یوحنا 7:28 - مُقادِّس کیتاب

²⁸ اُنسُنگ عیسی عیباداتخانادا تَعلیم بِریپ دورقا، قاتی سِس بیلِن شِیله دییدی:‏ ‏«‏هاووا، سیز مِنی هِم تانییارسینگیز، نیرِدِندیگیمی هِم بیلیَرسینگیز.‏ اِمّا مِن اُز-اُزومدِن گِلِمُق، مِنی ایبِرِن بار، اُل حاقدیر، سیز اُنی تانیمییارسینگیز.‏

یوحنا 7:28 ပူးပေါင်းရင်းမြစ်များ

مَتّیٰ 11:27

آتام هِمّه زادی مانگا تابشیردی.‏ اُغلی آتادان باشغا هیچ کیم تانییان دَلدیر.‏ اُغولدان و اُغلونگ اُنی اَشکَر اِتمِک ایسلِیَن آداملاریندان باشغا هیچ کیم آتانی تانییان دَلدیر.‏

مَتّیٰ 2:23

اُل یِره باریپ، ناصِره دییِن شَهرده مِسکِن توتدی.‏ شِیدیپ، ‏«‏اُنگا ناصِره‌لی دییلِر»‏ دییّپ، پیغامبارلار سِبَبی آیدیلان سُزلِر بِرجای بُلدی.‏

مَتّیٰ 26:55

شُل واقت عیسی جِماغاتا یوزلِنیپ:‏ ‏«‏نَمه اوچین بیر یُل کِسِنینگ قارشیسینا چیقیان یالی، مِنی توتماق اوچین قیلیچلی هِم تایاقلی گِلیپسینگیز؟ هِر گون عیباداتخانادا اُتوریپ، سیزه اُورِدیَردیم، شُندا مِنی توتماندینگیز.‏

لوقا 10:22

‏«‏آتام هِمّه زادی مانگا تابشیردی.‏ اُغلونگ کیمدیگینی آتادان باشغا هیچ کیم بیلمِز.‏ آتانینگ هِم کیمدیگینی اُغولدان و اُغلونگ اَشکَر اِتمِک ایسلِیَن آداملاریندان باشغا هیچ کیم بیلمِز»‏ دییدی.‏

لوقا 2:11

شو گون داوودینگ شَهرینده سیزینگ اوچین نِجات بِریَنچی دُغدی.‏ اُل خوداییمیز مسیحدیر.‏

لوقا 2:39

یوسف بیلِن مریم موسانینگ شِریغاتینا گُرَه هِمّه زادی بِرجای اِدِنلِریندِن سُنگرا، جلیلَه، اُزلِرینینگ ناصِره شَهرینه دُلاندیلار.‏

لوقا 2:4

شِیلِلیکده، یوسف هِم جلیل‌دَکی ناصِره شَهریندِن چیقیپ، یهودیه‌دَکی بِیت‌لِحِم دییِن داوودینگ شَهرینه گیتدی، سِبَبی اُل داوودینگ ایلیندِن بُلوپ، اُنونگ نِسلینه دِگیشلیدی.‏

لوقا 2:51

سُنگرا عیسی اِنه-آتاسی بیلِن ناصِره قایتدی، اُلارینگ سُزونه قولاق آسدی.‏ اِمّا اُنونگ اِنه‌سی بو گورّونگلِرینگ هِمّه‌سینی یورِگینده ساقلایاردی.‏

یوحنا 1:46

ناتاناییل اُنگا:‏ ‏«‏ناصِره‌لی؟ اُل یِردِن، هی، بیر قاوی زات چیقارمیقا؟»‏ دییدی.‏ فیلیپُس هِم اُنگا:‏ ‏«‏گِل، گُرِرسینگ!‏»‏ دییدی.‏

یوحنا 10:36

اُندا نَمه مِنی خودایینگ اُغلی دییِنیم اوچین کُفر آیدیان حاساپلایارسینگیز؟ مِنی بُلسا آتام اُزی اوچین سایلاپ-سِچیپ، دونیَه ایبِردی.‏

یوحنا 12:49

سِبَبی مِن اُز-اُزومدِن کِپلِمِدیم.‏ مِنی ایبِرِن آتا نَمه آیتمالیدیغیمی، نَهیلی سُزلِمِلیدیگیمی مانگا اُزی تابشیردی.‏

