رومیلار 1:8 - مُقادِّس کیتاب

⁸ اَوَّل، عیسی مسیحینگ اوستو بیلِن هِمَّه‌نگیز اوچین خوداییما شوکور اِدیَرین، سِبَبی ایمانینگیز باراداقی خابار تامام دونیَه یایرادی.‏

رومیلار 1:8 ပူးပေါင်းရင်းမြစ်များ

مَتّیٰ 24:14

آسمانینگ پادیشاهلیغی بو خوش خاباری هِمّه میلِّتلِره شاهاتلیق حُکمونده دونیَه‌نینگ هِمّه یِرینده واغیظ اِدیلِر، یِکه شُندان سُنگ دونیَه‌نینگ آخیری گِلِر.‏

لوقا 2:1

شُل گونلِرده روم ایمپِراطُری آگوستوس تامام ایلاتدا ساناماغینی گِچیرمِک بارادا دِستور چیقاردی.‏

رِسول‍لار 11:28

اُلاردان بیرینینگ آدی آگابوسدی.‏ اُل یِریندِن توروپ، روم ایمپِراطُرلیغیندا یامان آچلیغینگ بُلجاقدیغی بارادا مُقادِّس روحونگ اوستو بیلِن نبوّت اِتدی.‏ بو آچلیق ایمپِراطُر کلودیوسینگ زاماندا بُلوپ گِچدی.‏

رِسول‍لار 28:22

اِمّا بیز سِنینگ فیکرلِرینگی اُزونگدِن اِشیدِسیمیز گِلیَر، سِبَبی هِمّه یِرده بو دینی تُپلانتییا قارشی چیقیلیاندیغینی بیلیَریس.‏»‏

رومیلار 10:18

یُنه مِن شونی سُراماقچی:‏ اُندا اُلار خوش خاباری اِشیتمِدیمی نَمه؟ اِلبِتّه اِشیتدی، سِبَبی مُقادِّس یازغیلاردا شِیله یازیلان:‏ ‏«‏هِمّه یِر یوزونه یایراندیر اُلارینگ سِسی، دونیَه‌نینگ دُرت بورجونا یِتیندیر، اُلارینگ سُزلِری.‏»‏

رومیلار 16:19

سیزینگ موطیع‌لیغینگیز هِمّه‌لِره معلیمدیر.‏ مِن سیزینگ شِیلِدیگینگیزه قاتی بِگِنیَرین، یُنه سیزینگ یاخشینی یاماندان آچیق بیلِر یالی فَهیملی بُلماغینگیزی و یامانلیغا سادا بُلماغینگیزی ایسلِیَرین.‏

رومیلار 6:17

هاووا، سیز گونَه‌نینگ قولودینگیز، یُنه خودایا شوکور، قابول اِدِن تَعلیماتینگیزا یورِکدِن موطیع بُلدونگیز،

۱ قُرِنتُس‌لار 1:4

خودای عیسی مسیحینگ اوستو بیلِن سیزه مِرحِمِت بِریلدی.‏ مِن مونونگ اوچین هِمیشه خوداییما شوکور اِدیَرین.‏

۲ قُرِنتُس‌لار 2:14

یُنه خودایا شوکور!‏ اُل مسیحینگ اوستونلیک یُلوندان بیزی اِلمیداما یُریدیَر.‏ خودای اُزی باراداقی بیلیمی بیزینگ اوستومیز بیلِن هِمّه یِره عاطیر کیمین یایراتیار.‏

اِفِسُسلار 1:15

شُنگا گُرَه تانگریمیز عیسی بُلان ایمانینگیزی و خودایینگ هِمّه خالقینا بُلان سُیگینگیزی اِشیدِنیم بَری، سیزینگ اوچین خودایا بیرسیخلی شوکور اِدیپ، دُغالاریمدا سیزی دیلیمدِن دوشورِمُق.‏

اِفِسُسلار 3:21

کِلیسا و عیسی مسیحینگ اوستو بیلِن، قُی، خودایا نِسلدِن-نِسله اِبِدی بِییکلیک بُلسون!‏ اَمین.‏

