آیانلیق 6:11 - مُقادِّس کیتاب

¹¹ شُندا اُلارا آق لِباس بِرلیپ، یِنه آز سالیم صابیر اِتمِلیدیگینی آیتدیلار.‏ چونکی اُلارینگ خاطارینا اُزلِری یالی اُلدوریلجِک یُلداشلارینینگ و ایماندارلارینگ هِمّه سانی قُشولمالیدی.‏

آیانلیق 6:11 ပူးပေါင်းရင်းမြစ်များ

مَتّیٰ 10:21

‏«‏دُغان دُغانینی، آتا فِرزِنتینی اُلومه تابشیرار، فِرزِنتلِر هِم اِنه-آتالارینا قارشی چیقیپ، اُلاری اُلدوردِرلِر.‏

لوقا 15:22

اِمّا آتاسی خیدماتکَرلِرینه دِستور بِریپ:‏ ‏”‏دِرِّو اینگ قاوی دُنی گِتیرینگ-ده، اُنگا گِیدیرینگ.‏ اِل‍لِرینه یوزوک داقینگ، آیاقلارینا کُووش گِیدیرینگ.‏

یوحنا 16:2

سیزی کِنیسه‌لِردِن کُوارلار.‏ شِیله بیر زامان گِلِر، سیزی اُلدورمِک بیلِن هِر بیر کیشی خودایا خیدمات اِدیَندیرین دییّپ گومَن اِدِر.‏

رِسول‍لار 20:24

اِمّا جانیمی اُزوم اوچین باهالی حاساپلامایارین.‏ مِن دینگه یاریشینگ سُنگونا یِتمِک و تانگریمیز عیسانینگ تابشیران ایشینی کِمالا یِرینه یِتیرمِک ایسلِیَرین.‏ بو ایش خودایینگ مِرحِمِتی باراداقی خوش خابارا شاهاتلیق اِتمِکدیر.‏

۲ تِسالونیکیلِر 1:7

اِمّا اِذیِت چِکِن سیزه بیزینگ بیلِن بیله آسودالیق بِرِر.‏ بو زاتلار تانگریمیز عیسی اُز گویچلی پِریشده‌لِری بیلِن توتوشان اُد ایچینده آسماندان گُرونِن واقتی بُلار.‏

۲ تیموتاوس 4:7

مِن قاوی اوروشچی کیمین اوروشدیم، یاریشی بیتیردیم و ایمانی قُریدیم.‏

عِبرانیلار 11:40

سِبَبی خودای بیزینگ اوچین خاص قاوی بیر زادی تاییارلاپدی.‏ اُل اُزونه وِفادار بُلان بو آداملارینگ بیزینگ بیلِن بیرلیکده کَمیل بُلماغینی ایسلِدی.‏

عِبرانیلار 12:23

خودایینگ ایلکینجی فِرزِنتلِرینینگ جِماغاتینا قُلایلاشدینگیز، اُلارینگ آدلاری آسماندا یازیلاندیر.‏ هِمّه‌سینینگ قاضیسی بُلان و تاقوالی آداملارینگ روحلارینی کَمیلّیگه یِتیرِن خودایینگ حوضورینا گِلدینگیز.‏

عِبرانیلار 4:10

خودای اُز ایشلِریندِن دینیپ، نَهیلی دینچ آلان بُلسا، اُنونگ دینچلیق مِکانینا گیرِن آدام هِم اُز ایشلِریندِن دینیپ، شِیله دینچ آلیاندیر.‏

آیانلیق 10:6

اُل آسمان و آسمانداقیلاری، یِر و یِردَکیلِری، دِریا و دِریاداقیلاری یارادانینگ و اِبِدی یاشایان خودایینگ آدیندان قاسام ایچیپ، شِیله دییدی:‏ ‏«‏ایندی گیجَه قالما بُلماز!‏

آیانلیق 13:15

اُنگا جاناوارینگ مُجِسِّمه‌سینه جان بِرمه گویجی بِریلدی.‏ جاناوارینگ مُجِسِّمه‌سی کِپلَپ باشلادی-دا، اُزونه سِجده اِتمِیَنلِری اُلدورتدی.‏

آیانلیق 14:13

اُنسُنگ آسماندان بیر سِس اِشیتدیم.‏ اُل شِیله دییدی:‏ ‏«‏مونی یاز:‏ ‏”‏موندان بِیلَک خوداییمیزا ایمان گِتیریپ اُلِنلِر خوشواقتدیر!‏“‏»‏ روح هِم شِیله دییدی:‏ ‏«‏هاووا، اُلار چِکِن زَحمِتلِریندِن دینچ آلارلار و چِکِن زَحمِتلِرینینگ حاصیلنی گُرِرلِر»‏.‏

آیانلیق 17:6

اُنسُنگ آیال خودایینگ خالقینینگ و عیسانینگ شاهاتلارینینگ قانینی ایچیپ، سِرخُش بُلانینی گُردوم.‏ مونی گُروپ، قاتی حایران قالدیم.‏

آیانلیق 7:14

مِن:‏ ‏«‏اِی آقام، مونی سِن بیلیَنسینگ!‏»‏ دییّپ جُغاپ بِردیم.‏ یاشولی:‏ ‏«‏بولار شُل اولی عاذابی باشدان گِچیرِنلِر.‏ اُلار اُز لِباسلارینی قوزینینگ قانی بیلِن یوووپ، اُلاری دیم-آق اِتدیلِر.‏

آیانلیق 7:9

موندان سُنگ هِر میلِّتدِن، هِر خالقدان، هِر طایفادان و هِر دیلدِن بُلان، هیچ کیمینگ ساناپ بیلمِجِک خاص اولی جِماغاتینینگ تاختینگ و قوزینینگ اُوونده دورانینی گُردوم.‏ اُلار آق لِباسدادیلار و اِل‍لِرینده خُرما باغینینگ شاخالاری باردی.‏