یوحنا 8:28 - مُقادِّس کیتاب

²⁸ سُنگرا عیسی اُلارا:‏ ‏«‏اینسان اُغلونی صلیبده یُقاری گُتِرِن ماحالینگیز، مِنینگ شُلدوغیمی بیلِرسینگیز.‏ شِیله هِم مِنینگ اُزومدِن هیچ زات اِتمَندیگیمه، دینگه آتامینگ اُورِدِن زاتلارینی آیداندیغیما دوشونِرسینگیز.‏

یوحنا 8:28 ပူးပေါင်းရင်းမြစ်များ

مَتّیٰ 24:5

اِنچِمه‌لِر:‏ ‏”‏مِن مسیح“‏ دییّپ، مِنینگ آدیم بیلِن گِلیپ، کَن آداملاری آلدارلار.‏

مَرقُس 13:6

اِنچِمه‌لِر مِنینگ آدیم بیلِن گِلیپ:‏ ‏”‏مِن – شُلدورین“‏ دییِرلِر.‏ اُلار کَن آداملاری آلدارلار.‏

لوقا 21:8

اُل:‏ ‏«‏خاباردار بُلونگ، هیچ کیم سیزی آلدایماسین!‏ اِنچِمه‌لِر ‏”‏شُل قاراشیانینگیز – مِندیرین!‏“‏ و ‏”‏واقت قُلایلادی!‏“‏ دییّپ، مِنینگ آدیم بیلِن گِلِرلِر.‏ اُلارینگ ایزینا دوشمَنگ.‏

یوحنا 11:42

سِن مِنی هِمیشه-ده اِشیدیَندیگینگی بیلیَرین.‏ اِمّا بو سُزلِری شو یِرده دوران خالق اوچین، مِنی سِنینگ ایبِرِندیگینگه ایمان گِتیرسینلِر دییّپ آیتدیم»‏ دییدی.‏

یوحنا 13:19

مِن سیزه نَمه بُلجاغینی اُووندِن آیدییارین.‏ بولار یِرینه یِتِن واقتی سیز مِنینگ کیمدیگیمه گُز یِتیرِرسینگیز، مانگا اینانارسینگیز.‏

یوحنا 16:10

عادالات باباتدا بُلسا، مِن آتامینگ یانینا گیدیَرین و موندان بِیلَک سیز مِنی گُرمِرسینگیز.‏

یوحنا 18:32

بو عیسانینگ اُزونینگ نَهیلی اُلوم بیلِن اُلجِکدیگی بارادا اُنگدِن آیدان سُزلِرینینگ بِرجای بُلماغی اوچیندی.‏

یوحنا 19:18

اُل یِرده عیسانی و اُنونگ بیلِن بیله یِنه ایکی آدامی صلیبه چویلِدیلِر:‏ اُلارینگ بیری – اُنونگ ساغ طارافیندا، بِیلِکیسی سُل طارافیندادی، عیسی بُلسا اُرتادادی.‏

یوحنا 3:11

سانگا دُغروسینی آیدیارین، بیز بیلِنیمیزی آیدیاریس، گُرِنیمیزه شاهاتلیق اِدیَریس، اِمّا سیز بیزینگ شاهاتلیغیمیزی قابول اِتمِیَرسینگیز.‏

یوحنا 3:14

موسانینگ بیاباندا ییلانی یُقاری گُتِریشی یالی، اینسان اُغلی-دا یُقاری گُتِریلمِلیدیر.‏

یوحنا 4:26

عیسی اُنگا:‏ ‏«‏سِنینگ بیلِن کِپلِشیپ دوران مِن شُل مسیح»‏ دییدی.‏

یوحنا 5:19

عیسی اُلارا شِیله جُغاپ بِردی:‏ ‏«‏سیزه دُغروسینی آیدیارین، آتاسینینگ اِدِن زاتلارینی گُرمِسه، اُغول اُز-اُزوندِن هیچ زات اِدیپ بیلمِز.‏ آتاسی نَمه اِتسه، اُغول-دا شُنی اِدیَندیر.‏

یوحنا 5:30

‏«‏مِن اُز-اُزومدِن هیچ زات اِدیپ بیلمِیَرین.‏ آتامدان نَمه اِشیتسِم، شُنونگ یالی حُکوم چیقاریارین.‏ مِنینگ قاضیلیغیم حاقدیر، سِبَبی مِن اُز ایسلِگیمَه گُرَه قاضیلیق اِتمِیَرین، مِنی ایبِرِنینگ ایسلِگینی بِرجای اِدیَرین.‏

یوحنا 6:38

چونکی مِن اُز ایسلِگیمی دَل-ده، مِنی ایبِرِنینگ ایسلِگینی بِرجای اِتمِک اوچین آسماندان ایندیم.‏

یوحنا 8:24

مونونگ اوچین مِن سیزه ‏”‏گونَه‌لِرینگیزینگ ایچینده اُلِرسینگیز“‏ دییدیم، چونکی مِنینگ باردیغیما ایمان گِتیرمِسِنگیز، گونَه‌لِرینگیزینگ ایچینده اُلِرسینگیز»‏ دییدی.‏

یوحنا 8:27

اُلار عیسانینگ اُز آتاسی بارادا آیدیاندیغینا دوشونمِدیلِر.‏

یوحنا 8:58

عیسی اُلارا:‏ ‏«‏سیزه دُغروسینی آیدیارین، ابراهیم دُغولمازیندان اُنگ مِن باردیرین»‏ دییدی.‏

رِسول‍لار 2:41

شِیلِلیکده، اُنونگ سُزلِرینی شاتلیق بیلِن قابول اِدِنلِر تَعمیدلِندیلِر.‏ شُل گون اوچ مونگه قُلای آدام ایمان گِتیردی.‏

رِسول‍لار 4:4

اِمّا بو گورّونگلِری دینگلَنلِرینگ اِنچِمه‌سی عیسی ایمان گِتیردی.‏ شُندا ایمان گِتیرِن اِرکِکلِرینگ سانی بَش مونگه قُلایا یِتدی.‏

رومیلار 1:4

خودای تانگریمیز عیسی مسیحی اُلومدِن دیرِلدیپ، اُنی مُقادِّس روحدان دُلدوردی و شِیدیپ، اُنونگ خودایینگ قودراتلی اُغلودیغی تاصدیقلاندی.‏