آیانلیق 11:17 - مُقادِّس کیتاب

¹⁷ شِیله دییدی:‏ ‏«‏اِی خودای، قودراتلی-گویچلی تانگری، سِن حَضیر بار و اُزال-دا بار بُلان.‏ بیز سانگا شوکور اِدیَریس.‏ چونکی سِن بِییک قودراتینگی اِلینگه آلیپ، پادیشاهلیق اِدیپ باشلادینگ.‏

آیانلیق 11:17 ပူးပေါင်းရင်းမြစ်များ

مَتّیٰ 11:25

شو واقت عیسی سُزونی دُوام اِدیپ، شِیله دییدی:‏ ‏«‏اِی آتام، یِرینگ و آسمانینگ حُکومداری!‏ بو زاتلاری عاقیلدارلاردان و دانالاردان گوزگَپ، چاغالارا آیان اِدِندیگینگ اوچین، سانگا شوکور اِدیَرین.‏

لوقا 10:21

شُل واقت عیسی مُقادِّس روح سِبَبی شاتلانیپ:‏ ‏«‏اِی آتام، یِرینگ و آسمانینگ حُکومداری!‏ بو زاتلاری عاقیلدارلاردان و دانالاردان گوزگَپ، چاغالارا آیان اِدِندیگینگ اوچین، سانگا شوکور اِدیَرین.‏ هاووا، آتام، سِنینگ ایسلِگینگ شِیلِدی.‏

یوحنا 11:41

شِیلِلیکده، داشی آییردیلار.‏ عیسی گُزونی آسمانا تیکیپ:‏ ‏«‏اِی آتا، مِنی اِشیدِنینگ اوچین سانگا شوکور اِدیَرین.‏

۲ قُرِنتُس‌لار 2:14

یُنه خودایا شوکور!‏ اُل مسیحینگ اوستونلیک یُلوندان بیزی اِلمیداما یُریدیَر.‏ خودای اُزی باراداقی بیلیمی بیزینگ اوستومیز بیلِن هِمّه یِره عاطیر کیمین یایراتیار.‏

۲ قُرِنتُس‌لار 9:15

خودایینگ شِیله اولی سیلاغی اوچین اُنگا شوکورلِر بُلسون!‏

۱ تیموتاوس 1:12

مِن تانگریمیز عیسی مسیحینگ مانگا گویچ-قووات بِرِندیگی اوچین شوکور اِدیَرین.‏ اُل مِنی اِمین حاساپلاپ، اُز خیدماتینا بِلِّدی.‏

آیانلیق 1:4

آسیا وِلایاتینداقی یِدی کِلیسایا مِن یوحنادان سالام!‏ اُزال بُلان، حَضیر هِم بار، گِلِجِکده هِم بُلجاق خودایینگ و اُنونگ تاختینینگ اُووندَکی یِدی روحونینگ مِرحِمِتی و پاراحاتلیغی سیزه یار بُلسون!‏

آیانلیق 1:8

تانگری خودای شِیله دییَّر:‏ ‏«‏‏”‏اَلِف“‏ و ‏”‏یا“‏ مِندیرین.‏ مِن اُزال بُلان، حَضیر بار، گِلِجِکده هِم بُلجاق قودراتلی-گویچلی خودایدیرین.‏»‏

آیانلیق 11:15

یِدینجی پِریشده سورنایینی چالدی.‏ آسماندان:‏ ‏«‏دونیَه پادیشاهلیغی ایندی خوداییمیزینگقی و اُنونگ مسیحینینگکی بُلدی.‏ خودای اِبِدیلیک پادیشاهلیق اِتجِکدیر»‏، دییّپ قیغیریان قاتی سِسلِر اِشیدیلدی.‏

آیانلیق 15:3

اُلار خودایینگ خیدماتکَری موسانینگ و قوزینینگ آیدیمینی آیدیاردیلار:‏ ‏«‏اِی تانگری، قودراتلی-گویچلی خودای!‏ سِنینگ ایشلِرینگ اولی و عجاییپدیر.‏ اِی میلِّتلِرینگ پادیشاهسی!‏ سِنینگ یُل‍لارینگ دُغری و حاقدیر.‏

آیانلیق 16:14

بولار عالاماتلار گُرکِزیپ بیلیَن جینلارینگ روحلاریدیر.‏ بولار قودراتلی-گویچلی خودایینگ بِییک گونونده بُلجاق جِنگ اوچین هِمّه دونیَه‌نینگ پادیشاهلارینی اویشورمَگه باریارلار.‏

آیانلیق 16:5

مِن سولارا ایختییاری بار پِریشدَه‌نینگ شِیله دییِنینی اِشیتدیم:‏ ‏«‏اِی حَضیر بار و گِچمیشده بُلان مُقادِّس خودای!‏ سِن شو حُکومی چیقارماق بیلِن عادالاتلیدیغینگی آیان اِتدینگ.‏

آیانلیق 16:7

مِن قربانلیق جاییندان بیر سِسینگ:‏ ‏«‏هاووا، اِی تانگری، قودراتلی-گویچلی خودای، سِنینگ حُکوملِرینگ حاق و عادیلدیر»‏ دییّپ جُغاپ بِرِنینی اِشیتدیم.‏

آیانلیق 18:8

شُنگا گُرَه، بیر گونونگ ایچینده اُلوم، یاس، آچلیق بِلاسی باشینا اینِر، اُنی اُد یاقیپ کُیدورِر.‏ چونکی اُنی مَحکوم اِدِن تانگری خودای گویچلیدیر!‏

آیانلیق 19:11

سُنگرا مِن آچیلان آسمانی و اُل یِرده دوران بیر آق آتی گُردوم.‏ آتا مینیپ اُتوران اِمین و حاقلی دییّپ آدلاندیریلیاردی.‏ اُل عادیل حُکوم چیقاریاندیر و عادالاتلی جِنگ اِدیَندیر.‏

آیانلیق 19:6

سُنگرا مِن اولی جِماغاتینگ سِسینه، خاص اولی سولارینگ سِسلِنیَنسینه و گویچلی آسمان گوپوردیسینه مِنگزِش سِسلِر اِشیتدیم.‏ اُلار شِیله دییَّردیلِر:‏ ‏«‏هَلِلویاه!‏ چونکی تانگریمیز قودراتلی-گویچلی خودای حُکومرانلیق اِدیَر!‏