مَتّیٰ 26:63 - مُقادِّس کیتاب

⁶³ اِمّا عیسی کِپلِمِدی.‏ باش کاهین اُنگا:‏ ‏«‏سانگا دیری خودایدان قاسام بِریَرین، بیزه آیت، خودایینگ اُغلی، مسیح سِنمی؟»‏ دییدی.‏

مَتّیٰ 26:63 ပူးပေါင်းရင်းမြစ်များ

مَتّیٰ 16:16

شمعون پِطرُس:‏ ‏«‏سِن دیری خودایینگ اُغلی مسیحسینگ»‏ دییّپ جُغاپ بِردی.‏

مَتّیٰ 26:62

باش کاهین توروپ:‏ ‏«‏سِنده هیچ هیلی جُغاپ یُقمی؟ بو آداملارینگ سِنینگ قارشینگا بِریَن شاهاتلیغی نَمه؟»‏ دییدی.‏

مَتّیٰ 27:12

یُلباشچی کاهینلار بیلِن یاشولیلار اُنگا تُهمِت اورانلاریندا، اُل هیچ هیلی جُغاپ بِرمِدی.‏

مَتّیٰ 27:14

عیسی اُنونگ یِکِجه سُراغینا هِم جُغاپ بِرمِدی.‏ حاکیم مونگا قاتی حایران قالدی.‏

مَتّیٰ 27:40

‏«‏هانی-دا، سِن عیباداتخانانی ییقیپ، اوچ گونده سالجاقدینگ-آ.‏ اِگِر خودایینگ اُغلی بُلسانگ، صلیبدِن آشاق دوش-ده و اُزونگی نِجات بِر-دا!‏»‏ دییَّردیلِر.‏

مَتّیٰ 27:43

اُل خودایا تَوَکُّل اِدیَردی.‏ اِگِر خودای قاوی گُریَن بُلسا، قُی، شو واقتینگ اُزونده اُنی نِجات بِرسین.‏ هانی، اُل:‏ ‏”‏مِن خودایینگ اُغلودیرین“‏ دییَّردی»‏ دییّشیَردیلِر.‏

مَتّیٰ 27:54

عیسی قاراوول‍لیق اِدیپ دوران اَفسَر بیلِن یانینداقی سِربازلار یِر تیترِمَنی، بُلان بِیلِکی زاتلاری گُرِنلِرینده، قُرقا دوشوپ:‏ ‏«‏دُغرودان-دا، بو خودایینگ اُغلی میشدیق!‏»‏ دییدیلِر.‏

مَتّیٰ 4:3

شُل واقت اُنونگ یانینا شِیطان گِلیپ:‏ ‏«‏اِگِر سِن خودایینگ اُغلی بُلیان بُلسانگ، اُندا شو داشلارینگ چُرِگه اُورولمِگینی بویور»‏ دییدی.‏

مَرقُس 14:61

عیسی کِپلِمِدی، هیچ بیر جُغاپ بِرمِدی.‏ باش کاهین یِنه اُندان:‏ ‏«‏بِییک خودایینگ اُغلی – مسیح سِنمی؟»‏ دییّپ سُرادی.‏

یوحنا 1:34

مِن مونی گُردوم و اُنونگ خودایینگ اُغلودیغینا شاهاتلیق اِدیَرین.‏»‏

یوحنا 1:49

ناتاناییل اُنگا:‏ ‏«‏اُستاد، سِن خودایینگ اُغلوسینگ!‏ سِن اسرائیل‌ینگ پادیشاهسیسینگ!‏»‏ دییدی.‏

یوحنا 10:24

یَهودی باشلیغلاری اُنونگ داشینا اویشوپ:‏ ‏«‏سِن هاچانا چِنلی بیزی شِکده ساقلاپ قُیجاق؟ اِگِر مسیح بُلسانگ، آچیغینی آیت»‏ دییدیلِر.‏

یوحنا 10:30

مِن و آتام بیردیریس»‏ دییّپ جُغاپ بِردی.‏

یوحنا 10:36

اُندا نَمه مِنی خودایینگ اُغلی دییِنیم اوچین کُفر آیدیان حاساپلایارسینگیز؟ مِنی بُلسا آتام اُزی اوچین سایلاپ-سِچیپ، دونیَه ایبِردی.‏

یوحنا 18:37

پیلاتُس اُنگا:‏ ‏«‏دییمِک، سِن پادیشاه-دا؟»‏ دییدی.‏ عیسی اُنگا:‏ ‏«‏پادیشاهدیغیمی اُزونگ آیدیپ دورسونگ.‏ مِن حاقیقاتا شاهاتلیق اِتمِک اوچین دُغدیم، شُنونگ اوچین هِم دونیَه گِلدیم.‏ حاقیقاتینگ طارافداری بُلان هِر بیر آدام مانگا قولاق آسار»‏ دییّپ جُغاپ بِردی.‏

یوحنا 19:7

یَهودی باشلیغلاری:‏ ‏«‏بیزینگ بیر شِریغاتیمیز بار، شُل شِریغاتا گُرَه اُل اُلمِلی، سِبَبی اُل اُزونی خودایینگ اُغلی دییّپ آدلاندیریار»‏ دییدیلِر.‏

یوحنا 19:9

اُل یِنه‌دِن اُز کاخینا گیریپ، عیسادان:‏ ‏«‏سِن نیرِلی؟»‏ دییّپ سُرادی.‏ اِمّا عیسی اُنگا جُغاپ بِرمِدی.‏

یوحنا 20:31

یُنه بولار سیزینگ عیسانینگ خودایینگ اُغلی مسیحدیگینه ایمان گِتیرمِگینگیز اوچین و ایمان گِتیریپ، اُنونگ آدی بیلِن یاشایشا قاووشماغینگیز اوچین یازیلدی.‏

یوحنا 6:69

بیز سِنینگ خودایینگ مُقادِّسیدیگینگه اینانیاریس و مونی آچیق بیلیَریس»‏ دییّپ جُغاپ بِردی.‏

یوحنا 8:25

اُندان:‏ ‏«‏سِن کیمسینگ؟»‏ دییّپ سُرادیلار.‏ عیسی اُلارا:‏ ‏«‏اُزال-باشدان سیزه کیم دییّپ آیدان بُلسام، شُلدورین.‏

۲ قُرِنتُس‌لار 1:19

مِن، سیلاس و تیموتاوس آرانگیزدا خودایینگ اُغلی عیسی مسیح بارادا واغیظ اِتدیک.‏ بیزینگ واغیظ اِدِن عیسی مسیحیمیز هِم ‏«‏هاووا»‏، هِم ‏«‏یُق»‏ دییِن دَلدیر.‏ خودای عیسی مسیحینگ اوستو بیلِن ‏«‏هاووا»‏ دییَّندیر.‏

۱ پِطرُس 2:23

اُل سِوولِنده سِومِدی، عاذاپ چِکِنده هیچ کیمه قُرقی سالمادی.‏ مونگا دِرِک اُزونی عادیل حُکوم چیقاریان خودایا تابشیردی.‏