یوحنا 3:17 - مُقادِّس کیتاب

¹⁷ خودای اُغلونی دونیَه‌دَکیلِری مَحکوم اِتمِک اوچین دَل-ده، اُندان باشغا اُنونگ اوستو بیلِن نِجات تاپسین دییّپ دونیَه ایبِردی.‏

یوحنا 3:17 ပူးပေါင်းရင်းမြစ်များ

مَتّیٰ 18:10

‏«‏بو کیچیلِرینگ بیرینی اَسگِرمِزلیک اِتمِکدِن داش دورونگ!‏ مِن سیزه شونی آیدیارین:‏ اُلارینگ آسمانداقی پِریشده‌لِری آسمانداقی آتامینگ یوزونی هِمیشه گُریَرلِر.‏ ‏[‏

مَتّیٰ 18:11

اینسان اُغلی ییتِنلِری نِجات بِرمَگه گِلِندیر.‏]‏

لوقا 19:10

اینسان اُغلی ییتِنلِری آغتارماغا و نِجات بِرمَگه گِلِندیر»‏ دییدی.‏

لوقا 9:56

چونکی اینسان اُغلی آداملاری هِلَک اِتمَگه دَل-ده، اِیسِم اُلاری نِجات بِرمَگه گِلِندیر.‏]‏ سُنگرا اُلار باشغا اُبا گیتدیلِر.‏

یوحنا 1:29

اِرتِسی گونی یحیی اُز یانینا گِلیَن عیسانی گُروپ، شِیله دییدی:‏ ‏«‏اینه، دونیَه‌نی گونَه‌دِن گُتِریَن خودایینگ قوزوسی!‏

یوحنا 10:36

اُندا نَمه مِنی خودایینگ اُغلی دییِنیم اوچین کُفر آیدیان حاساپلایارسینگیز؟ مِنی بُلسا آتام اُزی اوچین سایلاپ-سِچیپ، دونیَه ایبِردی.‏

یوحنا 11:42

سِن مِنی هِمیشه-ده اِشیدیَندیگینگی بیلیَرین.‏ اِمّا بو سُزلِری شو یِرده دوران خالق اوچین، مِنی سِنینگ ایبِرِندیگینگه ایمان گِتیرسینلِر دییّپ آیتدیم»‏ دییدی.‏

یوحنا 17:18

سِنینگ مِنی دونیَه ایبِریشینگ یالی، مِن هِم اُلاری دونیَه ایبِردیم.‏

یوحنا 17:21

اُلارینگ هِمّه‌سی بیر بُلسون.‏ آتا، سِن مِنده و مِن-ده سِنده بُلشوم یالی، اُلار هِم بیزده بُلسونلار.‏ شِیلِلیکده، مِنی سِنینگ ایبِرِندیگینگه دونیَه ایمان گِتیرسین.‏

یوحنا 17:23

مِن اُلاردادیرین، سِن بُلسا مِندِسینگ.‏ مِنی سِنینگ ایبِرِندیگینگی، مِنی سُیشونگ کیمین اُلاری-دا سُییَندیگینگی دونیَه بیلِر یالی، اُلار کَمیل بیرلیکده بُلسونلار.‏

یوحنا 17:25

‏«‏اِی عادالاتلی آتا، دونیَه سِنی تانیمییار، اِمّا مِن سِنی تانییارین.‏ بو آداملار هِم مِنی سِنینگ ایبِرِندیگینگی بیلیَرلِر.‏

یوحنا 17:3

اِبِدی یاشاییش بُلسا، سِنی، یَعنی یِکه حاق خودایی و سِنینگ ایبِرِن عیسی مسیحینگی تانیماقدیر.‏

یوحنا 17:8

چونکی مانگا آیدان سُزلِرینگی مِن اُلارا یِتیردیم.‏ اُلار سُزلِرینگی قابول اِدیپ، مِنینگ، حاقیقاتدان-دا، سِندِن گِلِندیگیمی بیلدیلِر.‏ مِنی سِنینگ ایبِرِندیگینگه ایمان گِتیردیلِر.‏

