یوحنا 8:52 - مُقادِّس کیتاب

⁵² یَهودیلِر اُنگا:‏ ‏«‏سِنی جین اوراندیغینی ایندی آچیق بیلدیک.‏ ابراهیم و پیغامبارلار-دا اُلدی.‏ اِمّا سِن:‏ ‏”‏مِنینگ سُزومی ساقلایان آدام هیچ هاچان اُلمِز“‏ دییَّرسینگ.‏

یوحنا 8:52 ပူးပေါင်းရင်းမြစ်များ

مَتّیٰ 11:18

یحیی گِلدی، اُل نه اییَّر نه ایچیَر.‏ اُلار بُلسا اُنگا ‏”‏جینلی“‏ دییَّرلِر.‏

یوحنا 1:19

اینه، یَهودی باشلیقلاری اورشلیمدِن کاهینلاری و لاویلاری یحیانینگ یانینا ایبِردیلِر.‏ اُلار یحیادان:‏ ‏«‏سِن کیم؟»‏ دییّپ سُرادیلار.‏

یوحنا 14:23

عیسی اُنگا شِیله جُغاپ بِردی:‏ ‏«‏کیم مِنی سُییَن بُلسا، سُزومی بِرجای اِدِر.‏ آتام هِم اُنی سُیِر.‏ مِن آتام بیلِن اُل آدامینگ یانینا باریپ، اُنونگ بیلِن بیله مِکان توتاریس.‏

یوحنا 15:20

مِن سیزه:‏ ‏”‏قول آقاسیندان بِییک دَلدیر“‏ دییِن سُزومی یادینگیزا سالینگ.‏ اُلار مِنی آزارلاسالار، اُندا سیزی-ده آزارلارلار.‏ مِنینگ سُزومی بِرجای اِتسِلِر، سیزینگکینی-ده بِرجای اِدِرلِر.‏

یوحنا 17:6

‏«‏دونیَه‌دِن اُزومه بِرِن آداملارینگا سِنینگ آدینگی آیان اِتدیم.‏ اُلار سِنینگکیدی و سِن اُلاری مانگا بِردینگ، اُلار سِنینگ سُزونگی بِرجای اِتدیلِر.‏

یوحنا 7:20

جِماغات اُنگا:‏ ‏«‏سِن جینلی، کیم سِنی اُلدورجِک بُلیار؟»‏ دییدی.‏

یوحنا 8:22

یَهودیلِرینگ باشلیغلاری:‏ ‏«‏اُل اُزونی اُلدورجِکمیکَه؟ اُل شُنونگ اوچین مِنینگ باریان یِریمه باریپ بیلمِرسینگیز دییَّرمیکَه؟»‏ دییّشدیلِر.‏

یوحنا 8:48

یَهودیلِر اُنگا:‏ ‏«‏سانگا جین اوران سامِره‌لی دییّپ، بیز دُغری آیتماپدیریسمی نَمه!‏»‏ دییدیلِر.‏

یوحنا 8:51

مِن سیزه دُغروسینی آیدیارین، مِنینگ سُزومی ساقلایان آدام آصلا اُلوم قاراسینی گُرمِز»‏ دییدی.‏

یوحنا 8:55

یُنه سیز اُنی تانیمییارسینگیز، مِن اُنی تانییارین.‏ اِگِر اُنی تانیمییارین دییسِم، اُندا مِن هِم سیزینگ یالی یالانچی بُلارین.‏ اِمّا مِن اُنی تانییارین و اُنونگ سُزونی یِرینه یِتیریَرین.‏

یوحنا 9:24

شِیلِلیک بیلِن، فَریسی‌لِر اُزالقی کُری ایکینجی گِزِک چاغیریپ، اُنگا:‏ ‏«‏خودایینگ حاقی اوچین حاقیقاتی آیت.‏ بیز اُل آدامینگ گونَه‌کَردیگینی بیلیَریس»‏ دییدیلِر.‏

عِبرانیلار 11:13

بو آداملارینگ هِمّه‌سی اینگ سُنگقی دِمینه چِنلی خودایا ایمان گِتیریپ یاشادیلار.‏ اُلار واعدا اِدیلِن یوردا قاووشماسالار-دا، اُل یِری اوزاقدان گُروپ شاتلاندیلار.‏ اُزلِرینینگ یِر یوزونده گُچوپ هِم بیگانه‌دیکلِرینی بُیون آلدیلار.‏

عِبرانیلار 2:9

اِمّا بیز حُرمات و بِییکلیک تاجینینگ عیسی گِیدیریلِندیگینی گُریَریس، سِبَبی اُل بیزینگ اوچین اُلومه جیدادی.‏ هاووا، اُل پِریشده‌لِردِن بیرآز واقتلیق آشاق توتولیپ، خودایینگ مِرحِمِتی بیلِن هِمّه اینسانلار اوچین عاذاپ چِکیپ اُلدی.‏