یوحنا 14:10

مِن آتادادیغیما، آتانینگ هِم مِندِدیگینه سِن ایمان گِتیرمِیَرسینگمی؟ سیزه آیدیان سُزلِریمی مِن اُز-اُزومدِن آیتمایارین.‏ تِرسینه، مِنده یاشایان آتام مِنینگ اوستوم بیلِن اُز ایشلِرینی اِدیَر.‏

یوحنا 14:31

اِمّا دونیَه مِن آتانی سُییَندیگیمی، آتانینگ اُزومه نَمه تابشیران بُلسا، شُنی بِرجای اِدیَندیگیمی بیلمِلیدیر.‏ هانی، تورونگ، بو یِردِن گیدِلینگ.‏»‏

یوحنا 16:3

اُلار بو ایشلِری آتا بیلِن مِنی تانیمییاندیقلاری اوچین اِدِرلِر.‏

یوحنا 17:25

‏«‏اِی عادالاتلی آتا، دونیَه سِنی تانیمییار، اِمّا مِن سِنی تانییارین.‏ بو آداملار هِم مِنی سِنینگ ایبِرِندیگینگی بیلیَرلِر.‏

یوحنا 17:3

اِبِدی یاشاییش بُلسا، سِنی، یَعنی یِکه حاق خودایی و سِنینگ ایبِرِن عیسی مسیحینگی تانیماقدیر.‏

یوحنا 3:2

اُل بیر گیجَه‌نینگ ایچینده عیسانینگ یانینا گِلیپ:‏ ‏«‏یا اُستاد، بیز سِنینگ خودایدان گِلِن مُعلِّمدیگینگی بیلیَریس.‏ چونکی خودایینگ اُزی سِنینگ بیلِن بُلماسا، گُرکِزِن عالاماتلارینگی گُرکِزیپ بیلمِزدینگ»‏ دییدی.‏

یوحنا 3:33

اِمّا اُنونگ شاهاتلیغینی قابول اِدِن کیشی خودایینگ حاقدیغینی تاصدیقلایاندیر.‏

یوحنا 5:32

مِن حاقدا شاهاتلیق اِدیَن باشغا بیری بار.‏ اُنونگ اُزوم حاقدَکی شاهاتلیغینینگ دُغرودیغینی مِن بیلیَرین.‏

یوحنا 5:43

مِن آتامینگ آدیندان گِلدیم، سیز بُلسا مِنی قابول اِتمِیَرسینگیز.‏ یُنه باشغا بیری اُز آدیندان گِلَیسه، سیز اُنی قابول اِدِرسینگیز.‏

یوحنا 6:42

اُلار:‏ ‏«‏بو یوسفینگ اُغلی عیسی دَلمی؟ بیز اُنونگ اِنه-آتاسینی تانییاریس.‏ اُل نَهیلی ‏”‏مِن آسماندان ایندیم“‏ دییَّر؟»‏ دییّشدیلِر.‏

یوحنا 7:14

بایرامچیلیغینگ یاریسی گِچِنده، عیسی عیباداتخانا باریپ، تَعلیم بِرمَگه باشلادی.‏

یوحنا 8:14

عیسی اُلارا:‏ ‏«‏مِن اُز-اُزومه شاهاتلیق اِدیَن هِم بُلسام، مِنینگ شاهاتلیغیم اِعتِبارلیدیر.‏ سِبَبی مِن نیرِدِن گِلیپ، نیرَه باریانیمی بیلیَرین، یُنه مِنینگ نیرِدِن گِلِنیمی یا نیرَه باریانیمی سیز بیلمِیَرسینگیز.‏

یوحنا 8:16

مِن حُکوم چیقارایسام-دا، حُکومیم حاقدیر، چونکی مِن یِکه دَل-ده، اُزومی ایبِرِن آتا بیلِندیرین.‏

یوحنا 8:19

اُنسُنگ عیسادان:‏ ‏«‏سِنینگ آتانگ نیرِده؟»‏ دییّپ سُرادیلار.‏ عیسی اُلارا:‏ ‏«‏سیز نه مِنی تانییارسینگیز، نه-ده مِنینگ آتامی.‏ مِنی تانییان بُلسادینگیز، مِنینگ آتامی-دا تاناردینگیز»‏ دییدی.‏

