28 اُل عیسانی گُرِنده، قیغیریپ گُیبِردی. اُنونگ اُوونده یِره یوزین ییقیلیپ، قاتی سِس بیلِن: «اِی عیسی، بِییک خودایینگ اُغلی! مِنینگ بیلِن نَمه ایشینگ بار؟ یالباریارین، مانگا عاذاپ بِرمه» دییدی.
بیردِن اُلار: «اِی خودایینگ اُغلی عیسی، سِنینگ بیزینگ بیلِن نَمه ایشینگ بار؟ بیزی واقتیندان اُنگ عاذاپ بِرمَگه گِلدینگمی؟» دییّپ قیغیریشیپ باشلادیلار.
عیسی کِناردا قاییقدان دوشِنده، اُنگا جینلار اِیِلَن بیر آدام دوش گِلدی. اُل آدام کَن واقت بَری هیچ هیلی لِباس گِیمِیَردی، اُیده یاشامان، قابرلارینگ آراسیندا یاشایاردی.
چونکی عیسی آرخو-جینا اُل آدامدان چیقماغی دِستور بِردی. جین اُنی باسیم-باسیمدان توتیاردی. مونونگ اوچین اُل آدامی زینجیرلاپ، کوندِلَپ ساقلایاردیلار، اِمّا اُل زینجیرلارینی قیریپ آتاردی، جین اُنی بیابانلارا اَکیدِردی.
سِن خودایینگ یِکِدیگینه اینانیارسینگ. قاوی اِدیَرسینگ! مونگا حتّیٰ آرخو-جینلار هِم اینانیارلار و تیترِیَرلِر.
خودای حتّیٰ گونَه ایش اِدِن پِریشدهلِره-ده رِحم اِتمِدی. قیامات گونونگ مَحکِمهسینه چِنلی ساقلانسینلار دییّپ، اُلاری زینجیرلاپ، دُوزاخینگ توم قارانگقی گِردابینا باغلاپ قُیدی.
گونَه اِدیَن آدام شِیطانا دِگیشلیدیر، سِبَبی شِیطان باشلانان زاماندان بَری گونَه اِدیپ گِلیَندیر. اِمّا خودایینگ اُغلی شِیطانینگ ایشلِرینی باطیل اِتمِک اوچین گِلدی.
اُلاری آلدان شِیطان بُلسا یانیپ دوران کوکورت و اُدلی دِریاچا زینگیلدی، و جاناوار بیلِن یالان نِبی هِم شُل یِردِدیر. اُلار گیجه-گوندیز اِبِدیلیک عاذاپ چِکِرلِر.