اِفِسُسلار 5:20

هِمّه زات اوچین تانگریمیز عیسی مسیحینگ آدیندان آتا خودایا هِمیشه شوکور اِدینگ.‏

فیلیپیلِر 1:11

قُی، یاشایشینگیز دینگه عیسی مسیحینگ اوستو بیلِن گِلیَن تاقوالیغینگ میوه‌لِریندِن دُلوپ-آقسین، خودایا بِییکلیک و اُوگی گِتیرسین.‏

فیلیپیلِر 1:3

مِن هِر گِزِک سیز بارادا یاد اِدِنیمده، خوداییما شوکور اِدیَرین.‏

کولُسیلِر 1:3

بیز سیزینگ اوچین دُغا اِدیپ، هِمیشه تانگریمیز عیسی مسیحینگ آتاسی خودایا شوکور اِدیَریس.‏

۱ تِسالونیکیلِر 1:2

بیز سیزی دُغالاریمیزدا یادلاپ، اِلمیداما هِمَّه‌نگیز اوچین خودایا شوکور اِدیَریس.‏

۱ تِسالونیکیلِر 2:13

سیز خودایینگ خوش خابارینی بیزدِن اِشیدیپ قابول اِدِنینگیزده، مونی اینسان سُزی حُکمونده دَل، شِیله بُلسا، حاقیقاتدان-دا، خودایینگقی دییّپ قابول اِتدینگیز.‏ سیز ایماندارلاردا ایشلِیَن سُزدیر.‏ شُنگا گُرَه-ده، بیز سیزینگ اوچین خودایا قاتی کَن شوکور اِدیَریس.‏

۲ تِسالونیکیلِر 1:3

اِی عزیزلِر، سیزینگ ایمانینگیز گیتدیگچَه اُسیَر، بیری-بیرینگیزه بُلان سُیگینگیز دُلوپ-آقیار.‏ شُنگا گُرَه-ده، بیز هِمیشه خودایا شوکور اِتمِلیدیریس.‏ بو خاص گِرِکلیدیر.‏

۲ تیموتاوس 1:3

مِن هِم آتا-بابالاریم یالی خودایا پَک وِجداندان خیدمات اِدیَرین.‏ دُغالاریمدا سِنی گیجه-گوندیز اِلمیداما یادلاپ، خوداییما شوکور اِدیَرین.‏

فیلیمون 1:4

مِن سِنینگ تانگریمیز عیسی مسیحه بُلان ایمانینگ و هِمّه خودایینگ خالقینا بُلان سُیگینگ حاقیندا اِشیدیَرین.‏ شُنگا گُرَه-ده، سِنی هِمیشه دُغالاریمدا یادلاپ، خوداییما شوکور اِدیَرین.‏

عِبرانیلار 13:15

شُنونگ اوچین هِم عیسانینگ اوستو بیلِن خودایا قربانلیق حُکمونده هِمیشه اُوگی باغیش اِدیپ و اُنونگ آدینی شوکور اِدِیلینگ!‏

۱ پِطرُس 2:5

شُنونگ اوچین سیز هِم دیری داشلار یالی روحانی بینا بُلوپ سالینیارسینگیز.‏ شُندا عیسی مسیحینگ اوستو بیلِن خودایینگ حالایان روحانی قربانلیقلارینی هُدورلِیَن مُقادِّس کاهینلار بُلارسینگیز.‏

۱ پِطرُس 4:11

کیم کِپلِسه، خودایینگ سُزلِرینَه گُرَه کِپلِسین.‏ کیم خیدمات اِتسه، خودایینگ بِرِن گویچ-قوواتینا گُرَه خیدمات اِتسین.‏ عیسی مسیحینگ اوستو بیلِن خودای هِمّه زاتدا بِییکلِنسین!‏ بِییکلیک و قودرات اِبِدیلیک اُنونگقی بُلسون!‏ اَمین.‏