یوحنا 8:26

سیزی مَحکوم اِدیپ آیتجاق زاتلاریم کَن.‏ مِنی ایبِرِن حاقدیر، مِن اُندان اِشیدِنلِریمی دونیَه اَشکَر اِدیَرین»‏ دییّپ جُغاپ بِردی.‏

یوحنا 8:42

عیسی اُلارا شِیله دییدی:‏ ‏«‏اِگِر آتانگیز خودای بُلسا، اُندا مِنی سُیِردینگیز، سِبَبی مِن خودایدان گِلدیم، اُز-اُزومدِن گِلمِدیم، مِنی اُل ایبِردی.‏

یوحنا 9:29

بیز خودایینگ موسی بیلِن کِپلِشِندیگینی بیلیَریس، بو آدامینگ بُلسا نیرِدِندیگینی-ده بیلمِیَریس»‏ دییدیلِر.‏

رِسول‍لار 17:23

مِن هِمّه شَهره آیلانیپ چیقیپ، سیزینگ عیبادات اِدیَن زاتلارینگیزی گُزدِن گِچیردیم.‏ بو زاتلارینگ آراسیندان ‏”‏تانیلمادیق خودایا“‏ دییِن یازغیلی بیر قربانلیق جایینی گُردوم.‏ اینه، مِن سیزه اُزونگیزینگ تانیمازدان عیبادات اِدیَن خودایینگیز بارادا گورّونگ بِرمِکچی.‏

رومیلار 1:28

بو آداملار خودایی تانیمالیدیر دییّپ اَهمییِت بِرمِدیلِر.‏ شُنگا گُرَه-ده، خودای اُلاری آخلاقسیز فیکرلِرینه تابشیریپ، اِدیلمِسیز زاتلاری اِتمِکلِرینه یُل بِردی.‏

رومیلار 3:4

آصلا اِتمِز!‏ هِمّه آداملار یالان آیتسادا خودای هیچ هاچان یالان آیتماز.‏ سِبَبی مُقادِّس یازغیلاردا خودای بارادا:‏ ‏«‏شُنونگ اوچین سِن کِپلَنینگده حاقلیسینگ، و قاضیلیق اِدِنینگده، اوستون چیقانسینگ»‏ دییّپ یازیلاندیر.‏

۲ قُرِنتُس‌لار 1:18

بُلشی یالی خودای اِمیندیر، بیزینگ سیزه آیدان سُزیمیزینگ هِم ‏«‏هاووا»‏، هِم ‏«‏یُق»‏ دَلدیگینه اُل شاهاتدیر.‏

۲ قُرِنتُس‌لار 4:6

چونکی ‏«‏قارانگقیلیقدا نور پارلاسین»‏ دییِن خودای بیزینگ-ده یورِکلِریمیزی یاغتیلاندیریپ، عیسی مسیحینگ یوزونده پارلایان اُز بِییکلیگینی بیزه تانیتدی.‏

تیتوس 1:2

خودایینگ بو یُلی باقی یاشاییش اومیدینی بِریَر.‏ سُزونده آصلا یالان بُلمادیق خودای بو یاشایشی دونیَه یارادیلمازدان اُنگ واعدا بِریپ،

عِبرانیلار 6:18

شِیلِلیکده، خودای بیزه ایکی زات:‏ هِم واعدا بِردی، هِم قاسام ایچدی.‏ مونونگ ایکیسی هِم اویتگِمِیَندیر، سِبَبی خودای هیچ واقت یالان آیتمایار.‏ شُنونگ اوچین هِم، بیز خودایدا پِناه گِتیریپ، اُزومیزه بِرلِن اومیدا قاییم یاپیشیپ گُوونلیک تاپیاریس.‏

۱ یوحنا 5:10

خودایینگ اُغلونا ایمان گِتیرِنده خودایینگ شاهاتلیغی اُزونده باردیر.‏ کیم خودایینگ اُز اُغلی باراداقی شاهاتلیغینا اینانمایان بُلسا، اُل خودایی یالانچی حاساپلاپ، اُنگا ایمان گِتیریَن دَلدیر.‏