رومیلار 1:13 - مُقادِّس کیتاب

¹³ اِی عزیزلِر، شونی بیلمِگینگیزی ایسلِیَرین:‏ مِن بِیلِکی میلِّتلِرینگ آراسیندا بُلشی یالی، سیزینگ هِم آرانگیزداقی خیدماتیمینگ حاصیلینی گُرِسیم گِلدی.‏ شُنگا گُرَه-ده، یانینگیزا بارجاق بُلوپ، بیرنَچه گِزِک نییِتلِشدیم، اِمّا هِر گِزِک بیر پَسگِلچیلیک بُلدی.‏

رومیلار 1:13 ပူးပေါင်းရင်းမြစ်များ

یوحنا 12:24

مِن سیزه دُغروسینی آیدیارین، بوغدای دَنه‌سی یِره قاچیپ اُلمِسه، یِکه دَنه بُلوپ قالار، اِمّا اِگِر اُلَیسه، کَن حاصیل بِرِر.‏

یوحنا 15:16

سیز مِنی دَل-ده، مِن سیزی سایلادیم.‏ مِن سیزینگ گیدیپ، هیچ سُلمایان میوه بِرمِگینگیز اوچین سایلاپ-سِچدیم.‏ شُنگا گُرَه مِنینگ آدیم بیلِن آتادان نَمه دیلِسِنگیز، اُل سیزه بِرِر.‏

یوحنا 4:36

اُراقچی هِم حاقینی آلیار، هِم-ده اِبِدی یاشاییش اوچین حاصیل ییغنایار.‏ شِیدیپ، اِکیَن-ده، اُریان-دا بیلِلیکده شاتلانیار.‏

رِسول‍لار 1:15

بیر گون پِطرُس یوز ییگریمَه قُلای ییغنانیشان ایماندارلارینگ اُرتاسیندا دوروپ، شِیله دییدی:‏

رِسول‍لار 14:27

انطاکیَه گِلِنلِریندِن سُنگ، رِسول‍لار ایماندارلاری بیر یِره چاغیریپ، اُلارا خودایینگ اُزلِرینینگ اوستو بیلِن هِمّه بیتیرِن ایشلِرینی و یَهودی دَل‍لِرینگ ایمان گِتیرمِگی اوچین، اُنونگ آچان قاپی بارادا گورّونگ بِردیلِر.‏

رِسول‍لار 15:12

اُنسُنگ هِمّه‌لِر سِسّیز بُلوپ، پولس بیلِن بارنابانی دینگلِدیلِر.‏ اُلار خودایینگ اُزلِرینینگ اوستو بیلِن باشغا میلِّتلِره گُرکِزِن اولی عالاماتلارینی و مُعجِزه‌لِرینی گورّونگ بِردیلِر.‏

رِسول‍لار 19:21

بو واقالاردان سُنگ، پولس مَقدونیه‌نینگ و آخائیه‌نینگ اوستوندِن گِچیپ، اورشلیمه گیتمِگی یورِگینه دوودی.‏ پولس:‏ ‏«‏اُل یِرده بُلانیمدان سُنگ، رومی هِم گُرمِگیم گِرِک»‏ دییدی.‏

رِسول‍لار 21:19

پولس اُلار بیلِن سالاملاشاندان سُنگ، اُز خیدماتینینگ اوستو بیلِن خودایینگ باشغا میلِّتلِرینگ آراسیندا اِدِن ایشلِرینی یِکه-یِکِدِن گورّونگ بِردی.‏

رِسول‍لار 28:14

اُل یِرده بیرنَچه دُغانلاری تاپدیق.‏ اُلار بیزدِن یانلاریندا قالماغیمیزی خاییش اِتدیلِر و بیز اُل یِرده بیر هِفته قالدیق.‏ شُندان سُنگ بیز روما گِلدیک.‏

رومیلار 1:12

مِن ایمانیمیزینگ اوستو بیلِن بیری-بیریمیزدِن تِسِلّی آلماغمیزی ایسلِیَرین.‏

رومیلار 11:25

اِی عزیزلِر، سیز مَغرور بُلماز یالی، شو سیردان خابارلی بُلماغینگیزی ایسلِیَرین.‏ خودای باشغا میلِّتلِردِن سایلانلارینینگ بارینی نِجات بِریَنچَه، کَبیر اسرائیل‌لارینگ یورِگی یومشاماز.‏

رومیلار 7:1

اِی عزیزلِر، سیزه شِریغاتی بیلیَن آداملار حُکمونده آیدیارین.‏ اُندا سیز بو شِریغاتینگ دینگه دیری آداما اُز حُکومینی یُرِدیَندیگینی بیلمِیَنگیزمی نَمه؟

۱ قُرِنتُس‌لار 1:10

اِی عزیزلِر، مِن سیزه تانگریمیز عیسی مسیحینگ آدیندان یالباریارین:‏ بیری-بیرینگیز بیلِن راضیلاشیقلی بُلونگ.‏ آرانگیزدا بُلونیشیکلِره یُل بِرمَنگ، فیکرلِرینگیز و ایسلِگلِرینگیز بیر بُلسون.‏

۱ قُرِنتُس‌لار 10:1

اِی عزیزلِر، مِن سیزینگ شولاردان خابارلی بُلماغینگیزی ایسلِیَرین:‏ بیزینگ آتا-بابالاریمیزینگ باری بولودینگ آشاغیندادیلار و اُلارینگ باری دِریانینگ آراسیندان گِچدیلِر.‏

