مَتّیٰ 12:32 - مُقادِّس کیتاب

³² اینسان اُغلونا قارشی آیدیلان سُز باغیشلانار، اِمّا مُقادِّس روحا قارشی آیدیلان سُز باغیشلانماز.‏ اُل شو زاماندا-دا، گِلجِکده-ده باغیشلانماز.‏

مَتّیٰ 12:32 ပူးပေါင်းရင်းမြစ်များ

مَتّیٰ 11:19

اینسان اُغلی گِلدی، اُل هِم اییَّر، هِم ایچیَر، اُلار اُنگا:‏ ‏”‏اینه، بو اییِگِنه و عاراقخُرا سِراِدینگ!‏ اُل مالییات آلیانچیلار و گونَه‌کَرلِر بیلِن دُست بُلدی“‏ دییَّرلِر.‏ اِمّا حِکمِتینگ حاقدیغی اُز عِمِل‍لِری بیلِن تاصدیقلانار.‏»‏

مَتّیٰ 12:31

شُنونگ اوچین سیزه شونی دییَّرین:‏ اینسانلارینگ هِر بیر گونَه‌سی، هِر بیر زادا دیل یِتیرمِسی باغیشلانار، اِمّا مُقادِّس روحا دیل یِتیرمِکلیک باغیشلانماز.‏

مَتّیٰ 12:8

چونکی اینسان اُغلی حتّیٰ سَبَّت گونونینگ-ده حُکومداریدیر.‏»‏

مَتّیٰ 13:22

تیکِنلیگینگ آراسینا دوشِن تُخوم بُلسا بودور:‏ اُل سُزی اِشیدیَر، یُنه دونیَه‌نینگ قایغیلاری، بایلیغینگ هُوِسی اُنی بُغیار و سُز حاصیلسیز بُلیار.‏

مَتّیٰ 13:39

بیدِرِک اُتلاری اِکِن دوشمان شِیطاندیر.‏ اُراق واقتی دونیَه‌نینگ آخیریدیر، اُراقچیلار بُلسا پِریشده‌لِردیر.‏

مَتّیٰ 13:40

شِیلِلیک بیلِن، بیدِرِک اُتلار نَهیلی ییغیلیپ، اُددا یاقیلیان بُلسا، دونیَه‌نینگ آخیریندا هِم شِیله بُلار.‏

مَتّیٰ 13:55

اُل نِجّارینگ اُغلی دَلمی؟ اِنه‌سینینگ آدی هِم مریم دَلمی؟ یعقوب، یوسف، یهودا و شمعون اُنونگ دُغانلاری آخیرین!‏

مَتّیٰ 8:20

عیسی اُنگا:‏ ‏«‏تیلکیلِرینگ جایی، قوشلارینگ کِتِکلِری باردیر، اِمّا اینسان اُغلونینگ باشینی قُیماغا-دا یِری یُقدور»‏ دییّپ جُغاپ بِردی.‏

مَرقُس 10:30

ایندی حَضیرکی واقتدا چِکجِک عاذاپلاری بیلِن بیرلیکده، ایزینا یوز بارابار اِدیپ اُیلِر، دُغانلار، آیال دُغانلار، اِنه-آتالار، فِرزِنتلِر و مال مولکلِر آلماجاق آدام یُقدور.‏ گِلجِکده اُلار اِبِدی یاشایشا قاوشارلار.‏

مَرقُس 3:28

سیزه دُغروسینی آیدیارین:‏ اینسانلارینگ هِمّه گونَه‌لِری، هِر بیر زادا دیل یِتیرمِلِری باغیشلانار.‏

مَرقُس 3:29

اِمّا مُقادِّس روحا دیل یِتیرِنه آصلا باغیشلانما یُقدور.‏ بو اِبِدیلیک گونَه بُلوپ، اُنونگ بُینوندان آسیلار.‏»‏

لوقا 12:10

کیم اینسان اُغلونا قارشی بیر سُز آیتسا، باغیشلانار، اِمّا مُقادِّس روحا دیل یِتیرِن باغیشلانماز.‏

لوقا 16:8

‏«‏آقاسی بو حیله‌گَر ایش دُلاندیریجینی یُلونی تاپاندیغی اوچین اُودی.‏ بو زامانینگ آداملاری اُز نِسلینه قارشی حِرِکِت اِتمِکده نورداقی اینسانلاردان فَهیملیدیر.‏

لوقا 23:34

عیسی:‏ ‏«‏آتام!‏ اُلاری باغیشلا، سِبَبی اُلار نَمه اِدیَنلِرینی بیلِنُقلار»‏ دییدی.‏ سِربازلار قُرعه آتیشیپ، اُنونگ لِباسلارینی پایلاشیاردیلار.‏

