آیانلیق 10:1 - مُقادِّس کیتاب

¹ اُنسُنگ مِن آسماندان آشاق اینیپ گِلیَن باشغا بیر گویچلی پِریشدَه‌نی گُردوم.‏ اُل بولودا اُرتونیپدی، اُنونگ باشینینگ یُقارسیندا عالِمغُشار یاغتیسی و یوزی گون یالی یالقیم سِچیَردی و آیاقلاری بُلسا اُد سوتونلِری یالیدی.‏

آیانلیق 10:1 ပူးပေါင်းရင်းမြစ်များ

مَتّیٰ 17:2

شُل یِرده اُلارینگ گُزلِرینینگ اُوونده اُنونگ یوزی اویتگِدی.‏ اُنونگ یوزی گون کیمین پارلادی، لِباسی نور کیمین دیم-آق بُلدی.‏

لوقا 21:27

شُندا اُلار اینسان اُغلونینگ بولوتدا قودرات هِم اولی بِییکلیک بیلِن گِلیَنینی گُرِرلِر.‏

رِسول‍لار 26:13

اِی پادیشاهیم، گونُرتان واقتی یُلدا باریارقام، بیردِنکَه آسماندا گوندِن هِم یاغتی نور گُردوم.‏ نور مِنینگ و یُلداشلاریمینگ داش-تُوِرِگینه یالقیم یایراتدی.‏

آیانلیق 1:7

اینه، اُل بولوتلارینگ آراسی بیلِن گِلیَر!‏ اُنی هِمّه‌لِر، حتّیٰ اُنگا نایزا چومدیرِنلِر هِم گُرِرلِر.‏ دونیَه‌نینگ هِمّه خالقلاری اُل سِبَپلی آغلارلار.‏ بو دُغرودان-دا شِیله بُلار!‏ اَمین.‏

آیانلیق 18:1

موندان سُنگ مِن آسماندان اینیپ گِلیَن باشغا بیر پِریشدَه‌نی گُردوم.‏ اُنونگ اولی ایختییاری بُلوپ، بِییکلیگی هِمّه دونیَه نور سِچدی.‏

آیانلیق 18:21

سُنگرا بیر گویچلی پِریشده اولی دِگیرمِن داشی یالی داشی قالدیریپ، اُنی دِریا زینگیپ، شِیله دییدی:‏ ‏«‏اولی بابِل شَهری، اینه، شِیله گویچ بیلِن زینگلار!‏ اُل ایندی آصلا تاپیلماز!‏

آیانلیق 20:1

سُنگرا مِن آسماندان اینیپ گِلیَن بیر پِریشدَه‌نی گُردوم.‏ اُنونگ اِلینده دویپسوز قویینگ آچاری بیلِن اولی بیر زینجیر باردی.‏

آیانلیق 4:3

تاختدا اُتورانینگ صوراتیندان یَشم و عقیق داشلاری کیمین یالقیم یایرایاردی، تاختینگ تُوِرِگینده زُمُرّد یالی عالِمغُشار باردی.‏

آیانلیق 5:2

سُنگرا گویچلی بیر پِریشدَه‌نی گُردوم.‏ اُل قاتی سِسی بیلِن:‏ ‏«‏طومارینگ مُهورلِرینی دُومَگه و اُنی آچماغا کیم میناسیپ؟»‏ دییّپ سُرایاردی.‏

آیانلیق 8:13

سُنگرا مِن آسماندا اوچوپ یُرِن عُقابی گُردوم.‏ اُنونگ قاتی سِس بیلِن شِیله دییَّنینی اِشیتدیم:‏ ‏«‏سورنای چالجاق بِیلِکی اوچ پِریشدَه‌نینگ سورنایینینگ سِسیندِن یانگا یِر یوزونده یاشایانلارینگ گونونه وای وای وای!‏»‏