یوحنا 5:37 - مُقادِّس کیتاب

³⁷ مِنی ایبِرِن آتانینگ اُزی هِم مِن حاقدا شاهاتلیق اِتدی.‏ یُنه سیز اُنونگ نه سِسینی اِشیتدینگیز، نه-ده یوزونی گُردونگیز.‏

یوحنا 5:37 ပူးပေါင်းရင်းမြစ်များ

مَتّیٰ 17:5

اُل هِنیز کِپلَپ دورقا، یاغتی بیر بولوت اُلارینگ اوستونی اُرتدی.‏ بولوتدان بیر سِس گِلیپ:‏ ‏«‏بو مِنینگ عزیز اُغلومدیر، مِن اُندان کَن راضیدیرین.‏ اُنگا قولاق آسینگ»‏ دییدی.‏

مَتّیٰ 3:17

شُندا آسماندان گِلِن بیر سِس:‏ ‏«‏بو مِنینگ عزیز اُغلومدیر.‏ مِن اُندان کَن راضیدیرین»‏ دییدی.‏

مَرقُس 1:11

شُل واقت آسماندان:‏ ‏«‏سِن مِنینگ عزیز اُغلومسینگ، مِن سِندِن کَن راضیدیرین»‏ دییِن سِس گِلدی.‏

لوقا 24:27

سُنگرا اُل موسی بیلِن هِمّه پیغامبارلاردان باشلاپ، هِمّه مُقادِّس یازغیلاردا اُزی حاقدا آیدیلانلاری اُلارا دوشوندیردی.‏

لوقا 3:22

مُقادِّس روح کِپدِره مِنگزِش اُنونگ اوستونه ایندی.‏ آسماندان:‏ ‏«‏سِن مِنینگ عزیز اُغلومسینگ.‏ مِن سِندِن کَن راضیدیرین»‏ دییِن سِس گِلدی.‏

یوحنا 1:18

هیچ کیم هیچ هاچان خودایی گُرِن دَلدیر، اُنی بیزه آتاسینینگ قوجاغینداقی، اُزی-ده خودای بُلان یِکِجه اُغلی تانیتدی.‏

یوحنا 14:9

عیسی اُنگا شِیله دییدی:‏ ‏«‏اِی فیلیپُس، مِن سیزینگ بیلِن شِیله کَن واقت بُلسام-دا، مِنی تانیمادینگمی؟ مِنی گُرِن آتانی-دا گُرِندیر.‏ سِنینگ ‏”‏آتانی بیزه گُرکِز“‏ دییمَنگ نَمه؟

یوحنا 15:24

اِگِر مِن اُلارینگ آراسیندا باشغا هیچ کیمینگ باشارمادیق ایشلِرینی گُرکِزمِدیک بُلسام، گونَه‌لی بُلمازدیلار.‏ ایندی بُلسا اِدِن ایشلِریمی گُرسِلِر-ده، مِندِن هِم و آتامدان هِم ییگرِندیلِر.‏

یوحنا 5:32

مِن حاقدا شاهاتلیق اِدیَن باشغا بیری بار.‏ اُنونگ اُزوم حاقدَکی شاهاتلیغینینگ دُغرودیغینی مِن بیلیَرین.‏

یوحنا 6:27

ضایالانیان اییمیت اوچین دَل-ده، اِبِدی یاشاییش بِریَن اییمیت اوچین ایخلاص اِدینگ، اُنی سیزه اینسان اُغلی بِرِر.‏ چونکی آتامیز خودایینگ اُزی بو ایشی اُنگا تابشیراندیر»‏ دییّپ جُغاپ بِردی.‏

یوحنا 8:18

مِن اُزوم حاقدا شاهاتلیق اِدیَرین، مِنی ایبِرِن آتا-دا مِن حاقدا شاهاتلیق اِدیَر»‏ دییّپ جُغاپ بِردی.‏

۱ تیموتاوس 1:17

اِبِدیلیگینگ پادیشاهسی، اُلمِز و گُزه گُرونمِز یِکه خودایا اِبِدی حُرمات و بِییکلیک بُلسون!‏ اَمین.‏

۱ یوحنا 4:12

هیچ کیم هیچ هاچان خودایی گُرِن دَلدیر.‏ اِمّا بیز بیری-بیریمیزی سُییَن بُلساق، اُندا خودای بیزینگ بیلِن یاشایاندیر، اُنونگ سُیگوسی قالبیمیزا کَمیل یِرلِشِندیر.‏

۱ یوحنا 4:20

کیم ‏«‏خودایی سُییَرین»‏ دییّپ هِم، اُز دُغانینی ییگرِنیَن بُلسا، اُل یالانچیدیر.‏ اُزونینگ گُروپ دوران دُغانینی سُیمِیَن آدام گُرمِدیک خودایینی سُیوپ بیلمِز آخیری.‏

۱ یوحنا 5:9

بیز اینسانلارینگ شاهاتلیغینی قابول اِدیَریس، اِمّا خودایینگ شاهاتلیغی خاص-دا اولیدیر.‏ سِبَبی خودای هِم اُز اُغلی حاقیندا شاهاتلیق اِتدی.‏