24 سُنگرا عیسی شَگیرتلِرینه یوزلِنیپ: «کیم مِنینگ ایزیما دوشمِک ایسلِیَن بُلسا، اُزونی اینکَر اِتسین-ده، صلیبینی آلیپ، ایزیما دوشسون.
اُز صلیبینی آلیپ، مِنینگ ایزیما دوشمِدیک هِم مانگا میناسیپ دَلدیر.
یُلدا باریارقالار، شمعون آدلی قیرِوانلی بیر آداما ساتاشدیلار. اُلار بو آدامی عیسانینگ صلیبینی گُتِرمَگه مِجبور اِتدیلِر.
عیسی اُنگا سُیگودِن دُلی مَهیر بیلِن سِراِدیپ: «سِنینگ یِنه بیر کِمینگ بار. گیت-ده، نَمَنگ بار بُلسا ساتیپ، قاریپلارا پایلا، شُندا آسماندا خازینانگ بُلار. سُنگرا گِل-ده، مِنینگ ایزیما دوش» دییدی.
شُل واقت قیرِوانلی شمعون دییِن بیر آدام اِکینچیلیگیندِن گِلیَردی. اُل اسکندر بیلِن روفوسینگ آتاسیدی. سِربازلار اُنی توتوپ، عیسانینگ صلیبینی گُتِرمَگه مِجبور اِتدیلِر.
عیسی شَگیرتلِری بیلِن بیرلیکده جِماغاتی-دا یانینا چاغیریپ، اُلارا شِیله دییدی: «کیم مِنینگ ایزیما دوشمِک ایسلِیَن بُلسا، اُزونی اینکَر اِتسین-ده، صلیبینی آلیپ ایزیما دوشسون.
کیم اُز صلیبینی گُتِریپ، مِنینگ ایزیما دوشمِسه، مِنینگ شَگیردیم بُلوپ بیلمِز.
سِربازلار عیسانی آلیپ باریارقالار، اِکینچیلیگیندِن گِلیَن قیرِوانلی شمعونی توتوپ، آرقاسینا صلیبی یوکلِدیلِر و عیسانینگ ایزیندان یُریمَگه مِجبور اِتدیلِر.
سِربازلار عیسانی آلیپ گیتدیلِر. عیسی صلیبینی اُزی گُتِریپ، کِلّهچاناق دییّلیَن یِره گِلدی. بو یِرینگ عِبرانیچا آدی جُلجُتادی.
عیسی بولاری پِطرُسینگ نَهیلی اُلوم بیلِن اُلوپ، خودایی بِییکلِندیرجِکدیگینی بیلدیرمِک اوچین آیتدی. مونی آیداندان سُنگرا اُنگا: «مِنینگ ایزیما دوش» دییدی.
عیسی اُنگا: «سِنینگ نَمه ایشینگ بار اُزوم دُلانیپ گِلیَنچَم، اُنونگ دیری قالماغینی ایسلِیَن بُلسام؟ سِن مِنینگ ایزیما دوش» دییّپ جُغاپ بِردی.
اُلار شَگیرتلِری قوواتلاندیردیلار و اُلارا ایماندا قاییم دورماغی ناصیحاتلاپ: «خودایینگ پادیشاهلیغینا گیرمِگیمیز اوچین، بیزینگ کَن قینچیلیقلاری باشدان گِچیرمِگیمیز گِرِک» دییَّردیلِر.
مِن سیزینگ اوغرونگیزدا گُریَن قینچیلیقلاریما بِگِنیَرین. بو قینچیلیقلاریم مسیحینگ بِدِنینینگ، یَعنی کِلیسانینگ قینچیلیقلارینینگ اوستونی یِتیریَر.
قینچیلیقلار سِبَبی سیزینگ هیچ بیرینگیز ایماندا قاوشاماسین دییّپ اِتدیک. یُنه اُزونگیز بیلیَنسینگیز، بو قینچیلیقلار مسیحه ایمان گِتیرِنلِرینگ باشیندا باردیر.
کُپلِنچ، عیسی مسیحده لاییق بُلوپ و خودایینگ اِراداسیندا یاشاماق ایسلِیَنلِرینگ باری آزارلانمالارا سِزاوار بُلار.
اینه، سیز شونونگ اوچین هِم چاغیریلدینگیز، سِبَبی مسیح سیزینگ اوچین عاذاپ چِکدی. اُز قاداملارینینگ ایزینا دوشمِگینگیز اوچین، اُل سیزه نِمونه بُلدی.