لوقا 14:13 - مُقادِّس کیتاب

¹³ ضیافات قورانینگدا قاریپلاری، ماییپلاری، آغساقلاری و کُرلِری چاغیر.‏

لوقا 14:13 ပူးပေါင်းရင်းမြစ်များ

مَتّیٰ 15:30

اُنونگ یانینا بیر اولی جِماغات گِلدی، اُلارینگ آراسیندا آغساقلار، ماییپلار، کُرلِر، لال‍لار و یِنه-ده بیر تُپار مِریضلِر باردی.‏ اُلاری گِتیریپ، عیسانینگ آیاغینینگ اُوونده قُیدولار.‏ اُل هِم بولاری شِفا بِردی.‏

مَتّیٰ 22:10

خیدماتکَرلِر یُل‍لارا چیقیپ، یامان دییمَن، یاخشی دییمَن، تاپانلارینینگ بارینی اویشوریَرلِر، طُوی جایی میهمانلاردان دُلیار.‏

لوقا 11:41

مَحتَجلِره یورِکدِن صاداقا بِرینگ، شُندا هِمّه‌سی سیزینگ اوچین آراسّا بُلار.‏

لوقا 14:12

سُنگرا عیسی اُزونی چاغیرانا:‏ ‏«‏گونُرتانلیق یا-دا آغشاملیق ناهارینی بِرِنینگده، دُست-یارلارینگی، دُغان-قارینداشلارینگی، بای هِمسایانگی چاغیرما.‏ اِگِر چاغیرسانگ، اُلار هِم سِنی چاغیریپ، مونونگ عُوِضینی قایتارارلار.‏

لوقا 14:14

شُندا سِن بِرِکِت تاپارسینگ.‏ چونکی اُلار سانگا عُوِضینی قایتاریپ بیلمِزلِر، مونونگ عُوِضی سانگا دُغری آداملارینگ قیامات گونی بِرلِر»‏ دییدی.‏

لوقا 14:21

خیدماتکَر گِلیپ، بولاری اُز آقاسینا خابار بِریَر.‏ سُنگرا اُی اِیه‌سی قاهارلانیپ، خیدماتکَرینه:‏ ‏”‏دِرِّو شَهرینگ کوچه‌لِرینه، خییابانلارینا گیت-ده، قاریپلاری، ماییپلاری، کُرلِری، آغساقلاری شو یِره گِتیر“‏ دییَّر.‏

رِسول‍لار 9:39

پِطرُس توروپ، اُلار بیلِن گیتدی.‏ اُل اُیه گِلِنده، اُنی یُقاری مِرتِبه‌دَکی اُتاقا چیقاردیلار.‏ هِمّه دول آیال‍لار پِطرُسینگ یانینا ییغنانیپ، تابیتا دیریکَه اُزلِرینه تیکِن هِمّه دُنلاری و کُینِکلِرینی گُرکِزیپ آغلاشدیلار.‏

۱ تیموتاوس 3:2

شُنگا گُرَه-ده، کِلیسانینگ باشلیقچیسی عایپسیز، آیالینا بیوِفالیق اِتمِیَن آدام، هِر زاتدا اُزونه قایرات اِدیپ بیلیَن، فَهیملی، آبرایلی، میهمانسُیِر، اُورِتمَگه باشاریانجی،

۱ تیموتاوس 5:10

شِیله دول آیال ایل آراسیندا اُز یاخشی ایشلِری بیلِن تانیلمالی:‏ فِرزِنتلِرینی کِمالا گِتیرِن، میهمانسُیِر، ایمانداقی دُغانلارینا خیدمات اِدِن و قینچیلیق ایچیندَکیلِره یاردیم بِرِن و هِمیشه یاخشیلیق اِتمَگه تاییار بُلمالیدیر.‏

تیتوس 1:8

شِیله بُلسا میهمانسُیِر، یاخشیلیغی قاووریان، فَهیملی، عادالاتلی، تاقوالی و نِفسینه قاییم دوریان بُلمالیدیر.‏

فیلیمون 1:7

اِی دُغانیم، سِن خودایینگ خالقینی سُیوپ، اُنونگ گُونونی تَزه‌لِندیردینگ.‏ بو مانگا اولی شاتلیق و یورِگیمه تِسِلّی بِردی.‏

عِبرانیلار 13:2

میهمانسُیِر بُلونگ.‏ چونکی میهمانسُیِر آداملارینگ کَبیری پِریشده‌لِرینگ کیمدیگینی بیلمِزدِن اُلاری میهمان آلدیلار.‏