مَتّیٰ 26:38 - مُقادِّس کیتاب

³⁸ عیسی اُلارا:‏ ‏«‏مِنینگ جانیم اُلِر یالی غاملی.‏ بو یِرده قالیپ، مِنینگ بیلِن بیله اُیا بُلونگ»‏ دییدی.‏

مَتّیٰ 26:38 ပူးပေါင်းရင်းမြစ်များ

مَتّیٰ 25:13

‏«‏شُنونگ اوچین هِم اُیا بُلونگ، سِبَبی سیز اینسان اُغلونینگ گِلجِک شو گونونی و ساغادینی بیلمِیَرسینگیز.‏»‏

مَرقُس 14:34

اُلارا:‏ ‏«‏مِنینگ جانیم اُلِر یالی غاملی، سیز بو یِرده قالینگ-دا، اُیا بُلونگ»‏ دییدی.‏

یوحنا 12:27

‏«‏حَضیر مِنینگ یورِگیم غام-غوصّا باتیار.‏ مِن نَمه دییِیین؟ اِی آتا، مِنی شو واقتدان آزاد اِت، دییِیینمی؟ یُق، مِن اُزوم شو واقت اوچین گِلدیم آخیرین.‏

رومیلار 8:32

خودای حتّیٰ اُز اُغلونی قایغیرمان، اُنی بیزینگ گونَه‌لِریمیز اوچین اُلومه تابشیران بُلسا، اُندا اُنونگ بیلِن بیرلیکده بِیلِکی زاتلارینگ بارینی هِم باغیشلامازمی نَمه؟

۲ قُرِنتُس‌لار 5:21

بیز عیسی مسیحینگ اوستو بیلِن خودایینگ تاقوالیغی بُلاریمیز یالی، اُل بیزینگ گونَه‌لِریمیزی آصلا گونَه اِتمِدیک عیسی مسیحینگ اوستونه یوکلِدی.‏

غَلاطیه‌لِر 3:13

مسیح شِریغاتینگ اِعلان اِدِن لَعنِتینی اُز اوستونه آلیپ، بیزی شُل شِریغاتینگ لَعنِتدِن آزاد اِتدی.‏ چونکی تُورات‌دا:‏ ‏«‏آغاچدان آسیلان هِر کِس لَعنِتلِنِندیر»‏ دییّپ یازیلاندیر.‏

۱ پِطرُس 2:24

بیزینگ گونَه‌لِریمیز اوچین اُلوپ، تاقوالیق اوغروندا یاشاماغیمیز اوچین، اُل صلیبده گونَه‌لِریمیزی اُز اوستونه یوکلِدی.‏ سیز اُنونگ یارالارینینگ اوستو بیلِن شِفا تاپدینگیز.‏

۱ پِطرُس 3:18

مسیح هِم بیزی خودایینگ یانینا اِلتمِک اوچین، گونَه‌لِر سِبَپلی هِمیشه‌لیک و بیر گِزِک عاذاپ چِکدی.‏ اُزی عادیل بُلسا-دا، گونَه‌کَرلِر اوچین اُلدی.‏ بِدِن تایدان اُلدوریلسه-ده، اِمّا روح تایدان اُل دیرِلدیلدی.‏

۱ پِطرُس 4:7

هِمّه زاتلارینگ آخیری یاقین گِلدی.‏ مونونگ اوچین آچیق دوشونجِلی بُلوپ، خاباردارجا دُغا اِدینگ.‏