۱ قُرِنتُس‌لار 12:1

ایندی بُلسا، اِی عزیزلِر، مِن سیزینگ مُقادِّس روحونگ ناغماتلاری باباتدا خابارلی بُلماغینگیزی ایسلِیَرین.‏

۱ قُرِنتُس‌لار 14:20

اِی عزیزلِر، چاغالار یالی فیکر اِتمِگینگیزی بِس اِدینگ.‏ یامانلیق باباتدا چاغا یالی بُلونگ، یُنه دوشونمِک باباتدا یِتیشِن یالی بُلونگ.‏

۱ قُرِنتُس‌لار 14:26

اِی عزیزلِر، موندان نَهیلی نِتیجه آلساق بُلار؟ سیز بیر یِره اویشِنینگیزده، هِر بیرینگیزده آیدیم، تَعلیم سُزی، آیانلیق، بِلّی دَل دیل‍لِرده گورلِمِک یا-دا اُنی مَعنیلِندیرمِک باردیر.‏ دِگمه، بولارینگ باری کِلیسانی قوواتلاماق اوچین بُلسون.‏

۱ قُرِنتُس‌لار 9:2

باشغالار مِنی رِسول حاساپلاماسالار-دا، مِن سیزینگ اوچین رِسولدیرین!‏ چونکی سیز مسیح یُلونداقی رِسولّیغیمینگ مُهوریسینگیز.‏

۲ قُرِنتُس‌لار 1:8

اِی عزیزلِر!‏ بیزینگ آسیا وِلایاتیندا باشیمیزا اینِن قینچیلیقلاردان سیزینگ-ده خابارلی بُلماغینگیزی ایسلِیَریس.‏ بو قینچیلیقلار چِکیپ-جیدامادان خاص آغیردی و بیز دیری قالاریس دییّپ-دا اومیدیمیز یُقدی.‏

۲ قُرِنتُس‌لار 2:14

یُنه خودایا شوکور!‏ اُل مسیحینگ اوستونلیک یُلوندان بیزی اِلمیداما یُریدیَر.‏ خودای اُزی باراداقی بیلیمی بیزینگ اوستومیز بیلِن هِمّه یِره عاطیر کیمین یایراتیار.‏

غَلاطیه‌لِر 3:15

اِی عزیزلِر!‏ مِن هِر گوندَکی یاشاییشدان بیر میثال گِتیرِیین:‏ اینسانلارینگ اُزآرا راضیلاشیپ باغلاشان عَهدینی هیچ کیم پُزوپ-دا، اُنگا زات قُشوپ-دا بیلمِیَر.‏

غَلاطیه‌لِر 6:18

اِی عزیزلِریم!‏ قُی، تانگریمیز عیسی مسیحینگ مِرحِمِتی سیزینگ بیلِن بُلسون.‏ اَمین!‏

فیلیپیلِر 1:22

اِمّا یاشاسام، نِتیجه‌لی زَحمِت چِکِرین.‏ شُنونگ اوچین-ده هایسیسینی سایلاجاغیمی بیلمِیَرین.‏

فیلیپیلِر 4:17

مِن مونی سُوغاتلارینگیزا حانتاما بُلانیم اوچین آیتمایارین.‏ مِن سیزینگ پِیدانگیزینگ آرتماغینی ایسلِیَرین.‏

کولُسیلِر 1:10

شِیله هِم مسیحه میناسیپ دورموشدا یاشاپ، اُنی هِر باباتدا خُشنود اِتمِگینگیز اوچین دُغا اِدیَریس.‏ قُی، سیزینگ هِمّه یاخشی ایشلِرینگیز میوه بِرسین.‏ قُی، خودایی تانیماقدا سیزی خاص-دا اُسدورسین.‏

کولُسیلِر 1:6

شو خوش خابار هِمّه دونیَه یایراپ میوه بِریپ گِلیَر.‏ خودایینگ مِرحِمِتینینگ حاقیقی مَعنیسینه گُز یِتیرِن گونونگیزدِن بَری، بو خوش خابار سیزینگ آرانگیزدا هِم شِیله عِمِل اِدیَر.‏

۱ تِسالونیکیلِر 2:18

هاووا، یانینگیزا باراسیمیز گِلیَردی.‏ مِن پولس بو باباتدا نَچه گِزِک گِلجِک بُلدوم، یُنه شِیطان بیزه پَسگِل بِردی.‏

۱ تِسالونیکیلِر 4:13

اِی عزیزلِر، سیز-ده اومیدسیز آداملار یالی حاسرات چِکمِزلیگینگیز اوچین، یاتانلار باباتدا بیلمِگینگیزی ایسلِیَریس.‏

۲ تِسالونیکیلِر 2:7

چونکی شِراراتلیق سیری شو واقت هِم حِرِکِتده، یُنه اُنی ساقلایان آرادان آیریلیانچا اُز ایشینی دُوام اِتدیرِر.‏

۲ تیموتاوس 4:17

یُنه خودای مِنی یِکه قُیمادی.‏ خوش خابارینگ مِنینگ اوستوم بیلِن کَمیل واغیظ اِدیلیپ، هِمّه میلِّتلِرینگ هِم اُنی اِشیتمِگی اوچین، اُل مانگا گویچ-قووات بِردی.‏ شِیلِلیکده خودای مِنی اُلومینگ پِنجِسیندِن آزاد اِتدی.‏