یهودا 1:20 - مُقادِّس کیتاب

²⁰ اِمّا، اِی عزیزلِر، سیز اُزونگیزی اولی مُقادِّس ایمانینگیزینگ اوستونه قُروپ و مُقادِّس روحدان دُغا اِدینگ.‏

یهودا 1:20 ပူးပေါင်းရင်းမြစ်များ

رِسول‍لار 15:9

خودای اُلارینگ ایمانینینگ اوستو بیلِن یورِکلِرینی پَکلِدی.‏ شِیدیپ، خودای بیزینگ بیلِن باشغا میلِّتلِرینگ آراسینداقی فارقی یُق اِتدی.‏

رِسول‍لار 26:18

شُندا اُلار قارانگقیلیقدان نورا، شِیطانینگ حُکومدارلیغیندان خودایا طاراف اُورولِرلِر.‏ مانگا ایمان گِتیرمِگینگ اوستو بیلِن اُلارینگ گونَه‌لِری باغیشلانیپ، اُلار خودایینگ مُقادِّس خالقی بیلِن بیله میراث آلارلار“‏ دییدی.‏

رِسول‍لار 6:7

شِیلِلیکده، خودایینگ خوش خاباری خاص-دا یایراپ و اورشلیمده شَگیرتلِرینگ سانی باردیقچا کَنِلیَردی و کَن کاهینلار-دا ایمان گِتیردیلِر.‏

رِسول‍لار 9:31

هِمّه یهودیه‌دَکی، جلیل‌دَکی و سامِره‌دَکی کِلیسالاردا پاراحاتلیق تاپیپ، ایماندارلار باردیقچا گویچلِنیَردی.‏ اُلار خودایدان قُرقوپ، مُقادِّس روحونگ گُوونلیگی بیلِن هِر گون کَنِلیَردی.‏

رومیلار 15:2

بیزینگ هِر بیریمیز اُز هِمسایاسینینگ ایمانینی گویچلِندیرجِک زاتلارینگ فیکرینی اِدیپ، اُنونگ ایسلِگینینگ ایزیندا بُلمالیدیریس.‏

رومیلار 8:15

خودای بیزه اُز روحونی بِردی، اُل مونی قایتادان قول بُلوپ، قُرقودا یاشاماغیمیز اوچین دَل، شِیله بُلسا اُنونگ فِرزِنتلِری بُلوپ، روحونگ اوستو بیلِن ‏«‏آبّا، آتا»‏ دییّپ چاغیرماغیمیز اوچین اِتدی.‏

۱ قُرِنتُس‌لار 1:8

تانگریمیز عیسی مسیحینگ گِلجِک گونونده عایپسیز بُلماغینگیز اوچین، اُنونگ اُزی سیزی آخیرا چِنلی قاییم ساقلار.‏

۱ قُرِنتُس‌لار 10:23

سیز:‏ ‏«‏ایسلِیَن زادیمی اِتمَگه حاقیم بار»‏ دییَّرسینگیز.‏ هاووا، یُنه هِر زات سیزینگ اوچین پِیدالی دَلدیر.‏ ‏«‏ایسلِیَن زادیمی اِتمَگه حاقیم بار»‏، یُنه هِمّه زات آبادلایان دَلدیر.‏

۱ قُرِنتُس‌لار 14:15

نَمه اِتمِلی؟ مِن روحوم بیلِن دُغا اِتسِم، مونی عاقیلیمدا-دا اِتجِک.‏ مِن روحوم بیلِن آیدیم آیتسام، مونی عاقیلیمدا-دا آیتجاق.‏

۱ قُرِنتُس‌لار 14:26

اِی عزیزلِر، موندان نَهیلی نِتیجه آلساق بُلار؟ سیز بیر یِره اویشِنینگیزده، هِر بیرینگیزده آیدیم، تَعلیم سُزی، آیانلیق، بِلّی دَل دیل‍لِرده گورلِمِک یا-دا اُنی مَعنیلِندیرمِک باردیر.‏ دِگمه، بولارینگ باری کِلیسانی قوواتلاماق اوچین بُلسون.‏

غَلاطیه‌لِر 4:6

سیز اُغولّیغا قابول اِدیلِنینگیز اوچین، خودای اُزونی ‏«‏آبّا!‏ آتام!‏»‏ دییّپ چاغیریان اُغلونینگ روحونی بیزینگ یورِکلِریمیزه ایبِردی.‏

اِفِسُسلار 4:12

اُلارینگ وِظیفه‌سی خودایینگ خالقینی اُنگا خیدمات اِتمَگه تاییارلاماقدان و مسیحینگ بِدِنی بُلان کِلیسانی گویچلی اِتمِکدِن عیباراتدیر.‏

