ بیلمَندیکلِرینی گُریَریس.‏

عِبرانیلار 4:11

شُنونگ اوچین، گِلینگ، شُل دینچلیق مِکانینا گیرمِک اوچین چالیشایلینگ.‏ هیچ کیم اسرائیل خالقی یالی، خودایا موطیع‌سیزلیق اِدیپ، دینچلیقدان ماحروم بُلماسین.‏

عِبرانیلار 4:6

شُندا-دا کَبیر آداملار اوچین اُل یِره گیرمَگه هِنیز هِم مومکینچیلیک باردیر، بو مِکان حاقداقی خابار اَوَّلکی اِشیدِنلِر خودایا موطیع بُلمادیقلاری سِبَپلی، اُنگا گیرمِکدِن ماحروم بُلدولار.‏

یعقوب 2:19

سِن خودایینگ یِکِدیگینه اینانیارسینگ.‏ قاوی اِدیَرسینگ!‏ مونگا حتّیٰ آرخو-جینلار هِم اینانیارلار و تیترِیَرلِر.‏

یعقوب 4:6

اِمّا خودای بیزه خاص بِییک مِرحِمِت بِریَر.‏ شُنگا گُرَه مُقادِّس یازغیلار شِیله دییَّر:‏ ‏«‏خودای مَغرورلارا قارشیدیر، اِمّا فُروتَنلِره مِرحِمِت اِدیَندیر»‏.‏

۱ پِطرُس 1:17

آدام آراسیندا فارق قُیمازدان، هِر کیمی اِدِن اِتمیشینه گُرَه حُکوم بِریَن خودایی آتا دییّپ چاغیریان بُلسانگیز، بو دونیَه‌دَکی بیگانه‌لیک زامانینگیزی خودایدان قُرقوپ گِچیرینگ.‏

۱ پِطرُس 5:12

بو قیسغا نامه‌می سیزه وِفالی دُغانیم سیلاسینگ اوستو بیلِن یازدیم.‏ مونونگ بیلِن سیزی گُوونلیک بِریپ، خودایینگ حاقیقی مِرحِمِتینه شاهاتلیق اِتدیم.‏ شُندا قاییم دورونگ.‏

۱ پِطرُس 5:9

دونیَه‌نینگ هِمّه یِرینده دُغانلارینگیزینگ هِم اِدیل شونونگ یالی عاذاپلارا دوچار بُلیاندیقلارینی بیلیَندیگینگیز اوچین، قاییم ایمان بیلِن شِیطانا قارشی دورونگ.‏

آیانلیق 18:7

اُل اُزونی نَچه بِییکلیدیپ و عایش-عِشرِت چِکِن بُلسا، شُنچا-دا اُنگا عاذاپ و غام-غوصّا بِرینگ!‏ چونکی اُل اُز یورِگینده شِیله دییَّر:‏ ‏”‏مِن مِلِکه کیمین اُتیرین، دول دَلدیرین و آصلا یاس توتمارین“‏.‏

آیانلیق 3:17

سِن:‏ ‏”‏مِن بایدیرین، باییپ و هیچ زادا زار دَلدیرین“‏ دییَّرسینگ.‏ آصلیندا اِمّا بیچَره، بِدباخت، گِدای، کُر و یالانگاچدیغینگی بیلمِیَرسینگ!‏