لوقا 2:14 - مُقادِّس کیتاب

¹⁴ ‏«‏آسمانلار آسمانیندا خودایا حُرمات بُلسون!‏ خودایدان مِرحِمِت تاپان یِردَکی اینسانلارا پاراحاتلیق بُلسون!‏»‏ دییَّردیلِر.‏

لوقا 2:14 ပူးပေါင်းရင်းမြစ်များ

مَتّیٰ 21:9

اُنونگ اُووندِن هِم ایزیندان گِلیَن جِماغات:‏ ‏«‏داوود اُغلونا اُوگولِر بُلسون!‏ خودایینگ آدیندان گِلیَنه موبارِک بُلسون، آسمانلاردا اُوگولِر بُلسون!‏»‏ دییّپ قیغیریشیاردیلار.‏

لوقا 1:79

قارانگقیلیقدا و اُلوم کُلِگه‌سینده اُتورانلارا نور سِچیلِر، آیاقلاریمیز پاراحاتلیق یُلونا اوغراتدیریلار.‏»‏

لوقا 19:38

اُلار:‏ ‏«‏خودایینگ آدیندان گِلیَن پادیشاها موبارِک بُلسون!‏ آسماندا پاراحاتلیق، اینگ یُقاردا بِییکلیک بُلسون!‏»‏ دییَّردیلِر.‏

لوقا 2:13

بیردِن پِریشده بیلِن بیرلیکده آسمانینگ سانسیز قُشونی گُروندی.‏ اُلار خودایی اُووپ بِییکلِندیردیلِر:‏

لوقا 2:15

پِریشده‌لِر چُپانلارینگ یانیندان آیریلیپ، آسمانا گُتِریلِنلِرینده، چُپانلار بیری-بیرلِرینه:‏ ‏«‏یُرینگ، بِیت‌لِحِمه گیدِلینگ.‏ خودایینگ بیزه آیان اِدِن بو واقاسینی گُرِلینگ»‏ دییّشدیلِر.‏

لوقا 3:22

مُقادِّس روح کِپدِره مِنگزِش اُنونگ اوستونه ایندی.‏ آسماندان:‏ ‏«‏سِن مِنینگ عزیز اُغلومسینگ.‏ مِن سِندِن کَن راضیدیرین»‏ دییِن سِس گِلدی.‏

یوحنا 14:27

مِن سیزه پاراحاتلیق قُیوپ باریارین، اُز پاراحاتلیغیمی سیزه بِریَرین.‏ مِن مونی دونیَه‌نینگ بِرشی یالی بِرمِیَرین.‏ یورِگینگیز غوصّا باتماسین، قُرقمانگ.‏

یوحنا 17:4

اُزومه تابشیران ایشینگی کِمالا یِتیرمِک بیلِن مِن سِنی یِر یوزونده بِییکلِندیردیم.‏

یوحنا 3:16

‏«‏خودای دونیَه‌دَکیلِری قاتی کَن سُیِندیگی اوچین اُزونینگ یِکِجه اُغلونی بِردی.‏ اُل مونی اُغلونا ایمان گِتیرِنلِرینگ هیچ بیری هِلَک بُلمان، اِبِدی یاشایشا قاووشماغی اوچین اِتدی.‏

رِسول‍لار 10:36

خودای اسرائیل خالقینا ایبِرِن بو پاراحاتلیق خوش خابارینی هِمّه‌لِرینگ خودایی بُلان عیسی مسیحینگ اوستو بیلِن اِعلان اِتدی.‏

رومیلار 5:1

شِیلِلیکده، بیز ایمانیمیز بیلِن آقلانیپ، تانگریمیز عیسی مسیحینگ اوستو بیلِن خودای بیلِن یاراشدیق.‏

اِفِسُسلار 1:6

عزیز اُغلونینگ اوستو بیلِن بیزه بُلدان-بُل اِلی آچیق بِییک مِرحِمِتی اوچین خودایا اُوگولِر بُلسون!‏

اِفِسُسلار 1:9

خودای اُزال-باشدان مسیحده یِرینه یِتیرِن یاخشی نییِتلِرینینگ اوستو بیلِن اُز ایسلِگینینگ سیرینی بیزه اَشکَر اِتدی.‏

اِفِسُسلار 2:4

اِمّا گونَه‌لِریمیز سِبَپلی اُلی هِم بُلساق، رِحمدارلیغا بای خودای اُزونینگ اولی سُیگوسینی گُرکِزیپ، بیزی مسیح بیلِن بیلِلیکده دیرِلتدی.‏ سیز خودایینگ مِرحِمِتی بیلِن نِجات تاپدینگیز.‏

اِفِسُسلار 2:7

اُل مونی عیسی مسیحینگ اوستو بیلِن بیزه اِدِن مِرحِمِتینینگ و یاخشیلیغینینگ اِندازاسیز بایلیغینی گِلجِک زاماندا گُرکِزمِک اوچین اِتدی.‏

فیلیپیلِر 2:11

و آتا خودایینگ بِییکلیگی اوچین، هِر دیل عیسی مسیحینگ تانگریدیغینی ایقرار اِتسین.‏

فیلیپیلِر 2:13

چونکی خودای اُز ایسلِگینه گُرَه ایشلِری اِتمِک اوچین سیزه قووات بِریپ، سیزدَکی ایشینی عِمِل اِدیَر.‏

کولُسیلِر 1:20

مسیحینگ صلیبده دُکِن قانینینگ اوستو بیلِن پاراحاتچیلیغی بِرقارار اِدیپ، خودای یِردَکی و آسمانداقی هِمّه زادی اُزی بیلِن یاراشدیرماغی دُغری بیلدی.‏

۲ تِسالونیکیلِر 2:16

آتامیز خودای بیزی سُیوپ، اُز مِرحِمِتینینگ اوستو بیلِن بیزه اِبِدی گُوونلیک بیلِن یاخشی اومید بِردی.‏ قُی، تانگریمیز عیسی مسیحینگ اُزی و آتامیز خودای سیزه گُوونلیک بِرسین و هِر بیر یاخشی ایشده و سُزده سیزه گویچ بِرسین.‏

آیانلیق 5:13

اُنسُنگ آسمانداقی و یِر یوزوندَکی، یِر آشاغینداقی و دِریاداقی هِر بیر مَخلوقینگ و دونیَه‌دَکی بار زادینگ:‏ ‏«‏تاختدا اُتورانا و قوزا اِبِدی اُوگولِر بُلسون!‏ حُرمات، بِییکلیک و قودرات اُلارا اِبِدی بُلسون!‏»‏ دییَّنلِرینی اِشیتدیم.‏