یوحنا 5:40 - مُقادِّس کیتاب

⁴⁰ اِمّا سیز یاشایشا اِیه بُلار یالی، مانگا گِلمِک ایسلِمِیَرسینگیز.‏

یوحنا 5:40 ပူးပေါင်းရင်းမြစ်များ

مَتّیٰ 22:3

اُل طُویا چاغیریلانلارا دِرِّو خابار اِتمِک اوچین خیدماتکَرلِرینی ایبِریَر، اِمّا چاغیریلانلار گِلمِک ایسلِمِیَرلِر.‏

مَتّیٰ 23:37

‏«‏اِی اورشلیم!‏ پیغامبارلاری اُلدوریَن، اُزونه یُلّانانلاری داشلایان اورشلیم!‏ تُووغینگ اُز جویجه‌لِرینی قاناتلارینینگ آشاغینا ییغنایشی یالی، مِن هِم اِنچِمه گِزِک سِنینگ فِرزِنتلِرینگی ییغناجاق بُلدوم، اِمّا سیز مونی ایسلِمِدینگیز.‏

یوحنا 1:11

اُل اُزونینگکیلِره گِلدی، اِمّا اُلار اُنی قابول اِتمِدیلِر.‏

یوحنا 10:10

اُغری دینگه اُغورلاماق، اُلدورمِک و یُق اِتمِک اوچین گِلیَندیر.‏ اِمّا مِن اُلارا یاشاییش، بُل یاشاییش بِرمِک اوچین گِلدیم.‏

یوحنا 3:19

مَحکوملیک، اینه، بودیر:‏ دونیَه نور گِلدی، اِمّا آداملار قارانگقیلیغی نوردان خاص قاوی گُردولِر، سِبَبی اُلارینگ ایشلِری یامانلیقدی.‏

یوحنا 5:39

سیز اِبِدی یاشاییش مُقادِّس یازغیلاردادیر دییّپ گومَن اِدیپ، اُلاری ایخلاص بیلِن اُورِنیَرسینگیز.‏ اُلار بُلسا مِن حاقدا شاهاتلیق اِدیَرلِر.‏

یوحنا 5:41

‏«‏مِن اینسانلاردان اُوگی آغتارمایارین.‏

یوحنا 5:44

سیز بیری-بیرینگیزدِن اُوگولِر قابول اِدیَرسینگیز، اِمّا یِکه خودایینگ اُوگوسینی قازانماغا چالیشمایارسینگیز.‏ اُنسُنگ نَدیپ سیزده ایمان بُلسون؟

یوحنا 6:27

ضایالانیان اییمیت اوچین دَل-ده، اِبِدی یاشاییش بِریَن اییمیت اوچین ایخلاص اِدینگ، اُنی سیزه اینسان اُغلی بِرِر.‏ چونکی آتامیز خودایینگ اُزی بو ایشی اُنگا تابشیراندیر»‏ دییّپ جُغاپ بِردی.‏

یوحنا 6:37

آتامینگ مانگا بِرِن آداملارینینگ باری مِنینگ یانیما گِلِر، مِن اُز یانیما گِلِنلِری آصلا کُومارین.‏

یوحنا 6:40

اُغلی گُرِن و اُنگا ایمان گِتیرِن هِر بیر آدامینگ اِبِدی یاشایشا قاووشماغی آتامینگ ایسلِگیدیر.‏ مِن-ده بو آداملاری آخیرات گون قایتادان دیرِلدِرین.‏»‏

رومیلار 6:23

چونکی گونَه‌نینگ جِزاسی اُلوم، اِمّا خودایینگ ناغماتی بُلسا تانگریمیز عیسی مسیحینگ اوستو بیلِن بِریلیَن اِبِدی یاشاییشدیر.‏

آیانلیق 22:17

مُقادِّس روح و گِلین ‏«‏گِل!‏»‏ دییَّرلِر.‏ اِشیدیَن هِر کِس هِم ‏«‏گِل!‏»‏ دییسین.‏ سوسان گِلسین.‏ کیم اُز تِشنه‌لیگینی دُیدورماق ایسلِسه، قُی، یاشاییش سوووندان مُفت ایچسین!‏