19 یُنه اُلار سیزی اِلتیپ تابشیرانلاریندا، سیز نَدیپ و نَمه سُزلِجِکدیگینگیزی قایغی اِتمَنگ. سیزه نَمه آیتمالیدیغینگیز شُل واقتینگ اُزونده بِرلِر.
مِن سِبَپلی سیزی حُکومدارلارینگ، پادیشاهلارینگ حوضورینا اِلتِرلِر، سیز بُلسا اُلارینگ و بیگانه میلِّتلِرینگ اُوونده شاهاتلیق اِدِرسینگیز.
«شُنگا گُرَه سیزه دییَّرین: نَمه اییّپ-ایچِرین دییّپ جانینگیزی، نَمه گِیِرین دییّپ بِدِنینگیزی قایغی اِتمَنگ. جان اییمیتدِن، بِدِن لِباسدان خاص باهالی دَلمیدیر؟
«شُنونگ اوچین نَمه اییّپ-ایچِریس، نَمه گِیِریس دییّپ قایغی اِتمَنگ.
شُنونگ اوچین اِرتیری قایغی اِتمَنگ، اِرتیر اُز قایغیسینی اُزی اِدِر. هِر گونونگ دِردی-آزاری اُزونه بُلارلیدیر.»
«سیزی کِنیسهلِره، یُلباشچیلارینگ، حُکومدارلارینگ حوضورینا گِتیرِنلِرینده، اُزونگیزی نَهیلی قُریجاقدیغینگیزی و نَمه دییجِکدیگینگیزی قایغی اِتمَنگ.
مُقادِّس روح سیزه نَمه دییمِلیدیگینگیزی شُل واقتینگ اُزونده اُورِدِر.»
مُقادِّس روح اِستیفانا کَن حِکمِت بِردی، شُنونگ اوچین اُلار اِستیفانینگ آیدانلارینا قارشی دوروپ بیلمِدیلِر.
هیچ زادی قایغی اِتمَنگ. هِر زاتدا، خودایا شوکور اِدیپ، هِر بیر یاغدایداقی مَحتَجلیکلِرینگیزی اُنگا دُغالاردا آیدینگ.
یُنه خودای مِنی یِکه قُیمادی. خوش خابارینگ مِنینگ اوستوم بیلِن کَمیل واغیظ اِدیلیپ، هِمّه میلِّتلِرینگ هِم اُنی اِشیتمِگی اوچین، اُل مانگا گویچ-قووات بِردی. شِیلِلیکده خودای مِنی اُلومینگ پِنجِسیندِن آزاد اِتدی.
اِگِر هِر کیم حِکمِت ایسلِیَن بُلسا، قُی، اُل خودایدان دیلِسین. هِمّهلِره مینِّتسیز و ساخیلیق بیلِن بِریَن خودای اُنگا هِم بِرِر.