آیانلیق 11:19 - مُقادِّس کیتاب

¹⁹ اُنسُنگ خودایینگ آسمانداقی عیباداتخاناسی آچیلیپ، اُنونگ ایچیندَکی عَهد صاندیقی گُروندی.‏ شُل واقتدا ییلدیریملار چاقدی، قاتی سِسلِر و آسمان گوپوردیسی اِشیدیلدی، یِر تیترَپ و گویچلی جُوِنِک یاغدی.‏

آیانلیق 11:19 ပူးပေါင်းရင်းမြစ်များ

آیانلیق 11:13

شُل واقت بیر گویچلی یِرتیترِمه بُلوپ، شَهرینگ اُندان بیری ییقیلدی.‏ یِرتیترِمِده یِدی مونگ آدام هِلَک بُلدی.‏ آمان قالانلار قُرقوپ، آسمانینگ خودایینی بِییکلِندیردیلِر.‏

آیانلیق 11:15

یِدینجی پِریشده سورنایینی چالدی.‏ آسماندان:‏ ‏«‏دونیَه پادیشاهلیغی ایندی خوداییمیزینگقی و اُنونگ مسیحینینگکی بُلدی.‏ خودای اِبِدیلیک پادیشاهلیق اِتجِکدیر»‏، دییّپ قیغیریان قاتی سِسلِر اِشیدیلدی.‏

آیانلیق 12:1

آسماندا اولی بیر عالامات، یَعنی گونی گِینِن بیر آیال گُروندی.‏ اُنونگ آیاقلارینینگ آشاغیندا آی و باشیندا اُن ایکی ییلدیزلی تاجی باردی.‏

آیانلیق 16:1

شُندان سُنگ مِن عیباداتخانادان یِدی پِریشدَه:‏ ‏«‏گیدینگ-ده، خودایینگ غاضابیندان دُلی یِدی کَسه‌نی یِرینگ یوزونه دُکونگ!‏»‏ دییِن قاتی سِسی اِشیتدیم.‏

آیانلیق 16:18

شُندان سُنگ ییلدیریملار چاقدی، گوپوردَپ، آسمان سِسلِندی، گویچلی یِر تیترِمه بُلدی.‏ اینسانلار یِر یوزونده یاشاپ باشلانی بَری شِیله گویچلی یِر تیترِمه بُلماندی.‏

آیانلیق 16:21

آداملارینگ اوستونه آسماندان هِر بیرینینگ آغرامی اِلّی کیلو قُلای گویچلی جُوِنِک یاغدی.‏ آداملار جُوِنِک بِلاسی اوچین خودایا قارغادیلار، سِبَبی بو بِلا دییسِنگ آغیردی.‏

آیانلیق 19:11

سُنگرا مِن آچیلان آسمانی و اُل یِرده دوران بیر آق آتی گُردوم.‏ آتا مینیپ اُتوران اِمین و حاقلی دییّپ آدلاندیریلیاردی.‏ اُل عادیل حُکوم چیقاریاندیر و عادالاتلی جِنگ اِدیَندیر.‏

آیانلیق 4:1

شُندان سُنگ آسماندا بیر آچیق قاپینی گُردوم.‏ اَوَّلدِن مِنینگ بیلِن کِپلِشِن، سورنایینگ سِسینه مِنگزِیَن سِس مانگا:‏ ‏«‏یُقاری چیق، مِن سانگا موندان سُنگ بُلمالی زاتلاری گُرکِزِیین»‏ دییدی.‏

آیانلیق 4:5

تاختدان ییلدیریملار چاقیاردی، قاتی سِسلِر و آسمان گوپوردیسی اِشیدیلیَردی.‏ تاختینگ اُوونده یِدی چیراغ یانیپ دوردی، بو خودایینگ یِدی روحودی.‏

آیانلیق 7:15

شُنگا گُرَه، اُلار خودایینگ تاختینینگ اُوونده بُلوپ، گیجه-گوندیز اُنونگ عیباداتخاناسیندا اُنگا خیدمات اِدیَرلِر و تاختدا اُتوران اُلاری اُز پِناه‌سیندا ساقلایار.‏

آیانلیق 8:5

پِریشده قابی آلیپ، اُنی قربانلیق جایینداقی اُددان دُلدوردی-دا، اُنی آسماندان یِره زینگدی.‏ شُندا آسمان گوپوردَپ، یُغین چیقیان سِس اِشیدیلدی و ییلدیریم چاقیپ، یِر تیترِدی.‏

آیانلیق 8:7

بیرینجی پِریشده سورنایینی چالدی.‏ قان قاتیشیقلی جُوِنِک و اُد دُرَپ، یِر یوزونه دُکولدی.‏ یِرینگ اوچدِن بیری و باغلارینگ اوچدِن بیری و گُک اُتلارینگ باری یانیپ گیتدی.‏