یوحنا 20:21

عیسی اُلارا یِنه-ده:‏ ‏«‏سیزه سالاماتلیق بُلسون!‏ آتامینگ مِنی ایبِریشی یالی، مِن هِم سیزی ایبِریَرین»‏ دییدی.‏

یوحنا 3:34

خودایینگ ایبِرِنی خودایینگ سُزلِرینی آیدیاندیر، سِبَبی خودای اُنگا مُقادِّس روحی اُلچِگسیز بِریَر.‏

یوحنا 5:36

اِمّا مِنینگ یحیانینگقیدان-دا خاص بِییک شاهاتلیغیم بار، سِبَبی بِرجای اِتمِگیم اوچین آتانینگ اُزومه تابشیران ایشلِری، یَعنی شو اِدیَن ایشلِریم مِنی آتانینگ ایبِرِندیگینه شاهاتلیق اِدیَر.‏

یوحنا 5:38

قالبینگیزدا اُنونگ سُزلِری یُق، سِبَبی سیز اُنونگ ایبِرِنینه ایمان گِتیرمِیَرسینگیز.‏

یوحنا 5:45

آتانینگ اُوونده مِن سیزی عاییپلارین دییّپ گومَن اِتمَنگ.‏ سیزی عاییپلایان اُز اومید باغلایان موسانگیزدیر.‏

یوحنا 6:29

عیسی اُلارا:‏ ‏«‏خودایینگ ایشینی بِرجای اِتمِک ایسلِیَن بُلسانگیز، اُنونگ ایبِرِنینه ایمان گِتِرینگ»‏ دییّپ جُغاپ بِردی.‏

یوحنا 6:38

چونکی مِن اُز ایسلِگیمی دَل-ده، مِنی ایبِرِنینگ ایسلِگینی بِرجای اِتمِک اوچین آسماندان ایندیم.‏

یوحنا 6:40

اُغلی گُرِن و اُنگا ایمان گِتیرِن هِر بیر آدامینگ اِبِدی یاشایشا قاووشماغی آتامینگ ایسلِگیدیر.‏ مِن-ده بو آداملاری آخیرات گون قایتادان دیرِلدِرین.‏»‏

یوحنا 6:57

مِنی دیری آتا ایبِردی و مِن اُنونگ اوستو بیلِن یاشایارین.‏ اِدیل شونونگ یالی، مِندِن اییمیتلِنیَن-ده مِنینگ اوستوم بیلِن یاشار.‏

یوحنا 7:29

مِن اُنی تانییارین، سِبَبی مِن اُنونگ یانیندان گِلِندیرین.‏ مِنی ایبِرِن اُلدور.‏»‏

یوحنا 8:11

آیال:‏ ‏«‏یُق، آقام»‏ دییدی.‏ عیسی:‏ ‏«‏مِن هِم سِنی مَحکوم اِتمِیَرین.‏ بار، گیدیبِر، موندان بِیلَک گونَه ایش اِتمه»‏ دییدی.‏]‏

یوحنا 8:42

عیسی اُلارا شِیله دییدی:‏ ‏«‏اِگِر آتانگیز خودای بُلسا، اُندا مِنی سُیِردینگیز، سِبَبی مِن خودایدان گِلدیم، اُز-اُزومدِن گِلمِدیم، مِنی اُل ایبِردی.‏

۱ یوحنا 2:2

اُل اُزی گونَه‌لِریمیزینگ قربانیسی و دینگه بیزینگ گونَه‌لِریمیز دَل-ده، اُندان باشغا، هِمّه دونیَه‌نینگ گونَه‌لِرینینگ قربانیسی.‏

۱ یوحنا 4:14

بیز آتانینگ اُز اُغلونی دونیَه‌نینگ نِجات بِریَنچیسی اِدیپ ایبِرِندیگینی گُردوک و مونگا شاهاتلیق اِدیَریس.‏