آیانلیق 14:13 - مُقادِّس کیتاب

¹³ اُنسُنگ آسماندان بیر سِس اِشیتدیم.‏ اُل شِیله دییدی:‏ ‏«‏مونی یاز:‏ ‏”‏موندان بِیلَک خوداییمیزا ایمان گِتیریپ اُلِنلِر خوشواقتدیر!‏“‏»‏ روح هِم شِیله دییدی:‏ ‏«‏هاووا، اُلار چِکِن زَحمِتلِریندِن دینچ آلارلار و چِکِن زَحمِتلِرینینگ حاصیلنی گُرِرلِر»‏.‏

آیانلیق 14:13 ပူးပေါင်းရင်းမြစ်များ

مَتّیٰ 3:17

شُندا آسماندان گِلِن بیر سِس:‏ ‏«‏بو مِنینگ عزیز اُغلومدیر.‏ مِن اُندان کَن راضیدیرین»‏ دییدی.‏

لوقا 16:25

اِمّا ابراهیم اُنگا:‏ ‏”‏اِی اُغول!‏ سِن اُز یاشایشینگدا یاخشی زاتلاری آلانینگی، ایلعازارینگ بُلسا عاذاپ چِکِنینی یادینگا سال.‏ ایندی بُلسا اُل بو یِرده راحاتلیق گُریَر، اِمّا سِن عاذاپ چِکیَرسینگ.‏

لوقا 16:9

سیزه شونی آیدیارین:‏ اُزونگیزه دُست قازانماق اوچین دونیَه‌نینگ بایلیغینی قولّانینگ، بو مال-مولک قوتاراندا بُلسا، سیز اِبِدی قالجاق مِسکِنلِره قابول اِدیلِرسینگیز.‏

رومیلار 14:8

یاشایان بُلساق، مسیح اوچین یاشایاندیریس، اُلیَن بُلساق، مسیح اوچین اُلیَندیریس.‏ شُنگا گُرَه، یاشاساق-دا، اُلسِک-ده، مسیحه دِگیشلیدیریس.‏

۱ قُرِنتُس‌لار 15:18

دییمِک، عیسی مسیحده ایمانلی بُلوپ آرادان چیقانلار هِم هِلَک بُلاندیرلار.‏

۱ قُرِنتُس‌لار 15:20

اِمّا عیسی مسیح حاقیقاتدان-دا اُلولِرینگ اَوَّلکیسی بُلوپ اُلومدِن دیرِلدی.‏

۱ قُرِنتُس‌لار 15:58

شُنگا گُرَه-ده، اِی عزیزلِریم، قاییم دورونگ.‏ قُی، سیزی آصلا هیچ زات تیترِتمِسین.‏ خودایینگ ایشینه ایخلاصلی یاپیشینگ.‏ چونکی خودایینگ اوغروندا چِکِن زَحمِتینگیزینگ بیدِرِک دَلدیگینی اُزونگیز-ده بیلیَنسینگیز.‏

۲ قُرِنتُس‌لار 5:8

هاووا، بیز شِیله خاطیرجِمدیریس.‏ بیز مسیحینگ یانیندا مِسکِن توتوپ بیلِریمیز یالی، بِدِندِن آیریلانیمیزی قاوی گُریَریس.‏

فیلیپیلِر 2:17

سیزینگ خودایا اِدیَن ایمانینگیز و خیدماتینگیز اُنگا هُدورلِنِن قربانلیق کیمیندیر.‏ اِگِر مِنینگ شیندی چِکیَن زَحمِتلِریم بو قربانلیغا قُشولسا، مِن شاتدیرین.‏ مِن هِمَّه‌نگیزینگ شاتلیغینگیزا شِریکدیرین.‏

۱ تِسالونیکیلِر 4:14

بیز عیسانینگ اُلوپ دیرِلِنینه اینانیاریس.‏ شُنگا گُرَه-ده، خودایینگ عیسی مسیحه ایمان گِتیرِن یاتانلاری اُنونگ بیلِن ایزینا گِتیرجِکدیگینه-ده اینانمالیدیریس.‏

۱ تِسالونیکیلِر 4:16

مسیحینگ اُزی حُکومدار قاتی سِسی بیلِن، خودایینگ سورنای سِسی بیلِن و پِریشده‌لِرینگ رِییسینینگ سِسی بیلِن آسماندان اینِر.‏ شُندا اَوَّل مسیحه ایمان گِتیرِن اُلولِر دیرِلِر.‏

۱ تِسالونیکیلِر 5:10

عیسی مسیح بیزینگ اوچین اُلدی.‏ اُل مونی بیز یاشاساق-دا، اُلسِک-ده، اُنونگ بیلِن یاشاپ بیلمِگیمیز اوچین اِتدی.‏

۱ تیموتاوس 5:24

کَبیر آداملارینگ گونَه‌لِری اَشکَر بُلوپ، اُلار قیامات گونوندِن اُنگ اَشکَردیر.‏ کَبیرلِرینینگ گونَه‌سی بُلسا واقتینگ گِچمِگی بیلِن اَشکَر بُلیار.‏

