رومیلار 10:12 - مُقادِّس کیتاب

¹² بو یَهودیلِره-ده، یَهودی دَل‍لِره-ده دِگیشلیدیر.‏ سِبَبی تانگری هِمّه‌لِرینگ تانگریسیدیر، اُل اُزونی چاغیریانلارینگ بارینا بِرِکِت بِریَندیر.‏

رومیلار 10:12 ပူးပေါင်းရင်းမြစ်များ

رِسول‍لار 7:59

اِستیفان اُز اوستونه یاغیان داشلارینگ آشاغیندا خودایا دُغا اِدیپ:‏ ‏«‏یا تانگرییم عیسی!‏ مِنینگ روحومی قابول اِت!‏»‏ دییدی.‏

رِسول‍لار 9:14

سِنینگ آدینگی آغزان هِر بیر آدامی زیندان اِتمَگه اُنونگ بو یِرده-ده یُلباشچی کاهینلاردان ایختییار نامه‌سی بار.‏»‏

رومیلار 14:9

سِبَبی مسیح اُلولِرینگ-ده، دیریلِرینگ-ده تانگریسی بُلماق اوچین اُلوپ، دیرِلدی.‏

رومیلار 15:12

اِشعیا پیغامبار هِم شِیله دییَّر:‏ ‏«‏یَسانینگ کُکی گُرونِر، اُل خالقلارا حُکومدار بُلار، میلِّتلِر اُنگا اومید باغلار.‏»‏

رومیلار 2:4

یا-دا سِن خودایینگ اولی رِحم-شِپاقاتینا، یاخشیلیغینا، صابیر-طاقادینا اَهمییِتسیز حاساپلایارسینگمی؟ اُنونگ رِحمینینگ سِنی توبا طارافا اِلتیَندیگینه دوشونمِیَرسینگمی نَمه؟

رومیلار 3:22

عیسی مسیحه ایمان گِتیرمِگینگ اوستو بیلِن هِمّه ایماندارلار خودایینگ حوضوریندا آقلانیاندیرلار.‏ شو باباتدا آداملارینگ آراسیندا هیچ تَفاوُتی یُقدور.‏

۱ قُرِنتُس‌لار 1:2

خودایینگ مُقادِّسلیگینه چاغیرلیپ و عیسی مسیحده مُقادِّس خالقی اِدیلِن قُرِنتُس‌داقی کِلیساسینا دُغایی سالام.‏ شِیله-ده هِر یِرده هِم اُلارینگ هِم-ده بیزینگ تانگریمیز عیسی مسیحینگ آدینی توتیانلارینگ هِمّه‌سینه دُغایی سالام.‏

۱ قُرِنتُس‌لار 15:47

اَوَّلکی اینسان یِرینگ تُپراغینداندی، ایکینجی اینسان بُلسا آسمانداندی.‏

۲ قُرِنتُس‌لار 8:9

چونکی سیز تانگریمیز عیسی مسیحینگ مِرحِمِتینی بیلیَنگیز:‏ اُل بای بُلسا-دا، سیزینگ خاطیرانگیز اوچین قاریپ بُلدی.‏ عیسی مسیح مونی اُز قاریپلیغینینگ اوستو بیلِن سیزینگ بای بُلماغینگیز اوچین اِدیپدی.‏

غَلاطیه‌لِر 3:28

ایندی نه یَهودی، نه-ده یونانی، نه قول، نه-ده آزاد آدام، نه اِرکِک، نه-ده آیال بار، چونکی سیزینگ بارینگیز عیسی مسیحده بیرسینگیز.‏

اِفِسُسلار 1:7

خودای قاتی بای مِرحِمِتی بیلِن اُغلونینگ دُکِن قانینینگ اوستو بیلِن گونَه‌لِریمیزی باغیشلاپ، بیزی آزاد اِتدی.‏

