یوحنا 8:44 - مُقادِّس کیتاب

⁴⁴ سیزینگ آتانگیز شِیطاندیر، سیز آتانگیزینگ ایسلِگینی بِرجای اِتمِک ایسلِیَرسینگیز.‏ اُل اَوَّلدِن قاتلدی، هیچ واقت حاقیقاتینگ طارافداری بُلماندی، سِبَبی اُندا حاقیقات یُق.‏ اُل یالان آیداندا، اُز ذاتیندان آیدیار، چونکی اُل یالانچی، یالانینگ آتاسیدیر.‏

یوحنا 8:44 ပူးပေါင်းရင်းမြစ်များ

مَتّیٰ 12:34

اِی ییلانینگ نِسلی!‏ آغیز یورِگینگ دُلولیغیندان سُزلِیَندیر.‏ شِیلِلیکده، اُزونگیز یامانقانگیز، نَدیپ سیز قاوی زاتلار سُزلَپ بیلِرسینگیز؟

مَتّیٰ 13:15

چونکی بو خالقینگ یورِگی قاتیدی، قولاقلاری آغرالدی، گُزلِری یومولدی.‏ یُغسام گُزلِری بیلِن گُروپ، قولاقلاری بیلِن اِشیدِردیلِر، یورِکلِری بیلِن دوشونیپ، یِنه مانگا طاراف دُلاناردیلار، مِن هِم اُلارا شِفا بِرِردیم“‏.‏

مَتّیٰ 13:38

اِکینچیلیگی بُلسا دونیَه‌دیر.‏ قاوی تُخوم آسمانینگ پادیشاهلیغینینگ فِرزِنتلِریدیر.‏ بیدِرِک اُتلار بُلسا شِیطانینگ فِرزِنتلِریدیر.‏

یوحنا 6:70

عیسی اُلارا:‏ ‏«‏سیز اُن ایکیلِری اُزوم سایلاپ آلمادیمّی؟ مونگا باقمازدان، آرانگیزدان بیری شِیطاندیر»‏ دییّپ جُغاپ بِردی.‏

یوحنا 7:17

خودایینگ ایسلِگینی بِرجای اِتمِک ایسلِیَن آدام مِنینگ تَعلیم بِریَنلِریمینگ خودایداندیغینا یا-دا اُزومدِندیگینه گُز یِتیرِر.‏

یوحنا 8:38

مِن سیزه آتامینگ یانیندا گُرِنلِریمی آیدیارین، سیز هِم اُز آتانگیزدان اُورِنِنگیزی اِدیَرسینگیز.‏»‏

یوحنا 8:41

سیز ابراهیمینگ دَل-ده، اُز آتانگیزینگ ایشلِرینی اِدیَرسینگیز»‏ دییدی.‏ اُلار اُنگا:‏ ‏«‏بیز زینادان دُغان دَل، بیزینگ یِکِجه بیر آتامیز بار، اُل خودایینگ اُزودیر»‏ دییدیلِر.‏

یوحنا 8:55

یُنه سیز اُنی تانیمییارسینگیز، مِن اُنی تانییارین.‏ اِگِر اُنی تانیمییارین دییسِم، اُندا مِن هِم سیزینگ یالی یالانچی بُلارین.‏ اِمّا مِن اُنی تانییارین و اُنونگ سُزونی یِرینه یِتیریَرین.‏

رِسول‍لار 13:10

‏«‏اِی شِیطان اُغلی!‏ سِن هِمّه دُغرولیغینگ دوشمانیسینگ.‏ سِنینگ یورِگینگ هِر هیلی حیله‌دِن و یالانچیلیقدان دُلی.‏ خودایینگ حاق یُلونی اویتگِتمِگینگی هاچان بِس اِتجِک؟

رِسول‍لار 24:9

اُل یِردَکی یَهودیلِر هِم آیدیلانلارینگ دُغرودیغینی تاصدیقلاماق بیلِن بو عاییپلامالارا قُشولدیلار.‏

رِسول‍لار 5:3

پِطرُس اُنگا شِیله دییدی:‏ ‏«‏حَنانیا، نَمه اوچین سِن شِیطانا قالبینگدان جای بِردینگ؟ سِن مُقادِّس روحا یالان آیدیپ، پولونگ بیر بُلِگینی اُزونگه آلیپ قالدینگ.‏

۲ قُرِنتُس‌لار 11:3

یُنه ییلانینگ حَوّانی مِکرلیک بیلِن آلدایشی یالی، سیزینگ-ده آلدانماغینگیزدان قُرقیارین.‏ مِن فیکرلِرینگیزینگ بولاشدیریلیپ، مسیحه بُلان پَک صادیقلیغینگیزدان آیریلارمیقانگیز دییّپ قُرقیارین.‏

