مَتّیٰ 24:14 - مُقادِّس کیتاب

¹⁴ آسمانینگ پادیشاهلیغی بو خوش خاباری هِمّه میلِّتلِره شاهاتلیق حُکمونده دونیَه‌نینگ هِمّه یِرینده واغیظ اِدیلِر، یِکه شُندان سُنگ دونیَه‌نینگ آخیری گِلِر.‏

مَتّیٰ 24:14 ပူးပေါင်းရင်းမြစ်များ

مَتّیٰ 10:7

باران هِر بیر یِرینگیزده آسمانینگ پادیشاهلیغینینگ قُلایلاندیغینی واغیظ اِدینگ.‏

مَتّیٰ 18:19

یِنه سیزه شونی آیدیارین:‏ اِگِر آرانگیزدان ایکی آدام ایسلِندیک زادی دیلِمِک اوچین بیر فیکره گِلسه، آسمانداقی آتام دیلِگلِری بیتیرِر.‏

مَتّیٰ 24:3

بیرآز سُنگرا عیسی زِیتون داغیندا اُتیرقا، شَگیرتلِری اُنونگ یانینا گِلیپ:‏ ‏«‏بیزه آیت، بو زاتلار هاچان بُلار؟ سِنینگ گِلمِگینگی و دونیَه‌نینگ آخیرینی گُرکِزیَن عالامات نَهیلی بُلار؟»‏ دییّپ سُرادیلار.‏

مَتّیٰ 24:6

سیز اوروش توراندیغی و اوزاقداقی اوروشلار بارادا خابارلاری اِشیدِنینگیزده قُرقمانگ.‏ بولار بُلمالیدیر، یُنه هِنیز دونیَه‌نینگ آخیری دَلدیر.‏

مَتّیٰ 4:23

عیسی هِمّه جلیلی آیلانیپ چیقدی، اُل یِردَکی کِنیسه‌لِرده تَعلیم بِردی و آسمانینگ پادیشاهلیغینینگ خوش خابارینی واغیظ اِتدی، خالقینگ آراسینداقی هِر هیلی دِردلِری و مِریضچیلیکلِری شِفا بِردی.‏

مَتّیٰ 9:35

عیسی شَهرلِر و اُبالارینگ بارینی آیلانیپ، اُل یِردَکی کِنیسه‌لِرده تَعلیم بِریَردی.‏ آسمانینگ پادیشاهلیغی حاقدَکی خوش خاباری واغیظ اِدیپ، هِر هیلی دِردلِره و مِریضچیلیکلِره شِفا بِریَردی.‏

مَرقُس 13:10

خوش خابار اَوَّل هِمّه میلِّتلِره حُکمَن واغیظ اِدیلمِلیدیر.‏

لوقا 2:1

شُل گونلِرده روم ایمپِراطُری آگوستوس تامام ایلاتدا ساناماغینی گِچیرمِک بارادا دِستور چیقاردی.‏

لوقا 24:47

شِیله هِم توبا اِدیپ، گونَه‌لِرینینگ باغیشلانماغی باراداقی خوش خاباری اورشلیمدِن باشلاپ، هِمّه میلِّتلِره اُنونگ آدیندان واغیظ اِدیلمِلیدیر.‏

لوقا 4:5

سُنگرا شِیطان عیسانی بیر یُقاری یِره چیقاریپ، اُنگا دونیَه‌نینگ هِمّه شاهلیقلارینی گُرکِزدی.‏

رِسول‍لار 1:2

اُل آسمانا گُتِریلمِزدِن اُنگ، مُقادِّس روحونگ اوستو بیلِن اُز سایلان رِسول‍لارینا تابشیریقلار بِردی.‏

رِسول‍لار 11:28

اُلاردان بیرینینگ آدی آگابوسدی.‏ اُل یِریندِن توروپ، روم ایمپِراطُرلیغیندا یامان آچلیغینگ بُلجاقدیغی بارادا مُقادِّس روحونگ اوستو بیلِن نبوّت اِتدی.‏ بو آچلیق ایمپِراطُر کلودیوسینگ زاماندا بُلوپ گِچدی.‏

رِسول‍لار 17:31

چونکی خودای اُز بِلَّن اینسانی بیلِن دونیَه‌نی عادالاتلی حُکوم اِتجِک گونونی بِلِّدی.‏ اُنی اُلومدِن دیرِلتمِک بیلِن اُنی بِلَّندیگینی تامام اینسانلارا تاصدیق اِتدی.‏»‏