لوقا 7:34

اینسان اُغلی گِلدی، اُل هِم اییَّر، هِم ایچیَر، سیز اُنگا:‏ ‏”‏اینه، بو اییِگِنه و عاراقخُرا سِراِدینگ!‏ اُل مالییات آلیانچیلار و گونَه‌کَرلِر بیلِن دُست بُلدی“‏ دییَّرسینگیز.‏

یوحنا 7:12

جِماغاتینگ آراسیندا اُل حاقدا کَن گورّونگ اِدیلدی.‏ کَبیرلِری ‏«‏اُل قاوی آدام»‏ دییسه، باشغالاری ‏«‏اُل خالقی آزدیریار»‏ دییَّردیلِر.‏

یوحنا 7:39

اُل مونی اُزونه ایمان گِتیرِنلِرینگ آلجاق مُقادِّس روحی بارادا آیدیاردی.‏ اُلارا هِنیز مُقادِّس روح اینمَندی، سِبَبی عیسی هِنیز بِییکلِنمَپدی.‏

یوحنا 7:52

اُلار:‏ ‏«‏سِن هِم جلیل‌لیمی؟ مُقادِّس یازغیلارا سِر اِت، جلیل‌دِن هیچ واقت پیغامبار چیقماجاغینی گُرِرسینگ»‏ دییدیلِر.‏ ‏[‏

رِسول‍لار 3:19

ایندی گونَه‌لِرینگیزینگ باغیشلانماغی اوچین توبا اِدینگ و خودایا طاراف اُورولینگ.‏ شُندا خودای سیزه راحاتلیق واقتینی حوضوریندا بِرِر.‏

اِفِسُسلار 1:21

خودای مسیحی هِمّه حُکومدارلیقدان، ایختییارلیقدان، گویچ-قودراتدان و آقالیقدان، شِیله هِم دینگه بو زاماندا دَل، اُندان باشغا گِلجِک زاماندا-دا توتولجاق هِر بیر آددان خاص یُقاری قُیدی.‏

۱ تیموتاوس 1:13

مِن اُزال‍لار عیسی مسیحه دیل یِتیریپ، آزار بِریپ، ظالیملیق بارینی اِدیپدیم.‏ یُنه مِن بولارینگ بارینی بیلمِزلیکدِن و ایمانسیزلیقدان اِدِنیم اوچین، مانگا رِحم اِدیلدی.‏

۱ تیموتاوس 1:15

شُنگا گُرَه-ده:‏ ‏«‏عیسی مسیح گونَه‌کَرلِری نِجات بِرمَگه دونیَه‌میزَه گِلدی»‏ دییِن سُزلِر دُغری و هِر طارافدان قابول اِدِرلیکدیر.‏ شُل گونَه‌کَرلِرینگ اینگ گونَه‌کَری-ده مِندیرین.‏

۱ تیموتاوس 4:8

بِدِنی تِربیِت اِتدیرمِگینگ پِیدالی طارافی باردیر.‏ یُنه اُزونگی خودایینگ یُلوندا تِربیِت اِتدیرمِک هِمّه طارافلایین پِیدالیدیر.‏ سِبَبی موندا حَضیرکی و گِلجِکّی یاشایشینگ واعداسی باردیر.‏

۱ تیموتاوس 6:17

بو زامانینگ بایلارینا مَغرور بُلمازلیغی تابشیر.‏ قُی، اُلار اینامسیز و قیسغا بایلیغا دَل-ده، لِذِّت آلماغیمیز اوچین هِر زادی بُل یِتیریَن خودایا بیل باغلاسینلار.‏

۲ تیموتاوس 4:10

سِبَبی دیماس بو دونیَه‌نینگ عشقی اوچین، مِنی تِرک اِدیپ، تِسالونیکیَه گیتدی.‏ کریسکیس غَلاطیه و تیتوس هِم دِلماتیَه گیتدی.‏

تیتوس 2:12

بو مِرحِمِت بیزه خودایسیزلیغی و دونیِوی هُوِسلِری رِد اِتمِگی اُورِدیَر، بو زاماندا اُز نِفسینی ساقلاماغی، تاقوالیغی، خودایینگ یُلونینگ ایزینا دوشمِگی ناصیحاتلایار.‏

یعقوب 1:27

آتامیز خودایینگ ناظاریندا پَک هِم عاییبسیز دیندارلیق یِتیملِرینگ و دول آیال‍لارینگ قین گونونده خابارینی آلماقدان عیباراتدیر و شِیله هِم بو دونیَه‌نینگ یامانلیغیندان اُزونگی داش ساقلاماقدیر.‏