مَتّیٰ 5:37 - مُقادِّس کیتاب

³⁷ سیزینگ ‏”‏هاووانگیز“‏ هاووا، ‏”‏یُغونگیز“‏ یُق بُلسون.‏ موندان آرتیغی شِیطانداندیر.‏

مَتّیٰ 5:37 ပူးပေါင်းရင်းမြစ်များ

مَتّیٰ 13:19

بیری آسمانینگ پادیشاهلیغی حاقینداقی سُزی اِشیدیپ، اُنگا دوشونمِسه، شِیطان گِلیپ، اُنونگ یورِگینده سِپِلِنی سُغروپ آلیار.‏ یُلونگ قیراسیندا سِپیلِن بودور.‏

مَتّیٰ 13:38

اِکینچیلیگی بُلسا دونیَه‌دیر.‏ قاوی تُخوم آسمانینگ پادیشاهلیغینینگ فِرزِنتلِریدیر.‏ بیدِرِک اُتلار بُلسا شِیطانینگ فِرزِنتلِریدیر.‏

مَتّیٰ 15:19

آدامینگ یورِگیندِن تِلِکه فیکرلِر، قاتل‍لیق، زیناکَرلیک، آخلاقسیزلیق، اُغورلیق، یالان شاهاتلیق و تُهمِت چیقیاندیر.‏

مَتّیٰ 5:36

اُز باشینگیزا هِم قاسام ایچمَنگ، سِبَبی سیز اُنونگ یِکه قیلینی-دا آق یا قارا اِدیپ بیلیَن دَلسینگیز.‏

مَتّیٰ 6:13

بیزی وِسوِسه‌لِردِن داش ساقلا و بیزی شِیطاندان آزاد اِت.‏ ‏[‏پادیشاهلیق، قودرات و بِییکلیک اِبِدی سِنینگکیدیر.‏ اَمین.‏]‏

یوحنا 17:15

اُلاری دونیَه‌دِن آلماغینگی دَل-ده، شِیطاندان قُریماغینگی دیلِیَرین.‏

یوحنا 8:44

سیزینگ آتانگیز شِیطاندیر، سیز آتانگیزینگ ایسلِگینی بِرجای اِتمِک ایسلِیَرسینگیز.‏ اُل اَوَّلدِن قاتلدی، هیچ واقت حاقیقاتینگ طارافداری بُلماندی، سِبَبی اُندا حاقیقات یُق.‏ اُل یالان آیداندا، اُز ذاتیندان آیدیار، چونکی اُل یالانچی، یالانینگ آتاسیدیر.‏

اِفِسُسلار 4:25

ایندی یالان آیتمانگ-دا، هِر بیرینگیز اُز هِمسایانگیزا حاقیقاتی آیدینگ.‏ چونکی بیزینگ هِمَّه‌میز بیر بِدِنینگ بُلوملِریدیریس.‏

اِفِسُسلار 6:16

بولارینگ هِمّه‌سینینگ اوستونه-ده، ایمانی سِپَر اِدینیپ داقینینگ!‏ اُنونگ بیلِن شِیطانینگ هِمّه اُدلی تیرلِرینی سُندورمِگی باشارارسینگیز.‏

کولُسیلِر 3:9

بیری-بیرینگیزه یالان آیتمانگ، سِبَبی سیز اُوالقی کُهنه یارادیلیشینگیزی کُهنه عاداتلاری بیلِن بیرلیکده چیقاریپ زینگدینگیز.‏

کولُسیلِر 4:6

هِر کیمه نَهیلی جُغاپ بِرمِلیدیگینگیزی بیلِر یالی، سُزونگیز هِمیشه یُقوملی و مَعنیلی بُلسون.‏

۲ تِسالونیکیلِر 3:3

اِمّا تانگری عیسی اِمیندیر.‏ اُل سیزه قووات بِرِر و یامانلیقلاردان قُرار.‏

یعقوب 5:12

هِمّه زاتدان یُقار، اِی عزیزلِریم، مَحکوم بُلمانگیز یالی، آسمانا هِم، یِره هِم و باشغا هیچ زادا هِم قاسام ایچمَنگ.‏ جُغابینگیز دینگه ‏«‏هاووانگیز»‏ هاووا، و ‏«‏یُقونگیز»‏ یُق بُلسون.‏

۱ یوحنا 2:13

اِی آتالار، سیزه یازیارین، چونکی سیز اُنی، اُزال-باشدان آیان بُلان مسیحی تانییارسینگیز.‏ اِی ییگیتلِر، سیزه یازیارین، چونکی سیز شِیطانی یِنگدینگیز.‏

۱ یوحنا 3:12

شِیطانا دِگیشلی بُلوپ، اُز دُغانی هابیلی اُلدورِن قابیل یالی بُلمایلینگ.‏ قابیل اُنی نَمه اوچین اُلدوردی؟ سِبَبی اُز اِدِن ایشلِری تِلِکه‌لیکدی، دُغانینینگقی بُلسا دُغرودی.‏

۱ یوحنا 5:18

بیز خودایینگ فِرزِنتلِرینینگ گونَه اِتمِیَندیگینی بیلیَریس.‏ خودایینگ اُغلی اُلاری قُرییاندیر، شِیطان اُلارا اِل اورماز.‏