آیانلیق 20:6 - مُقادِّس کیتاب

⁶ اَوَّلکی دیرِلیشده پایی بُلان خوشواقت و مُقادِّسدیر!‏ ایکینجی اُلوم اُلارا گویجی یِتمِز.‏ اُلار خودایینگ و مسیحینگ کاهینلاری بُلوپ، اُنونگ بیلِن مونگ ییل پادیشاهلیق اِدِرلِر.‏

آیانلیق 20:6 ပူးပေါင်းရင်းမြစ်များ

لوقا 14:15

عیسی بیلِن ساچاق باشیندا اُتورانلارینگ بیری مونی اِشیدِنده، اُنگا:‏ ‏«‏خودایینگ پادیشاهلیغیندا داماق اییجِک آدام نَهیلی خوشواقت!‏»‏ دییدی.‏

رومیلار 12:1

شُنگا گُرَه-ده، اِی عزیزلِر، خودایینگ مِرحِمِتینینگ خاطیراسی اوچین سیزه یالباریارین:‏ اُزونگیزی اُنونگ حالاجاق دیری و مُقادِّس قربانلیغی حُکمونده هُدورلَنگ.‏ شِیتسِنگیز، خودایینگ حوضوریندا میناسیپ یُلدا خیدمات اِتدیگینگیز بُلار.‏

رومیلار 8:17

شِیلِلیکده، اِگِر فِرزِنتلِری بُلان بُلساق، اُندا میراثداری هِم بُلیاندیریس.‏ خودایینگ میراثدارلاری بُلیان بُلساق، اُندا عیسی مسیح بیلِن هِم میراثدار بُلیاندیریس.‏ بیز عیسی مسیحینگ گُرِن عاذاپلارینا شِریک بُلیان بُلساق، اُندا اُنونگ بِییکلیگینَه هِم شِریک بُلاریس.‏

۲ تیموتاوس 2:12

زَحمِتلِره جیدایان بُلساق، اُنونگ بیلِن بیله هِم شاهلیق اِدِریس.‏ اِگِر اُنی اینکَر اِتسِک، اُل هِم بیزی اینکَر اِدِر.‏

۱ پِطرُس 2:5

شُنونگ اوچین سیز هِم دیری داشلار یالی روحانی بینا بُلوپ سالینیارسینگیز.‏ شُندا عیسی مسیحینگ اوستو بیلِن خودایینگ حالایان روحانی قربانلیقلارینی هُدورلِیَن مُقادِّس کاهینلار بُلارسینگیز.‏

۱ پِطرُس 2:9

اِمّا سیز بِیله دَلسینگیز، چونکی سیز سایلانیپ-سِچیلِن خالقسینگیز.‏ سیز پادیشاهینگ کاهینلاری، مُقادِّس میلِّت و خودایا باغلی خالقسینگیز.‏ خودای سیزی قارانگقیلیقدان اُزونینگ عجاییپ نورینا چاغیردی.‏ سیز اُنونگ بِییکلیگینی اِعلان اِتمِک اوچین سایلانیپ-سِچیلِنسینگیز.‏

آیانلیق 14:13

اُنسُنگ آسماندان بیر سِس اِشیتدیم.‏ اُل شِیله دییدی:‏ ‏«‏مونی یاز:‏ ‏”‏موندان بِیلَک خوداییمیزا ایمان گِتیریپ اُلِنلِر خوشواقتدیر!‏“‏»‏ روح هِم شِیله دییدی:‏ ‏«‏هاووا، اُلار چِکِن زَحمِتلِریندِن دینچ آلارلار و چِکِن زَحمِتلِرینینگ حاصیلنی گُرِرلِر»‏.‏

آیانلیق 2:11

‏«‏قولاغی بار آدام مُقادِّس روحونگ کِلیسالارا نَمه دییَّنینی اِشیتسین!‏ یِنگیپ چیقان آدام ایکینجی اُلومینگ زییانلارینا دوچار بُلماز.‏»‏

آیانلیق 20:14

اُنسُنگ اُلوم و اُلولِر دونیَه‌سی یانیپ دوران دِریاچا زینگیلدی.‏ اینه، بو اُدلی دِریاچا ایکینجی اُلومدیر.‏

آیانلیق 21:8

اِمّا قُرقیانلارینگ، ایمانسیزلارینگ، فاسیقلارینگ، قاتل‍لارینگ، زیناکَرلِرینگ، جادوگَرلِرینگ، بُت‌پَرَستلِرینگ و هِمّه یالانچیلارینگ جایلاری یانیپ دوران کوکورت و اُدلی دِریاچا بُلار.‏ ایکینجی اُلوم، اینه، بودور.‏»‏

آیانلیق 22:5

شَهرده گیجه آصلا بُلماز، و نه چیراغینگ ایشیغی، نه-ده گونونگ نوری گِرِک بُلار، سِبَبی تانگری خودای اُلارا یاغتیلیق سِچِر.‏ و اُلار اِبِدیلیک پادیشاهلیق اِدِرلِر.‏

آیانلیق 22:7

عیسی شِیله دییَّر، ‏«‏اینه، مِن باسیم گِلِرین!‏ بو کیتابینگ نبوّتلیق سُزلِرینی یورِگینده ساقلایان آدام خوشواقتدیر!‏»‏

آیانلیق 3:21

مِن یِنگیپ چیقیپ، آتام بیلِن اُنونگ تاختیندا اُتوریشیم یالی، یِنگِن آدامدا مِنینگ بیلِن اُز تاختیمدا اُتورماغا ایختییار بِرِرین.‏

آیانلیق 5:10

سِن اُلاردان پادیشاهلیق یاراتدینگ، خوداییمیزا خیدمات اِتمِک اوچین اُلاری کاهین بِلِّدینگ، اُلار یِر یوزونده پادیشاهلیق اِدِرلِر!‏»‏