13 اِمّا آخیرنا چِنلی جیدان نِجات تاپار.
مِنینگ آدیم سِبَپلی هِمّهلِر سیزدِن ییگرِنِرلِر، اِمّا آخیرنا چِنلی جیدان نِجات تاپار.
یامان ایشلِرینگ آرتانلیغی سِبَپلی، کَن آداملارینگ سُیگوسی سُوار.
سیز اوروش توراندیغی و اوزاقداقی اوروشلار بارادا خابارلاری اِشیدِنینگیزده قُرقمانگ. بولار بُلمالیدیر، یُنه هِنیز دونیَهنینگ آخیری دَلدیر.
جیداپ دورونگ، شُندا جانینگیزی نِجات بِرِرسینگیز.
قاوی یِره سِپیلِنلِر بُلسا، سُزی اِشیدیپ، اُنی یاخشی هِم پَک یورِکده ساقلایانلاردیر. اُلار صابیرلیلیق بیلِن میوه بِریَندیرلِر.
خودایدان بِییکلیک، حُرمات و اُلمِزلیگی آغتاریپ، هِمیشه یاخشیلیق اِدیَنلِره اُل اِبِدی یاشایشی بِرِر.
تانگریمیز عیسی مسیحینگ گِلجِک گونونده عایپسیز بُلماغینگیز اوچین، اُنونگ اُزی سیزی آخیرا چِنلی قاییم ساقلار.
بیز ایماندان دَنیپ، هِلَک بُلیان دَل-ده، ایمانیمیزا وِفالی بُلوپ، نِجات تاپیان آداملارداندیریس.
بیز اُزال-باشداقی اینامیمیزی آخیرنا چِنلی قاییم ساقلاساق، مسیحده شِریک بُلدوغیمیزدیر.
اِمّا عیسی مسیح خودایینگ اُیونه اُغول حُکمونده اِمیندیر. اِگِر قایراتیمیزی و قووانیان اومیدیمیزی ساقلاماغی باشارساق، بیز خودایینگ اُیودیریس.
گُرجِک قینچیلیقلارینگدان قُرقما! اینه، ایمتِحان اوچین، شِیطان سیزینگ کَبیرلِرینگیزی زیندان اِتدیرِر و سیز اُن گونلَپ عاذاپ چِکِرسینگیز. اُلوم خاطاری اوستونگه قُرقی سالسا-دا، وِفادار قال، مِن سانگا یاشاییش تاجینی بِرِرین.