آیانلیق 20:14 - مُقادِّس کیتاب

¹⁴ اُنسُنگ اُلوم و اُلولِر دونیَه‌سی یانیپ دوران دِریاچا زینگیلدی.‏ اینه، بو اُدلی دِریاچا ایکینجی اُلومدیر.‏

آیانلیق 20:14 ပူးပေါင်းရင်းမြစ်များ

۱ قُرِنتُس‌لار 15:26

یُق اِدیلمِلی دوشمانلارینگ اینگ سُنگقوسی هِم اُلومدیر.‏

۱ قُرِنتُس‌لار 15:53

چونکی چویرییَن بِدِن چویریمِجِک دُنونا، اُلیَن بِدِن اُلمِجِک دُنونا گِیینمِلیدیر.‏

آیانلیق 1:18

مِن دیریدیرین.‏ اُلودیم، یُنه، اینه، ایندی اِبِدیلیک دیریدیرین.‏ اُلومینگ-ده، اُلولِر دونیَه‌سینینگ-ده آچاری مِندِدیر.‏

آیانلیق 14:10

خودایینگ غاضاب کَسه‌سیندِن ایچِر.‏ بو کَسه خودایینگ غاضابینینگ شِرابیندان، هیچ زات قاریلمادیق آراسّا شِرابدان دُلودیر.‏ شِیله آدام مُقادِّس پِریشده‌لِرینگ و قوزینینگ اُوونده اُد و کوکورت بیلِن عاذاپلانار.‏

آیانلیق 19:20

اِمّا جاناوار و اُنونگ بیلِن بیله یالان نِبی توتولدی.‏ بو یالان نِبی جاناوارینگ آدیندان عالاماتلار گُرکِزدی و جاناوارینگ عالاماتینی اُزونه باسدیریپ، اُنونگ مُجِسِّمه‌سینه سِجده اِدِنلِری آلدادی.‏ جاناوار-دا، یالان نِبی-ده دیریلیگینه یانیپ دوران کوکورت و اُدلی دِریاچا زینگیلدی.‏

آیانلیق 2:11

‏«‏قولاغی بار آدام مُقادِّس روحونگ کِلیسالارا نَمه دییَّنینی اِشیتسین!‏ یِنگیپ چیقان آدام ایکینجی اُلومینگ زییانلارینا دوچار بُلماز.‏»‏

آیانلیق 20:10

اُلاری آلدان شِیطان بُلسا یانیپ دوران کوکورت و اُدلی دِریاچا زینگیلدی، و جاناوار بیلِن یالان نِبی هِم شُل یِردِدیر.‏ اُلار گیجه-گوندیز اِبِدیلیک عاذاپ چِکِرلِر.‏

آیانلیق 20:13

دِریا اُزوندَکی اُلولِری ایزینا بِردی.‏ اُلوم و اُلولِر دونیَه‌سی-ده اُزوندَکی اُلولِری ایزینا بِردی.‏ اُلارینگ هِر بیرینه اِدِن ایشلِرینه گُرَه قاضیلیق اِدیلدی.‏

آیانلیق 20:15

آدلاری یاشاییش دِفتِرینه یازیلمادیقلارینگ هِمّه‌سی یانیپ دوران دِریاچا زینگیلدی.‏

آیانلیق 20:6

اَوَّلکی دیرِلیشده پایی بُلان خوشواقت و مُقادِّسدیر!‏ ایکینجی اُلوم اُلارا گویجی یِتمِز.‏ اُلار خودایینگ و مسیحینگ کاهینلاری بُلوپ، اُنونگ بیلِن مونگ ییل پادیشاهلیق اِدِرلِر.‏

آیانلیق 21:4

اُل اُز خالقینینگ گُزلِرینینگ هِر بیر گُزیاشینی سوپورِر.‏ ایندی نه اُلوم، نه-ده یاس، نه ناله، نه-ده دِرد بُلار.‏ چونکی اُوالقی زاتلار گِچیپ گیتدی.‏»‏

آیانلیق 21:8

اِمّا قُرقیانلارینگ، ایمانسیزلارینگ، فاسیقلارینگ، قاتل‍لارینگ، زیناکَرلِرینگ، جادوگَرلِرینگ، بُت‌پَرَستلِرینگ و هِمّه یالانچیلارینگ جایلاری یانیپ دوران کوکورت و اُدلی دِریاچا بُلار.‏ ایکینجی اُلوم، اینه، بودور.‏»‏

آیانلیق 6:8

گُرسِم، اینه، رِنگکی سُلوق بیر آت دور.‏ اُنونگ اوستوندَکی مینِنینگ آدی اُلومدی، اُنونگ ایزیندان اُلولِر دونیَه‌سی گِلیَردی.‏ اُلارا یِرینگ دُرتدِن بیر بُلِگینه ایختییار بِرلیپ، شُل یِردَکی آداملاری قیلیچ، آچلیق، مِریضچیلیک و وَحشی حایوانلار بیلِن اُلدورمَگه اِجازا بِریلیپدی.‏