آیانلیق 7:15 - مُقادِّس کیتاب

¹⁵ شُنگا گُرَه، اُلار خودایینگ تاختینینگ اُوونده بُلوپ، گیجه-گوندیز اُنونگ عیباداتخاناسیندا اُنگا خیدمات اِدیَرلِر و تاختدا اُتوران اُلاری اُز پِناه‌سیندا ساقلایار.‏

آیانلیق 7:15 ပူးပေါင်းရင်းမြစ်များ

یوحنا 1:14

سُز اینسان بُلوپ، آرامیزدا گِلیپ یاشادی.‏ اُل مِرحِمِتدِن و حاقیقاتدان دُلودی.‏ بیز اُنونگ بِییکلیگینی، یَعنی آتادان گِلِن یِکِجه اُغلونینگ بِییکلیگینی گُردوک.‏

۱ قُرِنتُس‌لار 3:16

اُندا سیز اُزونگیزینگ خودایینگ عیباداتخاناسیدیغینگیزی و آرانگیزدا خودایینگ روحونینگ یاشایاندیغینی بیلمِیَرسینگیزمی نَمه؟

۲ قُرِنتُس‌لار 6:16

خودایینگ عیباداتخاناسی بیلِن بُتلارینگ، هِی-ده، اُزآرا راضیلاشیغی بُلارمی نَمه؟ چونکی بیز دیری خودایینگ عیباداتخاناسیدیریس.‏ خودای دییَّر:‏ ‏«‏مِن اُلارینگ آراسیندا مِسکِن توتارین و اُلارینگ آراسیندا بُلارین.‏ مِن اُلارینگ خودایی، اُلار هِم مِنینگ خالقیم بُلارلار»‏ دییّپدی آخیرین.‏

عِبرانیلار 12:2

گِلینگ، گُزومیزی ایمانیمیزینگ چِشمه‌سی و کَمیلِّشدیرییَنچیسی، یَعنی عیسی تیکِیلینگ.‏ اُل گِلجِکدَکی شاتلیغا قاووشماق اوچین، ماسغاراچیلیغی هیچ حاساپلاپ، صلیبدَکی اُلومه جیدادی و خودایینگ تاختینینگ ساغیندا اُتوردی.‏

عِبرانیلار 8:1

آیدیانلاریمیزینگ ماقصادی شوندادیر:‏ آسماندا بِییک خودایینگ تاختینینگ ساغیندا اُتوران باش کاهینمیز باردیر.‏

آیانلیق 11:19

اُنسُنگ خودایینگ آسمانداقی عیباداتخاناسی آچیلیپ، اُنونگ ایچیندَکی عَهد صاندیقی گُروندی.‏ شُل واقتدا ییلدیریملار چاقدی، قاتی سِسلِر و آسمان گوپوردیسی اِشیدیلدی، یِر تیترَپ و گویچلی جُوِنِک یاغدی.‏

آیانلیق 13:6

اُل خودایا کُفر آیدماق، اُنونگ آدینا و مِسکِنینه، یَعنی آسماندا مِسکِن توتانلارا تُهمِت اورماق اوچین آغزینی آچدی.‏

آیانلیق 20:10

اُلاری آلدان شِیطان بُلسا یانیپ دوران کوکورت و اُدلی دِریاچا زینگیلدی، و جاناوار بیلِن یالان نِبی هِم شُل یِردِدیر.‏ اُلار گیجه-گوندیز اِبِدیلیک عاذاپ چِکِرلِر.‏

آیانلیق 21:22

مِن بو شَهرده عیباداتخانا گُرمِدیم.‏ چونکی قودراتلی-گویچلی خودای و قوزی شَهرینگ عیباداتخاناسیدیر.‏

آیانلیق 22:3

بو شَهرده ایندی آصلا لَعنِت بُلماز.‏ خودایینگ و قوزینینگ تاختی بو شَهرده بُلار، و خودایینگ خیدماتکَرلِری اُنگا خیدمات اِدِرلِر.‏

آیانلیق 22:5

شَهرده گیجه آصلا بُلماز، و نه چیراغینگ ایشیغی، نه-ده گونونگ نوری گِرِک بُلار، سِبَبی تانگری خودای اُلارا یاغتیلیق سِچِر.‏ و اُلار اِبِدیلیک پادیشاهلیق اِدِرلِر.‏

آیانلیق 4:4

تاختینگ تُوِرِگینده یِنه-ده ییگریمی دُرت تاخت باردی، بو تاختلارینگ اوستونده ییگریمی دُرت یاشولی هِم اُتیردی.‏ اُلارینگ اِگنینده آق لِباسلاری و باشلاریندا قیزیلدان تاجلاری باردی.‏

آیانلیق 4:8

بو دُرت جانلی جاندارلارینگ هِر بیرینینگ آلتی قاناتی باردی.‏ اُلارینگ هِمّه یِری، حتّیٰ قاناتلارینینگ آشاغی-دا گُزلِردِن دُس-دُلودی.‏ اُلار گیجه-گوندیز ایزینی اوزمَن:‏ ‏«‏قودراتلی-گویچلی تانگری خودای مُقادِّس، مُقادِّس، مُقادِّسدیر، اُل اُزال باردی و حَضیر هِم بار و گِلِجِکده هِم بُلجاقدیر»‏، دییّپ قایتالایارلار.‏

آیانلیق 4:9

جانلی جاندارلار هِر گِزِک تاختدا اُتورانی، اِبِدی یاشایان خودایی بِییکلِندیریپ و اُنگا حُرمات بیلدیریپ و شوکور اِدِنلِرینده،

آیانلیق 7:9

موندان سُنگ هِر میلِّتدِن، هِر خالقدان، هِر طایفادان و هِر دیلدِن بُلان، هیچ کیمینگ ساناپ بیلمِجِک خاص اولی جِماغاتینینگ تاختینگ و قوزینینگ اُوونده دورانینی گُردوم.‏ اُلار آق لِباسدادیلار و اِل‍لِرینده خُرما باغینینگ شاخالاری باردی.‏