آیانلیق 19:6 - مُقادِّس کیتاب

⁶ سُنگرا مِن اولی جِماغاتینگ سِسینه، خاص اولی سولارینگ سِسلِنیَنسینه و گویچلی آسمان گوپوردیسینه مِنگزِش سِسلِر اِشیتدیم.‏ اُلار شِیله دییَّردیلِر:‏ ‏«‏هَلِلویاه!‏ چونکی تانگریمیز قودراتلی-گویچلی خودای حُکومرانلیق اِدیَر!‏

آیانلیق 19:6 ပူးပေါင်းရင်းမြစ်များ

مَتّیٰ 6:13

بیزی وِسوِسه‌لِردِن داش ساقلا و بیزی شِیطاندان آزاد اِت.‏ ‏[‏پادیشاهلیق، قودرات و بِییکلیک اِبِدی سِنینگکیدیر.‏ اَمین.‏]‏

آیانلیق 1:15

آیاقلاری کوره‌ده قیزاردیلان میس یالی ییلدیرییاردی، سِسی قاتی اولی شارلاووق سولارینگ یالیدی.‏

آیانلیق 1:8

تانگری خودای شِیله دییَّر:‏ ‏«‏‏”‏اَلِف“‏ و ‏”‏یا“‏ مِندیرین.‏ مِن اُزال بُلان، حَضیر بار، گِلِجِکده هِم بُلجاق قودراتلی-گویچلی خودایدیرین.‏»‏

آیانلیق 12:10

موندان سُنگ آسماندان بیر قاتی سِس اِشیتدیم.‏ اُل شِیله دییدی:‏ ‏«‏اینه، خوداییمیزینگ نِجات بِرجِک واقتی گِلدی!‏ اُنونگ قودراتی و پادیشاهلیغی یِرینه یِتدی.‏ اُنونگ مسیحینینگ حُکومدارلیغی بِرقارار بُلدی.‏ چونکی خوداییمیزینگ حوضوریندا ایماندارلاری گیجه-گوندیز عاییپلایان و اُلارا تُهمِت اوریان شِیطان آشاق زینگیلدی.‏

آیانلیق 14:2

مِن آسماندان آقیان اولی سولارینگ یالی و گویچلی آسمان گوپوردِشینینگ یالی بیر سِس اِشیتدیم.‏ بو سِس قاقیپ چالینیان سازلارینگ سِسینه مِنگزِیَردی.‏

آیانلیق 19:1

سُنگرا مِن آسماندا اولی جِماغاتینگ سِسینه مِنگزِش قاتی سِسلِر اِشیتدیم.‏ اُلار:‏ ‏«‏هَلِلویاه!‏ خودای بیزینگ نِجات بِریَنچیمیزدیر، بِییکلیک و قودرات اُنونگقیدیر.‏

آیانلیق 19:4

ییگریمی دُرت یاشولی و دُرت جانلی جاندار یوزین دوشوپ:‏ ‏«‏اَمین، هَلِلویاه!‏»‏ دییّپ، تاختدا اُتوران خودایا سِجده اِتدیلِر.‏

آیانلیق 21:22

مِن بو شَهرده عیباداتخانا گُرمِدیم.‏ چونکی قودراتلی-گویچلی خودای و قوزی شَهرینگ عیباداتخاناسیدیر.‏

آیانلیق 4:5

تاختدان ییلدیریملار چاقیاردی، قاتی سِسلِر و آسمان گوپوردیسی اِشیدیلیَردی.‏ تاختینگ اُوونده یِدی چیراغ یانیپ دوردی، بو خودایینگ یِدی روحودی.‏

آیانلیق 6:1

اُنسُنگ مِن قوزینینگ یِدی مُهورینگ بیرینجیسینی دُوِنینی گُردوم.‏ شُندا جانلی جاندارلارینگ بیرینینگ آسمان گوپوردیسی یالی سِس بیلِن ‏«‏بَری گِل!‏»‏ دییِنینی اِشیتدیم.‏

آیانلیق 8:5

پِریشده قابی آلیپ، اُنی قربانلیق جایینداقی اُددان دُلدوردی-دا، اُنی آسماندان یِره زینگدی.‏ شُندا آسمان گوپوردَپ، یُغین چیقیان سِس اِشیدیلدی و ییلدیریم چاقیپ، یِر تیترِدی.‏