آیانلیق 13:14 - مُقادِّس کیتاب

¹⁴ بو جاناوار بیرینجی جاناوارینگ آدیندان عالاماتلار گُرکِزیپ، یِر یوزونده یاشایانلاری آلداوا سالیاردی.‏ اُل قیلیچ بیلِن اُلدوریَن یارا سالناندیغینا باقمازدان، دیرِلِن جاناوارینگ مُجِسِّمه‌سینی بِجِرمِگی یاشایانلارا تابشیردی.‏

آیانلیق 13:14 ပူးပေါင်းရင်းမြစ်များ

۲ تِسالونیکیلِر 2:4

بو آدام خودای دییّپ آدلاندیریلیان یا سِجده اِدیلیَن زاتلارینگ بارینا قارشی چیقیپ، اُزونی اُلاردان یُقاری توتار.‏ اُل حتّیٰ خودایینگ عیباداتخاناسیندا اُتوریپ، اُزونی خودای دییّپ اِعلان اِدِر.‏

آیانلیق 12:9

اولی اژدها اُز پِریشده‌لِری بیلِن یِره زینگیلدی.‏ هاووا، هِمّه دونیَه‌نی آزدیریپ، اِبلیس یا-دا شِیطان دییّپ آدلاندیریلیان بو قادیمی ییلان یِره زینگیلدی.‏

آیانلیق 13:1

اژدها دِریانینگ کِناریندا دوردی.‏ شُندان سُنگ مِن دِریادان بیر جاناوارینگ چیقیپ گِلیَنینی گُردوم.‏ اُنونگ اُن شاخی و یِدی کِلّه‌سی باردی.‏ شاخلارینینگ هِر بیرینه بیر تاج گِیدیریلیپدی، کِلّه‌لِرینده خودایا کُفر آیدیان آدلار یازیلیپدی.‏

آیانلیق 13:15

اُنگا جاناوارینگ مُجِسِّمه‌سینه جان بِرمه گویجی بِریلدی.‏ جاناوارینگ مُجِسِّمه‌سی کِپلَپ باشلادی-دا، اُزونه سِجده اِتمِیَنلِری اُلدورتدی.‏

آیانلیق 13:8

یِر یوزونده یاشایان هِر بیر اینسان بو جاناوارا سِجده اِدِر.‏ بو جاناوارا دینگه دونیَه یارادیلمازدان اُنگ آدلاری یاشاییش دِفتِرینه یازیلان آداملار سِجده اِتمِز.‏ یاشاییش دِفتِری داماغی چالنان قوزینینگقیدیر.‏

آیانلیق 14:11

عاذاپلاماغینینگ توسِّسی بُلسا اِبِدی یُقاری گیدِر.‏ جاناوارا و اُنونگ مُجِسِّمه‌سینه سِجده اِدِنلِر یا-دا اُنونگ آدینینگ عالاماتینی باسدیران آداملار نه گیجه، نه-ده گوندیز دینچ آلارلار.‏»‏

آیانلیق 14:9

اُلارینگ ایزیندان اوچوپ گِلیَن اوچونجی بیر پِریشده قاتی سِس بیلِن شِیله دییَّردی:‏ ‏«‏هِر کیم جاناوارا و اُنونگ مُجِسِّمه‌سینه سِجده اِتسه، مانگلایینا یا-دا اِلینه اُنونگ عالاماتینی باسدیرسا،

آیانلیق 15:2

مِن اُد بیلِن قاریشیق، سویشه‌دِن بِجِرلِن دِریا یالی بیر زات گُردوم.‏ اُنونگ اوستونده جاناواری، اُنونگ مُجِسِّمه‌سینی و آدینی بیلدیردیَن سانی یِنگِلِر دوردی.‏ اُلارینگ اِل‍لِرینده خودایینگ بِرِن چالینیان سازلاری باردی.‏

آیانلیق 16:13

اُنسُنگ اژدهانینگ، جاناوارینگ و یالان نِبینینگ آغیزلاریندان قورباغا مِنگزِش اوچ تِلِکه روحونگ چیقانینی گُردوم.‏

آیانلیق 16:2

بیرینجی پِریشده گیدیپ، کَسه‌سینی یِره دُکدی.‏ جاناوارینگ عالاماتی بُلان و اُنونگ مُجِسِّمه‌سینه سِجده اِدِن آداملاردا تِلِکه و آغیر یارالار گُروندی.‏

آیانلیق 18:23

چیراغلارینگ نوری ایندی یاغتیلیق بِرمِز، اُیلِنیَن ییگیت و گِلنینگ سِسی ایندی سِندِن اِشیدیلمِز.‏ سِنینگ تاجِرلِرینگ دونیَه‌نینگ بِییک آداملاریدی و سِنینگ جادوگَرلیگینگ هِمّه میلِّتلِری یُلدان چیقاردی.‏

آیانلیق 19:20

اِمّا جاناوار و اُنونگ بیلِن بیله یالان نِبی توتولدی.‏ بو یالان نِبی جاناوارینگ آدیندان عالاماتلار گُرکِزدی و جاناوارینگ عالاماتینی اُزونه باسدیریپ، اُنونگ مُجِسِّمه‌سینه سِجده اِدِنلِری آلدادی.‏ جاناوار-دا، یالان نِبی-ده دیریلیگینه یانیپ دوران کوکورت و اُدلی دِریاچا زینگیلدی.‏

آیانلیق 2:10

گُرجِک قینچیلیقلارینگدان قُرقما!‏ اینه، ایمتِحان اوچین، شِیطان سیزینگ کَبیرلِرینگیزی زیندان اِتدیرِر و سیز اُن گونلَپ عاذاپ چِکِرسینگیز.‏ اُلوم خاطاری اوستونگه قُرقی سالسا-دا، وِفادار قال، مِن سانگا یاشاییش تاجینی بِرِرین.‏

آیانلیق 20:10

اُلاری آلدان شِیطان بُلسا یانیپ دوران کوکورت و اُدلی دِریاچا زینگیلدی، و جاناوار بیلِن یالان نِبی هِم شُل یِردِدیر.‏ اُلار گیجه-گوندیز اِبِدیلیک عاذاپ چِکِرلِر.‏

آیانلیق 3:10

سِن تابشیریقلاریمی بِرجای اِدیپ، ایماندا قاییم دوردونگ.‏ شُنگا گُرَه-ده، یِر یوزونینگ یاشایانلارینی ایمتِحان اوچین هِمّه دونیَه‌نینگ اوستوندِن اینجِک ایمتِحان زامانیندا سِنی قُرارین.‏