لوقا 3:11 - مُقادِّس کیتاب

¹¹ اُل:‏ ‏«‏ایکی کُینِکلی بیرینی کُینِکسیزه بِرسین.‏ اییمیتی بُلان هِم شُنونگ یالی اِتسین»‏ دییّپ جُغاپ بِردی.‏

لوقا 3:11 ပူးပေါင်းရင်းမြစ်များ

مَتّیٰ 25:40

پادیشاه اُلارا:‏ ‏”‏سیزه دُغروسینی آیدیارین، مِنینگ بو اینگ کیچی حاساپلانیان دُغانلاریمدان بیرینه اِدِنینگیزی مانگا اِدِنسینگیز“‏ دییّپ جُغاپ بِردی.‏

لوقا 11:41

مَحتَجلِره یورِکدِن صاداقا بِرینگ، شُندا هِمّه‌سی سیزینگ اوچین آراسّا بُلار.‏

لوقا 18:22

عیسی مونی اِشیدِنده، اُنگا:‏ ‏«‏سِنینگ یِنه بیر کِمینگ بار.‏ نَمَنگ بار بُلسا ساتیپ، قاریپلارا پایلا، شُندا آسماندا خازینانگ بُلار.‏ سُنگرا گِل-ده، مِنینگ ایزیما دوش»‏ دییدی.‏

لوقا 19:8

زَکّیٰ بُلسا یِریندِن توروپ، عیسی مسیحه:‏ ‏«‏اِی آقام!‏ ایندی مِن بایلیغیمینگ یاریسینی قاریپلارا بِرجِک.‏ کیمینگ زادینی ناحاق آلان بُلسام، دُرت بِرابار اِدیپ قایتاریپ بِرجِکدیرین»‏ دییدی.‏

یوحنا 13:29

پول تُربا یهودادا بُلانسُنگ، کَبیرلِری عیسی اُنگا:‏ ‏«‏بایرام اوچین بیزه گِرِک زاتلاری ساتین آل»‏ یا-دا ‏«‏قاریپلارا بیرآز پول پایلا»‏ دییَّندیر دییّپ دوشوندیلِر.‏

رِسول‍لار 10:2

کُرنیلیوس دیندار آدام بُلوپ، اُزی هِم، اُی-ایچِرسی هِم خودایا عیبادات اِدیَردی.‏ اُل خالقینگ آراسینداقی مَحتَجلِره کَن کُمِک اِدیپ، اِلمیداما خودایا دُغا اِدِردی.‏

رِسول‍لار 10:31

‏”‏سِنینگ خودایا اِدِن دُغالارینگ، قاریپلارا پایلان صاداقالارینگ اُنونگ ناظاریندا قابول بُلدی.‏

رِسول‍لار 10:4

کُرنیلیوس قُرقی ایچینده گُزلِرینی اُنگا تیکیپ:‏ ‏«‏قولاق آسیان!‏»‏ دییدی.‏ پِریشده اُنگا:‏ ‏«‏سِنینگ خودایا اِدِن دُغالارینگ، قاریپلارا پایلان صاداقالارینگ اُنونگ حوضوریندا قابول بُلدی.‏

اِفِسُسلار 4:28

اُغورلیق اِدِن ایندی اُغورلیق اِتمِسین!‏ قایتام، اُز اِل‍لِری بیلِن زَحمِت چِکیپ، مَحتَجه پایلاماغا زادی بُلار یالی، پِیدالی ایش اِتسین.‏

۱ تیموتاوس 6:17

بو زامانینگ بایلارینا مَغرور بُلمازلیغی تابشیر.‏ قُی، اُلار اینامسیز و قیسغا بایلیغا دَل-ده، لِذِّت آلماغیمیز اوچین هِر زادی بُل یِتیریَن خودایا بیل باغلاسینلار.‏

۱ تیموتاوس 6:18

اُلارا یاخشیلیق اِتمِگی، یاخشی ایشلِر، ساخیلیق و اِلی آچیقلیق خازیناسینی ییغناماغی تابشیر.‏

عِبرانیلار 6:10

خودای عادالاتلیدیر، چونکی اُل سیزینگ بیتیرِن ایشینگیزی، اُنونگ خالقینا اِدِن و اِدیَن خیدماتینگیز بیلِن اُزونه بُلان سُیگینگیزی یاددان چیقارماز.‏

یعقوب 1:27

آتامیز خودایینگ ناظاریندا پَک هِم عاییبسیز دیندارلیق یِتیملِرینگ و دول آیال‍لارینگ قین گونونده خابارینی آلماقدان عیباراتدیر و شِیله هِم بو دونیَه‌نینگ یامانلیغیندان اُزونگی داش ساقلاماقدیر.‏

یعقوب 2:14

اِی عزیزلِر!‏ آرانگیزدان بیری ‏«‏ایمانیم بار»‏ دییّپ هِم، اُنی یاخشی عِمِلی بیلِن گُرکِزمِسه، مونونگ نَمه پِیداسی بار؟ بِیله ایمان اُنی نِجات بِریپ بیلِرمی؟

۱ یوحنا 3:17

دونیَه مالینا بای بُلوپ، دُغانینی مَحتَجلیکده گُرِنده، اُنگا یورِگی آویمییان آدامدا، اُندا، خودایینگ سُیگوسی بُلوپ بیلِرمی؟

۱ یوحنا 4:20

کیم ‏«‏خودایی سُییَرین»‏ دییّپ هِم، اُز دُغانینی ییگرِنیَن بُلسا، اُل یالانچیدیر.‏ اُزونینگ گُروپ دوران دُغانینی سُیمِیَن آدام گُرمِدیک خودایینی سُیوپ بیلمِز آخیری.‏