۱ پِطرُس 5:8

خاباردار و اُیا بُلونگ!‏ دوشمانینگیز شِیطان گویچلی سِسلی آرسلان کیمین آیلانیپ، یوووتماق اوچین بیرینی آغتاریپ یُرِندیر.‏

۲ پِطرُس 2:4

خودای حتّیٰ گونَه ایش اِدِن پِریشده‌لِره-ده رِحم اِتمِدی.‏ قیامات گونونگ مَحکِمه‌سینه چِنلی ساقلانسینلار دییّپ، اُلاری زینجیرلاپ، دُوزاخینگ توم قارانگقی گِردابینا باغلاپ قُیدی.‏

۱ یوحنا 1:8

اِگِر گونَه‌میز یُق دییسِک، اُندا بیز اُزومیزی آلدایاندیریس و بیزده حاقیقات یُقدور.‏

۱ یوحنا 2:21

مِن سیزه حاقیقاتی بیلمِیَندیگینگیز اوچین دَل-ده، اُندان باشغا، حاقیقاتی بیلیَندیگینگیز اوچین یازیارین، سِبَبی هیچ بیر یالانینگ حاقیقات بیلِن بیرلیکلیگی یُقدور.‏

۱ یوحنا 2:4

‏«‏خودایی تانییارین»‏ دییّپ-ده، اُنونگ حُکوملِرینی بِرجای اِتمِیَن آدام یالانچیدیر و اُنونگ یورِگینده حاقیقات یُقدور.‏

۱ یوحنا 3:12

شِیطانا دِگیشلی بُلوپ، اُز دُغانی هابیلی اُلدورِن قابیل یالی بُلمایلینگ.‏ قابیل اُنی نَمه اوچین اُلدوردی؟ سِبَبی اُز اِدِن ایشلِری تِلِکه‌لیکدی، دُغانینینگقی بُلسا دُغرودی.‏

۱ یوحنا 3:15

دُغانینی ییگرِنیَن آدام قاتلدیر.‏ هیچ بیر قاتلینگ اِبِدی یاشایشا قاووشمایاندیغینی بیلیَنسینگیز.‏

یهودا 1:6

اولی مِرتِبه‌لِرینی ساقلامان، مِسکِن توتان یِرلِرینی تِرک اِدِن پِریشده‌لِری هِم اُل توم قارانگقیلیقدا زینجیرلار بیلِن اِبِدیلیک باغلادی.‏ اُلاری قیامات گونونگ مَحکِمه‌سینه چِنلی شُل یِرده ساقلایار.‏

آیانلیق 12:9

اولی اژدها اُز پِریشده‌لِری بیلِن یِره زینگیلدی.‏ هاووا، هِمّه دونیَه‌نی آزدیریپ، اِبلیس یا-دا شِیطان دییّپ آدلاندیریلیان بو قادیمی ییلان یِره زینگیلدی.‏

آیانلیق 13:14

بو جاناوار بیرینجی جاناوارینگ آدیندان عالاماتلار گُرکِزیپ، یِر یوزونده یاشایانلاری آلداوا سالیاردی.‏ اُل قیلیچ بیلِن اُلدوریَن یارا سالناندیغینا باقمازدان، دیرِلِن جاناوارینگ مُجِسِّمه‌سینی بِجِرمِگی یاشایانلارا تابشیردی.‏

آیانلیق 2:10

گُرجِک قینچیلیقلارینگدان قُرقما!‏ اینه، ایمتِحان اوچین، شِیطان سیزینگ کَبیرلِرینگیزی زیندان اِتدیرِر و سیز اُن گونلَپ عاذاپ چِکِرسینگیز.‏ اُلوم خاطاری اوستونگه قُرقی سالسا-دا، وِفادار قال، مِن سانگا یاشاییش تاجینی بِرِرین.‏

آیانلیق 21:8

اِمّا قُرقیانلارینگ، ایمانسیزلارینگ، فاسیقلارینگ، قاتل‍لارینگ، زیناکَرلِرینگ، جادوگَرلِرینگ، بُت‌پَرَستلِرینگ و هِمّه یالانچیلارینگ جایلاری یانیپ دوران کوکورت و اُدلی دِریاچا بُلار.‏ ایکینجی اُلوم، اینه، بودور.‏»‏

آیانلیق 22:15

اِمّا ‏”‏ایتلِر“‏، جادوگَرلِر، زیناکَرلِر، قاتل‍لار، بُت‌پَرَستلِر، یالانی سُیوپ و اُنی عِمِل اِدیَنلِر شَهرینگ داشیندا قالارلار.‏

آیانلیق 9:11

اُلارا دویپسوز قوییسینینگ پِریشده‌سی پادیشاهلیق اِدیَردی.‏ بو پِریشدَه‌نینگ آدی عِبرانیچا اَبَدون و یونانیچا بُلسا آپولیوندیر.‏