آیانلیق 12:3 - مُقادِّس کیتاب

³ سُنگرا آسماندا باشغا بیر عالامات گُروندی.‏ بو یِدی کِلّه‌لی و اُن شاخلی و کِلّه‌لِرینده یِدی تاجی بُلان اولی قُیی-قیزیل اژدهادی.‏

آیانلیق 12:3 ပူးပေါင်းရင်းမြစ်များ

آیانلیق 12:1

آسماندا اولی بیر عالامات، یَعنی گونی گِینِن بیر آیال گُروندی.‏ اُنونگ آیاقلارینینگ آشاغیندا آی و باشیندا اُن ایکی ییلدیزلی تاجی باردی.‏

آیانلیق 12:13

اژدها اُزونینگ یِره زینگیلاندیغینا دوشونِنده، اُغول دُغران آیالی آزار بِرمَگه باشلادی.‏

آیانلیق 12:17

اُنسُنگ اژدها آیالا قاتی غاضابلاندی.‏ اُل آیالینگ بِیلِکی فِرزِنتلِری، یَعنی خودایینگ حُکوملِرینی بِرجای اِدیپ، عیسی بارادا شاهاتلیق اِدیَنلِر بیلِن جِنگ اِتمَگَه گیتدی.‏

آیانلیق 12:4

اُل آسمانداقی ییلدیزلارینگ اوچدِن بیرینی قوروغی بیلِن سوپوریپ، یِر یوزونه زینگدی.‏ اژدها دُغجاق چاغانی بیردِن یوووتماق اوچین، دُغورما دِردی توتیان آیالینگ اُوونده دوردی.‏

آیانلیق 12:7

اُنسُنگ آسماندا جِنگ باشلاندی.‏ میکاییل و اُنونگ پِریشده‌لِری اژدها بیلِن اوروشدیلار.‏ اژدها-دا اُز پِریشده‌لِری بیلِن اُلارا قارشی اوروشدی.‏

آیانلیق 12:9

اولی اژدها اُز پِریشده‌لِری بیلِن یِره زینگیلدی.‏ هاووا، هِمّه دونیَه‌نی آزدیریپ، اِبلیس یا-دا شِیطان دییّپ آدلاندیریلیان بو قادیمی ییلان یِره زینگیلدی.‏

آیانلیق 13:1

اژدها دِریانینگ کِناریندا دوردی.‏ شُندان سُنگ مِن دِریادان بیر جاناوارینگ چیقیپ گِلیَنینی گُردوم.‏ اُنونگ اُن شاخی و یِدی کِلّه‌سی باردی.‏ شاخلارینینگ هِر بیرینه بیر تاج گِیدیریلیپدی، کِلّه‌لِرینده خودایا کُفر آیدیان آدلار یازیلیپدی.‏

آیانلیق 13:2

گُرِن جاناواریم پَلَنگه مِنگزِیَردی.‏ اِمّا آیاقلاری خِرسینگ آیاقلاری یالی و آغزی بُلسا آرسلانینگ آغزی یالیدی.‏ اژدها بو جاناوارا اُز گویجونی، تاختینی و اولی ایختییارینی بِردی.‏

آیانلیق 13:4

آداملار اژدها عیبادات اِتدیلِر، سِبَبی اُل اُز ایختییارینی جاناوارا بِریپدی.‏ اُلار:‏ ‏«‏جاناوارا تای گِلجِک بارمی؟ اُنگ بیلِن جِنگ اِدیپ بیلجِک بارمی؟»‏ دییّپ، اُنگا هِم سِجده اِتدیلِر.‏

آیانلیق 15:1

شُندان سُنگ مِن آسماندا یِنه بیر اولی و عجاییپ عالامات گُردوم:‏ آسماندا یِدی پِریشده، هِر بیرینینگ اِلینده بُلسا بیر بِلا باردی.‏ بو بِلالار آخیرقی بِلالار بُلوپ، اُلار خودایینگ غاضابینی تاماملایاردیلار.‏

آیانلیق 16:13

اُنسُنگ اژدهانینگ، جاناوارینگ و یالان نِبینینگ آغیزلاریندان قورباغا مِنگزِش اوچ تِلِکه روحونگ چیقانینی گُردوم.‏

آیانلیق 17:12

سِنینگ گُرِن اُن شاخینگ بُلسا هِنیز پادیشاهلیغا یِتمِدیک اُن پادیشاهدیر.‏ یُنه اُلار جاناوار بیلِن بیله بیر ساغات پادیشاهلیق اِتمَگه ایختییار آلارلار.‏

آیانلیق 17:16

سِنینگ گُرِن اُن شاخینگ و جاناوار بو آیالی دوشمان گُرِرلِر.‏ اُلار اُنی دارغادیپ، یالانگاچلارلار و اُنونگ اِتینی اییّپ، اُنی اُدلارلار.‏

آیانلیق 17:7

پِریشده مانگا شِیله دییدی:‏ ‏«‏نَمه حایران قالیارسینگ؟ آیالینگ و اُنونگ گُتِرلیپ باریان یِدی کِلّه‌سی و اُن شاخلی جاناوارینگ سیرینی مِن سانگا آیدایین.‏

آیانلیق 19:12

اُنونگ گُزلِری اُد یالی یانیاردی، باشیندا هِم بیرتُپار تاجی باردی.‏ اُنگا بیر آد یازیلیپدی، یُنه بو آدی اُزوندِن باشغا هیچ کیم بیلیَن دَلدیر.‏

آیانلیق 20:2

پِریشده اژدهانی، یَعنی اِبلیس یا-دا شِیطان دییلیپ آدلاندیریلیان قادیمی ییلانی توتدی-دا، مونگ ییلاپ زینجیرلادی.‏