رِسول‍لار 17:6

اِمّا اُلاری تاپیپ بیلمِدیلِر.‏ اُنسُنگ یاسون بیلِن بیرنَچه دُغانلاری شَهر باشچیلارینینگ اُوونه سویرَپ گِتیریپ:‏ ‏«‏بو آداملار هِمّه دونیَه‌ده قالماغال تورزوپ، بیزینگ شَهریمیزه هِم گِلدیلِر.‏

رِسول‍لار 19:27

بیزینگ بو هونَریمیزه خالقینگ آراسیندا آبرایدان دوشمِک خاطاری یاقینلایار.‏ دینگه بو خاطار دَل، اُندا، بِییک آیال خودای آرتِمیسینگ عیباداتخاناسینینگ-دا هیچ حاساپلانیپ، تامام آسیا وِلایاتینینگ و دونیَه‌نینگ عیبادات اِدیَن خودایینینگ بِییکلیگی هیچ بُلماغی آخمال.‏»‏

رِسول‍لار 20:25

‏«‏مِن آرانگیزدا بُلوپ، خودایینگ پادیشاهلیغینی واغیظ اِتدیم.‏ ایندی سیزینگ هیچ بیرینگیزینگ موندان بِیلَک مِنی گُرمِجِکدیگینگیزی بیلیَرین.‏

رومیلار 10:18

یُنه مِن شونی سُراماقچی:‏ اُندا اُلار خوش خاباری اِشیتمِدیمی نَمه؟ اِلبِتّه اِشیتدی، سِبَبی مُقادِّس یازغیلاردا شِیله یازیلان:‏ ‏«‏هِمّه یِر یوزونه یایراندیر اُلارینگ سِسی، دونیَه‌نینگ دُرت بورجونا یِتیندیر، اُلارینگ سُزلِری.‏»‏

کولُسیلِر 1:23

اِلبِتّه، سیز اِشیدِن خوش خابارینگیزینگ بِرِن اومیدیندا سارسمان، ایماندا کُک اوروپ، قاییم دورمالیسینگیز.‏ بو خوش خابار یِر یوزوندَکی هِر بیر اینسانا اِعلان اِدیلدی.‏ مِن پولس بو خوش خابارینگ خیدماتچیسی بُلدوم.‏

کولُسیلِر 1:6

شو خوش خابار هِمّه دونیَه یایراپ میوه بِریپ گِلیَر.‏ خودایینگ مِرحِمِتینینگ حاقیقی مَعنیسینه گُز یِتیرِن گونونگیزدِن بَری، بو خوش خابار سیزینگ آرانگیزدا هِم شِیله عِمِل اِدیَر.‏

عِبرانیلار 1:6

خودای یِکِجه اُغلونی دونیَه ایبِرِنده:‏ ‏«‏قُی، خودایینگ هِمّه پِریشده‌لِری اُنگا سِجده اِتسینلِر!‏»‏ دییدی.‏

عِبرانیلار 2:5

بیزینگ گورّونگینی اِدیَن گِلجِکّی دونیَه‌میزی خودای پِریشده‌لِره موطیع اِتمِدی.‏

آیانلیق 14:6

سُنگرا مِن آسماندا اوچوپ یُرِن بیر پِریشدَه‌نی گُردوم.‏ اُل یِر یوزونده یاشایانلارا:‏ هِر میلِّته و طایفا، هِر دیله و هِر خالقا اِعلان اِتجِک بُلوپ، اِبِدی خوش خاباری گِتیریَردی.‏

آیانلیق 16:14

بولار عالاماتلار گُرکِزیپ بیلیَن جینلارینگ روحلاریدیر.‏ بولار قودراتلی-گویچلی خودایینگ بِییک گونونده بُلجاق جِنگ اوچین هِمّه دونیَه‌نینگ پادیشاهلارینی اویشورمَگه باریارلار.‏

آیانلیق 3:10

سِن تابشیریقلاریمی بِرجای اِدیپ، ایماندا قاییم دوردونگ.‏ شُنگا گُرَه-ده، یِر یوزونینگ یاشایانلارینی ایمتِحان اوچین هِمّه دونیَه‌نینگ اوستوندِن اینجِک ایمتِحان زامانیندا سِنی قُرارین.‏