مَرقُس 7:2 - مُقادِّس کیتاب

² اُلار عیسانینگ شَگیرتلِریندِن کَبیرینینگ اِلینی یوومان ناهار اییّپ، یَهودیلِرینگ سونِّتینی پُزاندیغینی گُردولِر.‏

مَرقُس 7:2 ပူးပေါင်းရင်းမြစ်များ

مَتّیٰ 15:2

‏«‏نَمه اوچین سِنینگ شَگیرتلِرینگ آتا-بابالارینگ عاداتینی پُزیارلار؟ اُلار ناهار اییِنلِرینده نَمه اوچین اِل‍لِرینی یوومایارلار؟»‏ دییّپ سُرادیلار.‏

مَرقُس 7:5

شُنونگ اوچین فَریسی‌لِر بیلِن دین عُلَمالار عیسادان:‏ ‏«‏نَمه اوچین سِنینگ شَگیرتلِرینگ آتا-بابالاریمیزدان قالان سونِّته ایزینا دوشمَن، نِجیس اِل‍لِری بیلِن ناهار اییَّرلِر؟»‏ دییّپ سُرادیلار.‏

لوقا 11:38

فَریسی اُنونگ ناهاردان اُنگ اِلینی یووماندیغینی گُروپ، گِنگ قالدی.‏

رِسول‍لار 10:28

پِطرُس اُلارا:‏ ‏«‏بیر یَهودینینگ باشغا میلِّتدِن بُلان بیری بیلِن قاتناشماغینینگ یا-دا اُنونگ یانینا گیتمِگینینگ بیزینگ شِریغاتیمیزا تِرسدیگینی اُزونگیز بیلیَنسینگیز.‏ اِمّا خودای مانگا هیچ بیر آداما نِجیس یا حارام دییمِلی دَلدیگیمی آیان اِتدی.‏

رِسول‍لار 11:8

مِن:‏ ‏”‏یُق، یا خودای، آصلا بِیتمِرین!‏ مِن هیچ هاچان نِجیس یا حارام زاتلاری آغزیما دِگرِن دَلدیرین“‏ دییدیم.‏

رومیلار 14:14

مِن هیچ بیر زادینگ اُز-اُزوندِن حارام دَلدیگینی بیلیَرین، تانگریم عیسی مسیح هِم مِنی بو باباتدا ایناندیریار.‏ یُنه کیم هایسیدیر بیر زادی حارام حاساپلایان بُلسا، اُنونگ اوچین حارامدیر.‏

عِبرانیلار 10:29

شِیله بُلسا، خودایینگ اُغلونی آیاق آشاغینا سالانا اُندان-دا آغیر جِزانینگ قاراشیاندیغینی گُز اُوونه گِتیریپ گُرونگ!‏ مسیحینگ عَهد قانی بیلِن پَکلِنیپ، سُنگرا مونی نِجیس حاساپلایانینگ و مِرحِمِت روحونی بیحُرمات اِدیَنینگ حالی نَهیلی بُلار؟

آیانلیق 21:27

بو شَهرَه هیچ بیر نِجیس زات و تِلِکه ایش اِدیَنلِرینگ و آلدایانلارینگ هیچ بیری گیرمِز.‏ اُنگا دینگه قوزینینگ یاشاییش دِفتِرینده آدلاری یازیلانلار گیرِرلِر.‏