یوحنا 5:20 - مُقادِّس کیتاب

²⁰ چونکی آتا اُغلی سُییَر، هِمّه اِدیَن زاتلارینی اُنگا گُرکِزیَر.‏ هاووا، اُل اُغلا موندان هِم بِییک ایشلِری گُرکِزِر، شُندا هِمَّه‌نگیز مونگا حایران قالارسینگیز.‏

یوحنا 5:20 ပူးပေါင်းရင်းမြစ်များ

مَتّیٰ 11:27

آتام هِمّه زادی مانگا تابشیردی.‏ اُغلی آتادان باشغا هیچ کیم تانییان دَلدیر.‏ اُغولدان و اُغلونگ اُنی اَشکَر اِتمِک ایسلِیَن آداملاریندان باشغا هیچ کیم آتانی تانییان دَلدیر.‏

مَتّیٰ 17:5

اُل هِنیز کِپلَپ دورقا، یاغتی بیر بولوت اُلارینگ اوستونی اُرتدی.‏ بولوتدان بیر سِس گِلیپ:‏ ‏«‏بو مِنینگ عزیز اُغلومدیر، مِن اُندان کَن راضیدیرین.‏ اُنگا قولاق آسینگ»‏ دییدی.‏

مَتّیٰ 3:17

شُندا آسماندان گِلِن بیر سِس:‏ ‏«‏بو مِنینگ عزیز اُغلومدیر.‏ مِن اُندان کَن راضیدیرین»‏ دییدی.‏

مَتّیٰ 4:8

شِیطان بو گِزِک عیسانی اولی بیر داغینگ باشینا چیقاردی.‏ اُنگا دونیَه‌نینگ هِمّه پادیشاهلیقلارینی و اُلارینگ بِییکلیگینی گُرکِزیپ:‏

لوقا 10:22

‏«‏آتام هِمّه زادی مانگا تابشیردی.‏ اُغلونگ کیمدیگینی آتادان باشغا هیچ کیم بیلمِز.‏ آتانینگ هِم کیمدیگینی اُغولدان و اُغلونگ اَشکَر اِتمِک ایسلِیَن آداملاریندان باشغا هیچ کیم بیلمِز»‏ دییدی.‏

یوحنا 1:18

هیچ کیم هیچ هاچان خودایی گُرِن دَلدیر، اُنی بیزه آتاسینینگ قوجاغینداقی، اُزی-ده خودای بُلان یِکِجه اُغلی تانیتدی.‏

یوحنا 10:32

عیسی اُلارا:‏ ‏«‏مِن آتام طارافیندان سیزه کَن یاخشیلیقلار اِتدیم.‏ بولارینگ هایسیسی اوچین مِنی داشلاجاق بُلیارسینگیز؟»‏ دییدی.‏

یوحنا 14:12

سیزه دُغروسینی آیدیارین، مانگا ایمان گِتیرِن مِنینگ بیتیرِن ایشلِریمی-ده بیتیرِر، حتّیٰ بولاردان هِم خاص بِییک ایشلِری بیتیرِر.‏ سِبَبی مِن آتانینگ یانینا باریارین.‏

یوحنا 15:15

موندان بِیلَک مِن سیزه قول دییمِرین، سِبَبی قول آقاسینینگ نَمه اِدیَنینی بیلیَن دَلدیر.‏ مِن سیزه دُست دییَّرین، سِبَبی آتامدان اِشیدِن هِمّه زاتلاریمی سیزه آیتدیم.‏

یوحنا 17:26

مانگا بُلان سُیگینگ اُلاردا-دا بُلسون، مِن هِم اُلاردا بُلایین دییّپ، سِنینگ آدینگی اُلارا تانیتدیم و تانیتماغی دُوام اِدِرین.‏»‏

یوحنا 3:35

آتا اُغلی سُییَر و اُل هِمّه زادی اُنونگ اِلینه تابشیراندیر.‏

یوحنا 5:21

آتانینگ اُلولِری دیرِلدیشی یالی، اُغول-دا ایسلَن آدامی دیرِلدِر.‏

یوحنا 5:25

مِن سیزه دُغروسینی آیدیارین، خودایینگ اُغلونینگ سِسینی اُلولِرینگ-ده، اِشیتجِک واقتی گِلِر، بو واقت ایندی گِلدی.‏ اُنونگ سِسینی اِشیدِنلِر یاشار.‏

یوحنا 5:29

یاخشیلیق اِدِنلِر یاشاماق اوچین، یامانلیق اِدِنلِر بُلسا مَحکوم بُلماق اوچین دیرِلِر.‏

۲ پِطرُس 1:17

بِییک خودایدان اُنگا:‏ ‏«‏بو مِنینگ عزیز اُغلومدیر، مِن اُندان کَن راضیدیرین»‏ دییِن سِس گِلِنده، اُغول آتامیز خودایدان حُرمات و بِییکلیک قابول اِتدی.‏