اِفِسُسلار 2:4

اِمّا گونَه‌لِریمیز سِبَپلی اُلی هِم بُلساق، رِحمدارلیغا بای خودای اُزونینگ اولی سُیگوسینی گُرکِزیپ، بیزی مسیح بیلِن بیلِلیکده دیرِلتدی.‏ سیز خودایینگ مِرحِمِتی بیلِن نِجات تاپدینگیز.‏

اِفِسُسلار 2:7

اُل مونی عیسی مسیحینگ اوستو بیلِن بیزه اِدِن مِرحِمِتینینگ و یاخشیلیغینینگ اِندازاسیز بایلیغینی گِلجِک زاماندا گُرکِزمِک اوچین اِتدی.‏

اِفِسُسلار 3:16

قُی، اُل اِندازاسیز بِییکلیگی بیلِن اُز روحونینگ اوستو بیلِن سیزینگ ایچینگیزدَکی بارلیغینگیزی قودرات بیلِن گویچلِندیرسین.‏

اِفِسُسلار 3:6

اینه، خودایینگ سیری شودور:‏ خوش خاباری قابول اِدیَن یَهودی دَل‍لِر هِم یَهودیلِره بِرلِن بِرِکِت واعداسینا، بیر بِدِنه و بیر میراثا عیسی مسیحده دِنگ دِرِجه‌ده شِریکدیرلِر.‏

اِفِسُسلار 3:8

مِن خودایینگ خالقینینگ آراسیندا اینگ اَهمییِتسیزیدیم، اِمّا مونگا باقمازدان مسیحینگ عاقیل یِتمِز بایلیغینی یَهودی دَل‍لِره واغیظ اِتمِک جُغاپکَرچیلیگینی خودای شو مِرحِمِتی مانگا هُدورلِدی.‏

فیلیپیلِر 2:11

و آتا خودایینگ بِییکلیگی اوچین، هِر دیل عیسی مسیحینگ تانگریدیغینی ایقرار اِتسین.‏

فیلیپیلِر 4:19

بِییک خوداییم اُز بایلیغی بیلِن سیزینگ، یَعنی عیسی مسیحه باغلی بُلانلارینگ اوچین هِمّه مَحتَجلیکلِرینینگ عُوِضینی دُلدولار.‏

کولُسیلِر 1:27

خودای بو سیرینگ اولی بِییکلیگینی میلِّتلِرینگ آراسیندا مُقادِّسلِره بیلدیرمِک ایسلِدی.‏ بو سیر سیزه بِییکلیگَه قاووشماق اومیدینی بِریپ، سیزده بُلیان مسیحدیر.‏

کولُسیلِر 3:11

بو یارادیلیشدا یَهودی بیلِن یونانی، سونِّت بُلان و سونِّت بُلمادیق، نادان بیلِن ظالیمینگ، قول بیلِن آزادینگ آراسیندا هیچ بیر فارق یُقدور، اِمّا مسیح هِمّه زاتدیر و هِمّه زاتدادیر.‏

۱ تیموتاوس 2:5

چونکی یِکه بیر خودای باردیر.‏ خودای بیلِن آداملارینگ آراسیندا هِم یِکه بیر تُوِلّاچی باردیر، یَعنی اینسان بُلان عیسی مسیحدیر.‏

آیانلیق 17:14

اُلار قوزی بیلِن اوروشارلار، یُنه قوزی اُلاری یِنگِر.‏ چونکی قوزی تانگریلارینگ تانگریسی و پادیشاهلارینگ پادیشاهسیدیر.‏ اُنونگ چاغیرانلاری، سایلانلاری و وِفادارلاری اُنونگ بیلِن بُلارلار.‏»‏

آیانلیق 19:16

اُنونگ دُنوندا و بودوندا ‏«‏پادیشاهلارینگ پادیشاهسی و تانگریلارینگ تانگریسی»‏ دییِن آد یازیلاندیر.‏