یوحنا 5:18 - مُقادِّس کیتاب

¹⁸ شو سِبَپدِن یَهودی باشلیغلاری اُنگکودِن-ده بِتِر غاضابلانیپ، اُنی اُلدورمِگینگ فیکرنه دوشدولِر.‏ سِبَبی اُل دینگه سَبَّت گونونی پُزماق بیلِن قاناغاتلِنمَن، اُندان باشغا، خودایا آتام دییّپ، اُزونی خودایا دِنگِیَردی.‏

یوحنا 5:18 ပူးပေါင်းရင်းမြစ်များ

مَتّیٰ 12:5

اُندا، سیز عیباداتخانادا سَبَّت گونونینگ حُرماتلارینی ساقلاماسالار-دا، کاهینلارینگ گونَه‌سیز حاساپلاناندیغینی تُورات‌دا اُقیمادینگیزمی؟

یوحنا 1:19

اینه، یَهودی باشلیقلاری اورشلیمدِن کاهینلاری و لاویلاری یحیانینگ یانینا ایبِردیلِر.‏ اُلار یحیادان:‏ ‏«‏سِن کیم؟»‏ دییّپ سُرادیلار.‏

یوحنا 10:30

مِن و آتام بیردیریس»‏ دییّپ جُغاپ بِردی.‏

یوحنا 10:33

یَهودی باشلیقلاری اُنگا:‏ ‏«‏بیز سِنی یاخشی ایش اِدیَنلیگینگ اوچین دَل-ده، خودایا دیل یِتیریَنلیگینگ اوچین، یَعنی اینسان حالینگا اُزونگی خودای حاساپلایانلیغینگ اوچین داشلاجاق بُلیاریس»‏ دییدیلِر.‏

یوحنا 14:23

عیسی اُنگا شِیله جُغاپ بِردی:‏ ‏«‏کیم مِنی سُییَن بُلسا، سُزومی بِرجای اِدِر.‏ آتام هِم اُنی سُیِر.‏ مِن آتام بیلِن اُل آدامینگ یانینا باریپ، اُنونگ بیلِن بیله مِکان توتاریس.‏

یوحنا 14:9

عیسی اُنگا شِیله دییدی:‏ ‏«‏اِی فیلیپُس، مِن سیزینگ بیلِن شِیله کَن واقت بُلسام-دا، مِنی تانیمادینگمی؟ مِنی گُرِن آتانی-دا گُرِندیر.‏ سِنینگ ‏”‏آتانی بیزه گُرکِز“‏ دییمَنگ نَمه؟

یوحنا 19:7

یَهودی باشلیغلاری:‏ ‏«‏بیزینگ بیر شِریغاتیمیز بار، شُل شِریغاتا گُرَه اُل اُلمِلی، سِبَبی اُل اُزونی خودایینگ اُغلی دییّپ آدلاندیریار»‏ دییدیلِر.‏

یوحنا 5:15

شِیلِلیکده، یانگقی آدام باریپ، اُزونی شِفا بِرِنینگ عیسادیغینی یَهودی باشلیغلارینا آیتدی.‏

یوحنا 5:16

بو ایشی سَبَّت گونی اِدِندیگی اوچین، یَهودی باشلیغلاری عیسانی اِذیِت بِرمَگه باشلادیلار.‏

یوحنا 5:17

اِمّا عیسی اُلارا:‏ ‏«‏مِنینگ آتام شو گونه چِنلی ایشلَپ گِلیَر، مِن هِم ایشلِیَرین»‏ دییّپ جُغاپ بِردی.‏

یوحنا 5:23

شِیلِلیکده، آتا حُرمات قُییانلار اُغلا-دا حُرمات قُیمالی بُلارلار.‏ اُغلا حُرمات قُیمایان آدام اُنی ایبِرِن آتا-دا حُرمات قُییان دَلدیر.‏

یوحنا 7:1

شُندان سُنگ عیسی جلیل‌ده آیلانماغا باشلادی.‏ یَهودی باشلیغلاری اُنونگ جانینا قاصد اِدِن سُنگرا، اُل یهودیه‌ده گِزمِک ایسلِمِیَردی.‏

یوحنا 7:19

موسی سیزه شِریغاتی بِرمِدیمی نَمه؟ یُنه سیزینگ هیچ بیرینگیز بو شِریغاتی بِرجای اِتمِیَرسینگیز.‏ نَمه اوچین مِنی اُلدورجِک بُلیارسینگیز؟»‏

یوحنا 8:54

عیسی اُلارا شِیله جُغاپ بِردی:‏ ‏«‏مِن اُزومی بِییکلِندیرسِم، اُندا بو بِییکلیک پوچ بُلار.‏ مِنی بِییکلِندیریَن اُز آتامدیر.‏ سیز اُنگا خوداییمیز دییَّرسینگیز.‏

یوحنا 8:58

عیسی اُلارا:‏ ‏«‏سیزه دُغروسینی آیدیارین، ابراهیم دُغولمازیندان اُنگ مِن باردیرین»‏ دییدی.‏

فیلیپیلِر 2:6

عیسی مسیح خودایینگ طِبیغاتینا اِیه بُلسا-دا، اُنی اُزونه دِرِجه سایمادی، اُندان قاییم یاپیشمادی.‏

آیانلیق 22:1

سُنگرا پِریشده مانگا بُلور یالی ییلدارایان آرنانی گُرکِزدی.‏ بو آرنادا یاشاییش سووی آقیاردی و خودایینگ و قوزینینگ تاختیندان چیقیپ دُکولیَردی.‏

آیانلیق 22:3

بو شَهرده ایندی آصلا لَعنِت بُلماز.‏ خودایینگ و قوزینینگ تاختی بو شَهرده بُلار، و خودایینگ خیدماتکَرلِری اُنگا خیدمات اِدِرلِر.‏