۱ تیموتاوس 5:25

شُنونگ یالی، قاوی ایشلِرینگ هِم کَبیرلِری اَشکَر، کَبیرلِری بُلسا اَشکَر دَلدیر.‏ یُنه اَشکَر دَل‍لِری هِم ایر یا گیچ معلیم بُلیاندیر.‏

آیانلیق 1:11

اُل سِس:‏ ‏«‏گُریَنلِرینگی طوماردا یاز و اُنی یِدی کِلیسایا:‏ اِفِسُسا، اِزمیره، پِرغاموسا، تیاتیرا، ساردِسه، فیلادِلفیه و لائودیکیه ایبِر»‏ دییدی.‏

آیانلیق 10:4

بو یِدی آسمان گوپوردیسی کِپلَنده، مِن یازماغا تاییارلاندیم.‏ یُنه آسماندان:‏ ‏«‏یِدی آسمان گوپوردیسینینگ آیدانلارینی یازما!‏ قُی، اُلار گوزگین قالسین!‏»‏ دییِن بیر سِس اِشیتدیم.‏

آیانلیق 11:15

یِدینجی پِریشده سورنایینی چالدی.‏ آسماندان:‏ ‏«‏دونیَه پادیشاهلیغی ایندی خوداییمیزینگقی و اُنونگ مسیحینینگکی بُلدی.‏ خودای اِبِدیلیک پادیشاهلیق اِتجِکدیر»‏، دییّپ قیغیریان قاتی سِسلِر اِشیدیلدی.‏

آیانلیق 11:19

اُنسُنگ خودایینگ آسمانداقی عیباداتخاناسی آچیلیپ، اُنونگ ایچیندَکی عَهد صاندیقی گُروندی.‏ شُل واقتدا ییلدیریملار چاقدی، قاتی سِسلِر و آسمان گوپوردیسی اِشیدیلدی، یِر تیترَپ و گویچلی جُوِنِک یاغدی.‏

آیانلیق 16:17

یِدینجی پِریشده کَسه‌سینی هُوا سِرپیپ گُیبِردی.‏ عیباداتخاناداقی تاختدان:‏ ‏«‏یِرینه یِتدی!‏»‏ دییِن قاتی بیر سِس اِشیدیلدی.‏

آیانلیق 19:9

اُنسُنگ پِریشده مانگا شِیله دییدی:‏ ‏«‏شولاری یاز:‏ قوزینینگ ضیافات طُویونا چاغیریلانلار خوشواقتدیر!‏»‏ اُل سُزونی دُوام اِدیپ:‏ ‏«‏اینه، بولار خودایینگ حاقیقی سُزلِریدیر»‏ دییدی.‏

آیانلیق 2:1

‏«‏اِفِسُسداقی کِلیسانینگ پِریشده‌سینه شونی یاز:‏ ‏«‏یِدی ییلدیزی ساغ اِلینده ساقلایان، یِدی قیزیلدان چیراغدانینگ آراسیندا گِزیَن شِیله دییَّر:‏

آیانلیق 2:7

‏«‏قولاغی بار آدام مُقادِّس روحونگ کِلیسالارا نَمه دییَّنینی اِشیتسین!‏ یِنگیپ چیقان آداما خودایینگ جِنِّتدَکی یاشاییش باغینینگ میوه‌سیندِن اییمَگه اِجازا بِرِرین.‏»‏

آیانلیق 20:6

اَوَّلکی دیرِلیشده پایی بُلان خوشواقت و مُقادِّسدیر!‏ ایکینجی اُلوم اُلارا گویجی یِتمِز.‏ اُلار خودایینگ و مسیحینگ کاهینلاری بُلوپ، اُنونگ بیلِن مونگ ییل پادیشاهلیق اِدِرلِر.‏

آیانلیق 21:5

تاختدا اُتوران:‏ ‏«‏اینه، هِمّه زادی تَزه‌لِیَرین»‏ دییدی.‏ سُنگرا مانگا:‏ ‏«‏بولاری یاز، سِبَبی بو سُزلِر دُغری و چیندیر»‏ دییدی.‏

آیانلیق 22:17

مُقادِّس روح و گِلین ‏«‏گِل!‏»‏ دییَّرلِر.‏ اِشیدیَن هِر کِس هِم ‏«‏گِل!‏»‏ دییسین.‏ سوسان گِلسین.‏ کیم اُز تِشنه‌لیگینی دُیدورماق ایسلِسه، قُی، یاشاییش سوووندان مُفت ایچسین!‏

آیانلیق 6:11

شُندا اُلارا آق لِباس بِرلیپ، یِنه آز سالیم صابیر اِتمِلیدیگینی آیتدیلار.‏ چونکی اُلارینگ خاطارینا اُزلِری یالی اُلدوریلجِک یُلداشلارینینگ و ایماندارلارینگ هِمّه سانی قُشولمالیدی.‏