مَتّیٰ 23:15 - مُقادِّس کیتاب

¹⁵ ‏«‏وای حالینگیزا، اِی ایکی‌یوزلی دین عُلَمالار و فَریسی‌لِر!‏ سیز یِکِجه آدامی اُز دینینگیزه سالجاق بُلوپ، دِریالارا، دوزلِره آیلانیارسینگیز.‏ دینینگیزه سالانینگیزدان سُنگ بُلسا، اُنی اُزونگیزدِن هِم ایکی بِرابار کَن دُوزاخینگ جِزاسینا سِزاوار اِدیَرسینگیز.‏

مَتّیٰ 23:15 ပူးပေါင်းရင်းမြစ်များ

مَتّیٰ 23:13

‏«‏وای حالینگیزا، اِی ایکی‌یوزلی دین عُلَمالار و فَریسی‌لِر!‏ سیز آسمانینگ پادیشاهلیغینا گیرمَگه آداملارینگ اُوونی باغلایارسینگیز، اُنگا نه اُزونگیز گیریَرسینگیز، نه-ده گیرجِکلِره یُل بِریَرسینگیز.‏ ‏[‏

مَتّیٰ 3:7

یحیی فَریسی‌لِرینگ و صادّوقی‌لارینگ اِنچِمه‌سینینگ تَعمید بِریلمِک اوچین اُز یانینا گِلیَندیکلِرینی گُرِنده، اُلارا شِیله دییدی:‏ ‏«‏اِی ییلانینگ نِسلی!‏ گِلجِک غاضابدان قاچماغی سیزه کیم بیلدیردی؟

مَتّیٰ 5:22

اِمّا مِن سیزه شونی آیدایین:‏ اُز دُغانینا قاهارلانان آدام هِم حُکومه سِزاوار بُلار.‏ کیم اُز دُغانینا ‏”‏سامسیق“‏ دییسه، اولی حُکومینه سِزاوار بُلار.‏ حتّیٰ هیچ کیم ‏”‏آحماق“‏ هِم دییمِسین، یُغسام دُوزاخینگ اُدونا سِزاوار بُلار.‏

مَتّیٰ 5:29

ساغ گُزونگ سِنینگ گونَه اِتمِگینگه سِبَپ بُلسا، اُنی سُغروپ چیقار.‏ بیر بُلِک بِدِنینگ یُق بُلماغی هِمّه بِدِنینگ دُوزاخا زینگیلماغیندان قاوودیر.‏

یوحنا 8:44

سیزینگ آتانگیز شِیطاندیر، سیز آتانگیزینگ ایسلِگینی بِرجای اِتمِک ایسلِیَرسینگیز.‏ اُل اَوَّلدِن قاتلدی، هیچ واقت حاقیقاتینگ طارافداری بُلماندی، سِبَبی اُندا حاقیقات یُق.‏ اُل یالان آیداندا، اُز ذاتیندان آیدیار، چونکی اُل یالانچی، یالانینگ آتاسیدیر.‏

رِسول‍لار 13:10

‏«‏اِی شِیطان اُغلی!‏ سِن هِمّه دُغرولیغینگ دوشمانیسینگ.‏ سِنینگ یورِگینگ هِر هیلی حیله‌دِن و یالانچیلیقدان دُلی.‏ خودایینگ حاق یُلونی اویتگِتمِگینگی هاچان بِس اِتجِک؟

رِسول‍لار 13:43

کِنیسه‌دَکی خالق گیدِندِن سُنگ، یَهودیلِرینگ و یَهودی دینینی قابول اِدِنلِرینگ کَنسی پولس بیلِن بارنابانینگ ایزینا دوشدولِر.‏ پولس بیلِن بارنابا اُلارا هِمیشه خودایینگ مِرحِمِتی بیلِن یاشاماقلارینی ناصیحات اِتدیلِر.‏

رِسول‍لار 14:19

اِمّا انطاکیه‌دِن و قونیه‌دِن گِلِن یَهودیلِر خالقی آزدیریپ، پولسی داشلادیلار و اُلِندیر دییّپ گومَن اِدیپ، اُنی شَهردِن سویرَپ چیقاردیلار.‏

رِسول‍لار 14:2

اِمّا ایمان گِتیرمِدیک یَهودیلِر باشغا میلِّتلِری بو ایکی رِسولینگ اوستونه آزدیریپ، ایماندارلارا قارشی اُلارینگ فیکرینی زَهِرلِدیلِر.‏

رِسول‍لار 17:13

اِمّا تِسالونیکیدَکی یَهودیلِر پولسینگ بیریه‌ده خودایینگ سُزونی واغیظ اِدِندیگینی بیلِنلِرینده، اُل یِره هِم گیتدیلِر.‏ اُلار خالقی کوشگوریپ، قالماغال توروزدیلار.‏

رِسول‍لار 2:10

فریجیه‌دِن، پامفیلیه‌دِن، مصردِن، قیرِوانینگ قُلایینداقی لیبی‌دِن گِلِنلِر هِم بار.‏ شِیله-ده رومدان گِلِن یَهودیلِر و یَهودی دینینی قابول اِدِنلِر بار.‏

رِسول‍لار 6:5

بو فیکر هِمّه‌سینینگ گُونوندِن توردی.‏ سُنگرا اُلار ایمانی گویچلی و مُقادِّس روحدان دُلی بُلان اِستیفانی سایلادیلار.‏ شِیله-ده فیلیپُسی، پروخُروسی، نیکانوری، تیمونی، پارمیناسی و انطاکیه‌لی نیکولاسی سایلادیلار.‏ نیکولاس اُنگ یَهودی دینینی قابول اِدِندی، ایندی عیسی ایناندی.‏

غَلاطیه‌لِر 4:17

کَبیر دُغان یالیلار بِد نییِتلِرینینگ ایزینا دوشوپ، سیزی بیزدِن آیریپ، اُز طارافلارینا چِکمَگه چالیشیارلار.‏ اُلار یِکه اُزلِری باباتدا ایخلاصلی بُلماغینگیزی ایسلِیَرلِر.‏

غَلاطیه‌لِر 6:12

تِنده یاخشی گُرنِسی گِلیَنلِر سیزی سونِّتلِنمَگه مِجبور اِدیَرلِر.‏ اُلار مسیحینگ صلیبی سِبَپلی آزارلانماقدان قُرقوپ شِیله اِدیَرلِر.‏

اِفِسُسلار 2:3

بیر واقتلار بیزینگ هِمَّه‌میز شُلار یالی یاشاماغی عادات اِدیندیک.‏ بیز اینسان طِبیغاتینینگ هُوِسلِرینه، ایسلِگلِرینه و فیکرلِرینینگ ایزینا دوشدیک.‏ شِیلِلیکده، بیز-ده بِیلِکیلِر یالی، اینسان طِبیغاتیمیزا گُرَه، خودایینگ غاضابینا دوچار بُلان آداملاردیق.‏