یوحنا 21:7 - مُقادِّس کیتاب

⁷ شُندا عیسانینگ سُیگولی شَگیردی پِطرُسا یوزلِنیپ:‏ ‏«‏بو عیسادیر!‏»‏ دییدی.‏ شمعون پِطرُس اُنونگ عیسادیغینی اِشیدِن واقتینا اِگنیندَکی کُینِگینینگ اِتِگینی قوشاغینا قیسدیریپ، اُزونی دِریایا اُقلادی.‏

یوحنا 21:7 ပူးပေါင်းရင်းမြစ်များ

مَرقُس 11:3

اِگِر بیری سیزه:‏ ‏”‏نَمه اوچین بِیله اِدیَرسینگیز؟“‏ دییسه، اُنگا:‏ ‏”‏بو کورّه اِشِک اُستادا گِرِک، اُنی باسیم ایزینا ایبِرِر“‏ دییّپ آیدینگ»‏ دییدی.‏

لوقا 12:35

‏«‏بیل‍لِرینگیزی قوشانگ، چیراغلارینگیز یاقیلی بُلسون.‏

لوقا 2:11

شو گون داوودینگ شَهرینده سیزینگ اوچین نِجات بِریَنچی دُغدی.‏ اُل خوداییمیز مسیحدیر.‏

لوقا 7:47

شُنونگ اوچین هِم مِن سانگا آیدیارین:‏ بو آیالینگ کَن گونَه‌لِری باغیشلاناندیر.‏ چونکی اُنونگ سُیگوسی کَندیر.‏ گونَه‌لِری آز باغیشلانانلارینگ بُلسا سُیگوسی آزدیر.‏»‏

یوحنا 13:23

ساچاق باشیندا شَگیرتلِردِن بیری عیسانینگ قاپدالیندا یاپلانیپ اُتیردی.‏ اُل عیسانینگ سُیگولی شَگیردیدی.‏

یوحنا 19:26

عیسی اِنه‌سینی و اُنونگ یانیندا دوران سُیگولی شَگیردینی گُروپ، اِنه‌سینه:‏ ‏«‏اِی آیال، بو سِنینگ اُغلونگدیر»‏ دییدی.‏

یوحنا 20:2

شُندا اُل شمعون پِطرُس بیلِن عیسانینگ سُیگولی شَگیردینینگ یانینا یُرتوپ باریپ، اُلارا:‏ ‏«‏آقامیزی قابردان چیقاریپ اَکیدیپدیرلِر.‏ اُنی نیرِده قُیاندیقلارینی بیلمِیَریس»‏ دییدی.‏

یوحنا 20:20

مونی آیدیپ، اُلارا اُز اِل‍لِرینی، بُورونی گُرکِزدی.‏ شَگیرتلِری عیسانی گُروپ شاتلاندیلار.‏

یوحنا 20:28

توما اُنگا:‏ ‏«‏سِن مِنینگ تانگریم و مِنینگ خوداییمسینگ!‏»‏ دییدی.‏

یوحنا 21:20

پِطرُس ایزینا سِراِدِنده، عیسانینگ سُیگولی شَگیردینینگ هِم اُز ایزلارینا دوشوپ گِلیَنینی گُردی.‏ بو شَگیرت شام واقتیندا عیسانینگ قاپدالیندا یاپلانیپ، اُندان:‏ ‏«‏اِی آقام، سانگا خایینلیق اِتجِک آدام کیم؟»‏ دییّپ سُران شَگیرتدی.‏

یوحنا 21:24

بو زاتلارا شاهات بُلوپ، شولاری یازان شُل شَگیرتدیر.‏ بیز اُنونگ شاهاتلیغینینگ حاقیقاتدیغینی بیلیَریس.‏

یوحنا 21:8

بِیلِکی شَگیرتلِر بُلسا بالیقدان دُلی تُری چِکیپ، قاییق بیلِن گِلدیلِر.‏ اُلار کِناردان اوزاق دَلدیلِر، اُنونگ ایکی یوز قادام مِزِنّه قُلاییندادیلار.‏

رِسول‍لار 10:36

خودای اسرائیل خالقینا ایبِرِن بو پاراحاتلیق خوش خابارینی هِمّه‌لِرینگ خودایی بُلان عیسی مسیحینگ اوستو بیلِن اِعلان اِتدی.‏

رِسول‍لار 2:36

‏«‏شُنونگ اوچین هِم، اِی هِمّه اسرائیل خالقی، شونی آچیق بیلیپ قُی:‏ خودای سیزینگ صلیبه چویلَن بو عیسانگیزی هِم تانگری، هِم مسیح اِدیپ بِلِّدی.‏»‏

۱ قُرِنتُس‌لار 15:47

اَوَّلکی اینسان یِرینگ تُپراغینداندی، ایکینجی اینسان بُلسا آسمانداندی.‏

۲ قُرِنتُس‌لار 5:14

اِگِر بیر آدام هِمّه‌لِر اوچین اُلِن بُلسا، اُندا هِمَّه‌میز اُلِندیریس.‏ شِیله فیکره گِلِنیمیز بَری عیسی مسیحینگ سُیگوسی بیزی حِرِکِت اِتمَگه هُوِسلِندیریَر.‏

یعقوب 2:1

اِی عزیزلِر، بِییک تانگریمیز عیسی مسیحه بُلان ایمانینگیزی طارافدارلیق اِتمِکدِن ساقلانینگ.‏