اِفِسُسلار 4:16

اُنونگ یُلباشچیلیغی آشاغیندا هِمّه بِدِن هِر بُغونونگ کُمِگی بیلِن باغلانیپ، اُنگا بیریکدیریلیَر.‏ هِر بُلومینگ تِرتیبلی ایشلِمِگی نِتیجه‌سینده بِدِن اُسیپ، سُیگی بیلِن قُشولیپ حِرِکِت اِدیَر.‏

اِفِسُسلار 4:29

آغزینگیزدان هیچ هاچان بیدِرِک سُز چیقماسین.‏ قایتام، دینگلِیَنلِرینگ مَحتَجلیکلِرینه گُرَه، گِرِکلی سُزلِری آیدیپ، اُلاری قوواتلاندیرینگ، شُندا آیدانلارینگیز اُلارا پِیدا گِتیرِر.‏

اِفِسُسلار 6:18

هِر بیر یاغدایدا یالبارماق بیلِن، روحدا خودایا دُغا اِدینگ.‏ خاباردار بُلونگ، مُقادِّسلِر اوچین هِمیشه دُغادا بُلونگ.‏

کولُسیلِر 2:7

شوکورلِر بیلِن دُلوپ-آقیپ، مسیحده کُک اورونگ و اُسونگ، اُزونگیزه اُورِدیلیشی یالی، ایماندا قاییم دورونگ.‏

۱ تِسالونیکیلِر 5:11

شُنگا گُرَه-ده، اِدیل شو واقت اِدیشینگیز یالی، بیری-بیرینگیزه گُوونلیک بِرینگ و قوواتلاندیرینگ.‏

۱ تیموتاوس 1:4

قُی، اُلار قادیمی رِوایاتلارا، توکِنمِیَن نِسل شِجِره‌لِرینه یورِک بِرمِسینلِر.‏ بولار داعوا-جِنجِل‍لِرینگ دُرِمِگینه سِبَپ بُلوپ، خودایینگ ایشلِرینینگ ایمان بیلِن عِمِله گِچیریلمِگینه پَسگِل بِریَندیر.‏

۲ تیموتاوس 1:5

سِنینگ عیسی مسیحه بُلان حاقیقی ایمانینگی یادلایارین.‏ اُزال مامانگ لوئیسینگ و سُنگرا اِنه‌نگ اِفنیکینینگ قالبیندا مِسکِن توتان ایمانینگ ایندی سِنینگ قالبینگدا هِم یاشایاندیغینا قاتی اینانیارین.‏

تیتوس 1:1

خودایینگ خیدماتچیسی و عیسی مسیحینگ رِسولی مِن پولسدِن دُغایی سالام!‏ خودای اُز سایلان آداملارینینگ ایمان گِتیرمِگی و اُنونگ یُلونی گُرگِزدیریَن حاقیقاتی بیلمِگی اوچین مِنی رِسولّیغا بِلِّدی.‏

یعقوب 2:22

سِراِت، اُنونگ ایمانی بیلِن عِمِل‍لِری بیرلیکده حِرِکِت اِتدی و ایمانی شو عِمِلده کَمیل بُلدی.‏

۲ پِطرُس 1:1

عیسی مسیحینگ خیدماتچیسی و رِسولی مِن شمعون پِطرُسدان خوداییمیز و هِم نِجات بِریَنچیمیز عیسی مسیحینگ عادالاتلیغینینگ اوستو بیلِن بیزینگ ایمانیمیز یالی قیماتلی ایمانا اِیه بُلانلارا دُغایی سالام!‏

۱ یوحنا 5:4

چونکی خودایینگ هِر بیر فِرزِندی دونیَه‌نی یِنگمِگی باشاریاندیر.‏ بیز دونیَه‌نینگ اوستوندِن بو یِنگشی ایمانیمیزینگ اوستو بیلِن قازانیاریس.‏

یهودا 1:3

اِی عزیزلِر، مِن سیزه خودایینگ مِنی و سیزی نَهیلی نِجات بِرِندیگی بارادا یازماغی خاص دُغری بیلیَردیم.‏ اِمّا مونگا دِرِک خودایینگ اُز مُقادِّس خالقینا بیر گِزِک و هِمیشه‌لیک تابشیران ایمانی اوغروندا سیزی چالیشماغا قووات بِریپ یازماغیمینگ خاص-دا واجیپدیغینا گُز یِتیردیم.‏

آیانلیق 13:10

اِگِر بیری اِسیر اِدیلمِلی بُلسا، اِسیر اِدیلِر.‏ اِگِر بیری قیلیچدان اُلمِلی بُلسا، قیلیچدان اُلِر.‏ خودایینگ خالقینینگ صابیرلیغی و وِفادارلیغی، اینه، شو یِرده گِرِکدیر.‏