آیانلیق 7:9 - مُقادِّس کیتاب

⁹ موندان سُنگ هِر میلِّتدِن، هِر خالقدان، هِر طایفادان و هِر دیلدِن بُلان، هیچ کیمینگ ساناپ بیلمِجِک خاص اولی جِماغاتینینگ تاختینگ و قوزینینگ اُوونده دورانینی گُردوم.‏ اُلار آق لِباسدادیلار و اِل‍لِرینده خُرما باغینینگ شاخالاری باردی.‏

آیانلیق 7:9 ပူးပေါင်းရင်းမြစ်များ

لوقا 12:1

شُل واقت مونگلِرچه آدام اویشوپ، بیری-بیرلِرینه قیسیلیشیپ دوردیلار.‏ عیسی اَوَّل اُز شَگیرتلِرینه گورّونگ بِرمَگه باشلادی:‏ ‏«‏اُزونگیزی فَریسی‌لِرینگ خامیرمایاسیندان، یَعنی ایکی‌یوزلیلیکدِن قُرانگ.‏

لوقا 21:36

بو بُلجاق واقالارینگ باریندان قاچیپ نِجات تاپار یالی و اینسان اُغلونینگ حوضوریندا دوروپ بیلِر یالی، هِمیشه اُیا بُلوپ، خودایا دُغا اِدینگ.‏»‏

یوحنا 12:13

آداملار خُرما شاخالارینی آلیپ، اُنی قارشیلاماغا چیقدیلار.‏ اُلار شِیله دییّپ قیغیریشیاردیلار:‏ ‏«‏خودایا اُوگولِر بُلسون!‏ خودایینگ آدیندان گِلیَنه موبارِک بُلسون!‏ اسرائیل پادیشاهسینا موبارِک بُلسون!‏»‏

رومیلار 11:25

اِی عزیزلِر، سیز مَغرور بُلماز یالی، شو سیردان خابارلی بُلماغینگیزی ایسلِیَرین.‏ خودای باشغا میلِّتلِردِن سایلانلارینینگ بارینی نِجات بِریَنچَه، کَبیر اسرائیل‌لارینگ یورِگی یومشاماز.‏

اِفِسُسلار 6:13

شُنونگ اوچین یامان گونده قارشیلیق بِریپ بیلمِگینگیز اوچین، خودایینگ هِمّه یاراغلارینی گِینینگ.‏ شُندا یِرینگیزده قاییم دورماغی باشارارسینگیز.‏

عِبرانیلار 11:12

شِیلِلیکده، یاشی بیر اِندازا باران بو اُلی یالی آدامدان آسمانداقی ییلدیزلار یالی و دِریا کِنارینداقی چَگِلِر یالی سانسیز نِسل دُرِدی.‏

عِبرانیلار 12:22

سیز بُلسا صَهیون داغینا، دیری خودایینگ شَهری بُلان آسمانا دِگیشلی اورشلیمه، شاتلیغا اویشمِلِنگه ییغنانان مونگلِرچه پِریشده‌لِرینگ حوضورینا قُلایلاشدینگیز.‏

آیانلیق 11:15

یِدینجی پِریشده سورنایینی چالدی.‏ آسماندان:‏ ‏«‏دونیَه پادیشاهلیغی ایندی خوداییمیزینگقی و اُنونگ مسیحینینگکی بُلدی.‏ خودای اِبِدیلیک پادیشاهلیق اِتجِکدیر»‏، دییّپ قیغیریان قاتی سِسلِر اِشیدیلدی.‏

آیانلیق 22:3

بو شَهرده ایندی آصلا لَعنِت بُلماز.‏ خودایینگ و قوزینینگ تاختی بو شَهرده بُلار، و خودایینگ خیدماتکَرلِری اُنگا خیدمات اِدِرلِر.‏

آیانلیق 3:18

گِل، مِن سانگا ناصیحات بِرِیین:‏ بایار یالی، مِندِن اُددا آراسّالانان قیزیل ساتین آل.‏ یالانگاچلیغینگ عاییبینی اُرتِر یالی، مِندِن آق لِباس ساتین آل.‏ گُروپ بیلِر یالی، مِندِن گُزونگه قُیار یالی مِلهِم ساتین آل.‏

آیانلیق 4:4

تاختینگ تُوِرِگینده یِنه-ده ییگریمی دُرت تاخت باردی، بو تاختلارینگ اوستونده ییگریمی دُرت یاشولی هِم اُتیردی.‏ اُلارینگ اِگنینده آق لِباسلاری و باشلاریندا قیزیلدان تاجلاری باردی.‏

آیانلیق 5:11

اُنسُنگ مِن تاختینگ، جانلی جاندارلارینگ هِم-ده یاشولیلارینگ تُوِرِگیندَکی پِریشده‌لِری گُردوم و اُلارینگ سِسلِرینی اِشیتدیم.‏ اُلار سانامادان کَندی، مونگلِرچه مونگدی و اُن مونگلِرچه اُن مونگدی.‏

آیانلیق 5:9

اُلار تَزه بیر آیدیم آیدیاردیلار:‏ ‏«‏سِن میناسیپسینگ بو طوماری آلماغا، هِم-ده اُنونگ مُهورلِرینی دُومَگه.‏ چونکی داماغینگ چالنیپ و اُز قانینگ بیلِن، هِر طایفادان، هِر دیلدِن، هِر خالقدان و هِر میلِّتدِن خودای اوچین آداملاری ساتین آلانسینگ.‏

آیانلیق 6:11

شُندا اُلارا آق لِباس بِرلیپ، یِنه آز سالیم صابیر اِتمِلیدیگینی آیتدیلار.‏ چونکی اُلارینگ خاطارینا اُزلِری یالی اُلدوریلجِک یُلداشلارینینگ و ایماندارلارینگ هِمّه سانی قُشولمالیدی.‏

آیانلیق 7:8

زِبولون طایفاسیندان اُن ایکی مونگ آدام، یوسف طایفاسیندان اُن ایکی مونگ آدام، و بِنیامین طایفاسیندان اُن ایکی مونگ آدام مُهورلِنِندی.‏