یوحنا 3:11 - مُقادِّس کیتاب

¹¹ سانگا دُغروسینی آیدیارین، بیز بیلِنیمیزی آیدیاریس، گُرِنیمیزه شاهاتلیق اِدیَریس، اِمّا سیز بیزینگ شاهاتلیغیمیزی قابول اِتمِیَرسینگیز.‏

یوحنا 3:11 ပူးပေါင်းရင်းမြစ်များ

مَتّیٰ 11:27

آتام هِمّه زادی مانگا تابشیردی.‏ اُغلی آتادان باشغا هیچ کیم تانییان دَلدیر.‏ اُغولدان و اُغلونگ اُنی اَشکَر اِتمِک ایسلِیَن آداملاریندان باشغا هیچ کیم آتانی تانییان دَلدیر.‏

مَتّیٰ 23:37

‏«‏اِی اورشلیم!‏ پیغامبارلاری اُلدوریَن، اُزونه یُلّانانلاری داشلایان اورشلیم!‏ تُووغینگ اُز جویجه‌لِرینی قاناتلارینینگ آشاغینا ییغنایشی یالی، مِن هِم اِنچِمه گِزِک سِنینگ فِرزِنتلِرینگی ییغناجاق بُلدوم، اِمّا سیز مونی ایسلِمِدینگیز.‏

لوقا 10:22

‏«‏آتام هِمّه زادی مانگا تابشیردی.‏ اُغلونگ کیمدیگینی آتادان باشغا هیچ کیم بیلمِز.‏ آتانینگ هِم کیمدیگینی اُغولدان و اُغلونگ اَشکَر اِتمِک ایسلِیَن آداملاریندان باشغا هیچ کیم بیلمِز»‏ دییدی.‏

یوحنا 1:11

اُل اُزونینگکیلِره گِلدی، اِمّا اُلار اُنی قابول اِتمِدیلِر.‏

یوحنا 1:18

هیچ کیم هیچ هاچان خودایی گُرِن دَلدیر، اُنی بیزه آتاسینینگ قوجاغینداقی، اُزی-ده خودای بُلان یِکِجه اُغلی تانیتدی.‏

یوحنا 12:49

سِبَبی مِن اُز-اُزومدِن کِپلِمِدیم.‏ مِنی ایبِرِن آتا نَمه آیتمالیدیغیمی، نَهیلی سُزلِمِلیدیگیمی مانگا اُزی تابشیردی.‏

یوحنا 14:24

مِنی سُیمِیَن مِنینگ سُزومی بِرجای اِدیَن دَلدیر.‏ سیزینگ بو اِشیدیَن سُزلِرینگیز مِنینگکی دَل-ده، مِنی ایبِرِن آتانینگقیدیر.‏

یوحنا 3:12

مِنینگ یِردَکی زاتلار بارادا آیدیانلاریما اینانماسانگیز، اُندا آسمانداقی زاتلار بارادا آیتسام، نَدیپ اینانارقانگیز؟

یوحنا 3:13

هیچ کیم آسمانا چیقان دَلدیر، اُنگا دینگه آسماندان اینِن، یَعنی اینسان اُغلی، چیقاندیر.‏

یوحنا 3:3

عیسی اُنگا:‏ ‏«‏سانگا دُغروسینی آیدیارین، تَزه‌دِن دُغمادیق آدام خودایینگ پادیشاهلیغینی گُروپ بیلمِز»‏ دییّپ جُغاپ بِردی.‏

یوحنا 3:5

عیسی شِیله جُغاپ بِردی:‏ ‏«‏سانگا دُغروسینی آیدیارین، سودان و مُقادِّس روحدان دُغمادیق آدام خودایینگ پادیشاهلیغینا گیریپ بیلمِز.‏

یوحنا 5:43

مِن آتامینگ آدیندان گِلدیم، سیز بُلسا مِنی قابول اِتمِیَرسینگیز.‏ یُنه باشغا بیری اُز آدیندان گِلَیسه، سیز اُنی قابول اِدِرسینگیز.‏

یوحنا 7:16

عیسی اُلارا شِیله جُغاپ بِردی:‏ ‏«‏مِنینگ تَعلیم بِریَنلِریم اُزومینگکی دَل، مِنی ایبِرِنینگکیدیر.‏

یوحنا 8:14

عیسی اُلارا:‏ ‏«‏مِن اُز-اُزومه شاهاتلیق اِدیَن هِم بُلسام، مِنینگ شاهاتلیغیم اِعتِبارلیدیر.‏ سِبَبی مِن نیرِدِن گِلیپ، نیرَه باریانیمی بیلیَرین، یُنه مِنینگ نیرِدِن گِلِنیمی یا نیرَه باریانیمی سیز بیلمِیَرسینگیز.‏

یوحنا 8:26

سیزی مَحکوم اِدیپ آیتجاق زاتلاریم کَن.‏ مِنی ایبِرِن حاقدیر، مِن اُندان اِشیدِنلِریمی دونیَه اَشکَر اِدیَرین»‏ دییّپ جُغاپ بِردی.‏

یوحنا 8:38

مِن سیزه آتامینگ یانیندا گُرِنلِریمی آیدیارین، سیز هِم اُز آتانگیزدان اُورِنِنگیزی اِدیَرسینگیز.‏»‏

رِسول‍لار 22:18

مِن عیسانی گُردوم، اُل مانگا:‏ ‏”‏تیز بُل، دِرِّو اورشلیمدِن گیت، سِبَبی اُلار سِنینگ مِن حاقدَکی شاهاتلیغینگی قابول اِتمِزلِر“‏ دییدی.‏

۲ قُرِنتُس‌لار 4:4

بو دونیَه‌نینگ حُکومداری شِیطان ایمان گِتیرمِدیکلِرینگ دوشومینی باغلادی.‏ شُنونگ اوچین-ده اُلار خودایینگ صوراتی بُلان عیسی مسیحینگ بِییکلیگینینگ خوش خابارینینگ نورینی گُروپ بیلمِیَرلِر.‏

آیانلیق 1:5

اُلومدِن اَوَّلکی بُلوپ دیرِلِن، دونیَه پادیشاهلارینینگ حُکومداری بُلان اِمین شاهات عیسی مسیحینگ مِرحِمِتی و پاراحاتلیغی سیزه یار بُلسون!‏ بِییکلیک و قودرات اِبِدی مسیحینگکیدیر!‏ چونکی اُل بیزی سُیِندیگی سِبَپلی، قانینی دُکوپ، گونَه‌لِریمیزدِن آزاد اِتدی.‏ اُل بیزدِن پادیشاهلیق یارادیپ، بیزی آتاسی خودایا خیدمات اِتمِک اوچین کاهینلار بِلِّدی.‏ اَمین!‏

آیانلیق 3:14

‏«‏لائودیکیه‌دَکی کِلیسانینگ پِریشده‌سینه شونی یاز:‏ ‏«‏اِمین و حاقیقی شاهات، خودایینگ یارادانلارینینگ باشی، اَمین دییّپ آدلاندیریلیان شِیله دییَّر:‏